Andam sa bed scene

CEBU, Philippines- Gibutyag ni Rhian Ramos nga bukas siya sa posibilidad nga makabaton og  bed scene uban sa laing babaye  kung gikinahanglan man sa istorya.  Mapasalamaton si Rhian sa mga positibong feedback nga nadawat niya sa seryeng The Rich Man’s Daughter.

Hadlok birahan

Tsika pa ni Carmina Villarroel nga ang  social media maoy usa sa mga rason kung nganong dili siya ganahan nga mosulod sa showbiz ang iyang mga anak. Mahadlok si Carmina nga masakitan ang iyang  mga anak sa higayon nga mahulbotan kini sa netizens.

LT magkomedyante

Lahi nga Lorna Tolentino ang matan-awan sa bag-ong sitcom sa TV5 nga Misterless Misis. Ipakita ni LT ang abilidad niya sa pagpakatawa busa seguradong mahugyaw ang viewers kaniya.

Gidawat sa fans ni Jake

Nagpasalamat si Julie Anne San Jose sa fans ni Jake Vargas gumikan kay misaad kini nga mohatag og init nga suporta sa tandem nila sa aktor sa seryeng Buena Familia sa GMA-7. Nagmalaumon ang aktres nga mohangop ang mga tawo sa ilang panagpares sa maong serye.

Gabby mipahimangno

Mipahimangno si Gabby Concepcion ngadto sa mga Pinoy nga nagbase sa  Italy ug  UK nga dili dayon magpadala sa mga show nga matud nag-release og poster  kung  diin napatik ang iyang hulagway. Suma pa sa aktor nga wala siya masayod niini busa nanawagan siya sa organizer sa maong show nga mangayo kini og pasaylo kaniya.

Nasipyat gamay

Nasayop si  Vice Ganda sa pagbuhi niya og linya atol sa programang Gandang Gabi Vice  human kini nilenggua nga asawa ni Kris Lawrence ang aktres nga si Katrina Halili. Usa si Kris sa nahimong guest sa maong show uban sa laing singer nga si Jay R.  Nasayran nga hagbay ra nga nagbuwag sila si Kris ug Katrina.”I’m sorry! I didn’t know,” suma pa ni Vice sa dihang gisuginlan siya ni Jay-R nga sayop ang iyang nasulti.

Uyab ni Enchong mihilak

Emosyonal ang modelo nga si Samantha Lewis human kalit nga gipasulod og balik sa Pinoy Big Brother house ang boyfriend niya nga si Enchong Dee alang sa  bag-ong task niini. Nakugang si Enchong gumikan kay kunsabo usab ang iyang inahan sa  pagdala sa iyang mga butang sulod sa balay ni Kuya.

Mosikad karong August 9

Gipahibalo na sa GMA-7 nga magsugod na karong August 9, ang bag-ong variety show nga PINASaya. Ang mga host niini naglangkob nila ni Ai-Ai delas Alas, Marian Rivera, Jose Manalo, Wally Bayola, Alden Richards, Julie Anne San Jose,  ug Valeen Montenegro.

Paukyab ni Zsa Zsa

Naukay ang viewers sa Gandang Gabi Vice niadtong Domingo sa gabii kung diin ni-rap ang singer nga si  Zsa Zsa Padilla . Gikanta ni Zsa Zsa ang bag-ong awit ni  Vice Ganda nga  “Wag Kang Pabebe.”

Dili magpaapekto

Kever lang si Ai-Ai delas Alas sa iyang  bashers kinsa mikuwestiyon sa iyang pagtabang kang  Jiro Manio  nga  nag-istar karon  sa usa ka pribadong pasilidad. Suma pa sa aktres nga wala’y makababag sa iyang pagtabang kang Jiro nga giisip niya nga tinuod niya nga anak.

Albie mobalik sa ABS-CBN

  Mobalik na sa ABS-CBN ang kontrobersyal nga aktor nga si  Albie Casino ug  malakip siya sa seryeng On The Wings of Love nga pagabidahan nila niNadine Lustre ug James Reid.

Katapusang serye ni Albie sa ABS-CBN mao ang  100 Days To Heaven  niadtong 2011 ug kalit lang nahilom ang iyang career  human niulbo ang istorya  nga matud pa iyahang napamabdosan si Andi Eigenmann.

Human sa pipila ka tuig, nidawat siya og  mga proyekto sa GMA-7 ug TV5 ug nihatag usab siya og dakong oras sa iyang pag-eskwela.

 Suma pa ni Albie nga naka-move on na siya sa mga isyu nga iyang nasugatan kaniadto busa komportable na siya karon sa iyang pagbalik sa Kapamilya Network. 

Daniel mipasabot sa hulagway

Mitingog na ang Kapamilya star nga si  Daniel Padilla kalabot sa nikatap nga hulagwaykung diin nigamit siya og  electronic cigarette  atubangan sa iyang ka-loveteam nga si Kathryn Bernardo.

Kahinumduman nga nilenggua ang iyang mga kritiko nga dili maayong ehemplo si Daniel ngadto sa iyang fans gumikan sa  iyang  gibuhat.

 “Hindi yosi ‘yun. Hindi rin ‘yun droga. Vapor po ‘yun. Hindi naman ako nag-yosi, talagang vape lang. Hindi ko naman lahat sinasabi mag-vape na pero siguro tayo namang tao, may mga sariling buhay din naman tayo. May mga sarili tayong gusto,” tsika pa ni Daniel ngadto sa ABS-CBN News.

Suma pa sa aktor nga lisod gyud kaayo ang iyang istado nga tan-awon kanunay sa mga tawo iyang mga lihok.

 “Mahirap kasi parang ‘yun nga, nakita akong nagve-vape, mali kaagad. Mahirap. Pero kung ayaw niyo na sa akin, ayaw niyo na,” dugang pa niya.

Piolo na hugyaw ni Liza

Wala damha ni  Piolo Pascual nga tawagon siya ni  Liza Soberano og  “Tito”  sa usa ka portion  sa ASAP 20 niadtong Domingo.

Dali nga nakapangayo og pasaylo ang 17 anyos nga si Liza ngadto sa 38 anyos nga aktor nga si Piolo. 

Nasayran nga taas og respito si Liza sa mga kaubanan niya nga artista busa inosente kini sa pagbuhi sa maong pulong.

Sa maong portion, kauban nila ni  Piolo ug Liza sila si  Bea Alonzo, Jodi Sta. Maria, Kathryn Bernardo, ug  Kim Chiu.

Tipik sa ilang gipanulti, mao ang pagpaila  sa mga artistang  mo-perform sa sunod nga mga production number sa ASAP ug gisaulog usab niadtong higayona ang 23rd anniversary sa Star Magic.

Human sa linyani Piolo, misunod dayon si  Liza, ug nilenggua kini og “Tama ‘yan, Tito Piolo…”

Gumikan niini,  nangatawa  og maayo ang ubang mga artista nga kauban nila sa maong portion.

Mihirit si  Jodi sa pag-ingon og ,  “Ang tanda ng Tito Piolo!”

Nisumpay usab ang laing aktres  nga si  Bea sa paglitok  og,  “Tito”.

Giingnan dayon ni  Piolo si Liza og , “Huwag mo nang uulitin yon, Liza.”

Anak ni Whitney mipanaw na

Mipanaw  na ang anak ni anhing  Whitney Houston nga si Bobbi Kristina Brown sa edad nga 22 anyos niadtong Domingo.

Namatay si Bobbi Kristina sa Peachtree Christian Hospice sa Duluth Georgia human na-comatose pipila ka buwan.

“She is finally at peace in the arms of God. We want to again thank everyone for their tremendous amount of love and support during these last few months,” tipik sa statement nga gipagawas sa kabanay ni Bobbi.

Kahinumduman nga niadtong  January 31, 2015 , nakaplagan ang  dalaga  nga wala na siya sa iyang panimuot sa bathtub sa  panimalay niini sa  Roswell, Georgia.

Ang hinigugma ni  Bobbi Kristina nga si Nick Gordon maoy gipasanginlan nga  maoy nagpaluyo sa nahiaguman  sa anak ni Whitney.

Gidala  siya sa Emory University Hospital sa Atlanta kung diin pila siya ka buwan nga nag-istar niini.

Gibalhin na pud siya og laing tambalanan apan wala gihapo’y kalamboan sa kondisyon niini hangtud gidala siya sa Peachtree Christian Hospice niadtong Hunyo.

Aduna’y talento si Bobbi Kristina sa pagkanta  ug naka-duet na niya niadto ang iyang inahan sa nagkadaiyang concert. Naka-duet sila sa mga awit nga “My Love is Your Love” ug  “Little Drummer Boy”.

Hello Renzy, ani ang gi-request nimo nga lyrics sa kanta:

Kiss Me Goodbye

By Petula Clark

We choose it, win or lose it..love is never

Em  A7

quite the same.

  D A Bm  G D

I love you, now I’ve lost you..don’t feel bad,

 Em7 A7 D  D7

you’re not to blame.

CHORUS:

 G  Gmaj7  G6G

So, kiss me goodbye and I’ll try not to cry.

G  G6 G  D7

All the tears in the world won’t change your mind.

Am  Cmaj7D  C

There’s someone new and she’s waiting for you..

 D  G G7

soon your heart will be leaving me behind.