Sofia gihangop sa netizens

CEBU, Philippines – Naputos sa mga pagdayeg gikan sa netizens  ang aktres nga si Sofia Andres gumikan sa maayo niya nga performance sa episode sa Maalaala Mo Kaya niadtong Sabado sa gabii kung diin nagbaha ang emosyonal nila nga eksena ni Ara Mina kinsa midala isip iyang inahan. Ang hashtag  nga #MMKMothersLove nakasulod sa listahan sa mga trending topic sa Twitter niadtong gabhiona.

Lisod hangyoon

Wala magpadala si  Rey Pamaran sa hangyo sa  mga higala ni Melissa Mendez nga ihunong na niya ang kaso batok sa aktres. Gusto ni Pamaran nga mahatagan og hustisya ang pagpanapat ni Melissa kaniya sulod sa eroplano.

Gamay ra ang malibrehan

Giingong diyutay ra nga mga higala ni Manny Pacquiao ang nahatagan niya og ticket alang sa away nila ni Floyd Mayweather karong Mayo 2. Mahal kaayo ang ticket sa maong boxing fight busa pinili  ang mahatagan ni Pacman og ticket.

Gabriel misakay sa uso

Motorsiklo ang gisakyan ni  Gabriel Valenciano padulong sa venue sa ilang kasal ni Tricia Centenera sa miaging adlaw. Mao na kini ang uso karong panahona.

Geoff gidala sa tambalanan

Aduna’y  minor accident sa taping sa seryeng  Kailan Ba Tama ang Mali sa miaging gabii. Gidala si Geoff Eigenmann sa St. Luke’s Hospital sa Quezon City human nakusog ang pagsukmag kaniya sa kauban niya sa maong serye atol sa fight scene .

Burger ni JC

Gipasigarbo ni  JC de Vera ang negosyo niya nga burger gumikan kay lahi gyud ang timplada niini.  ‘‘You should taste the burger we serve in my resto,’’ suma pa ni JC.

Itlog ni Francine halinon

Mikusog ang egg business ni  Francine Prieto ug nahimo na niya nga suki ang mga higala niya sa showbiz. Giatiman og maayo sa aktres ang iyang negosyo aron maseguro nga duna siya’y padulngan kung maabot ang panahon nga mawad-an siya og showbiz projects.

James ug Julia nag-date?

Giintriga karon sila si James Reid ug Julia Barretto nga nasigpatan nga nag-date sa usa ka coffee shop. Ila lang kini nga gikataw-an ug mitataw nga  managhigala  silang duha.

Hero nakapuntos

Nagmalaumon si  Hero Angeles nga makatabang sa pagbalik niya sa showbiz ang pagkalakip niya  isip player sa Deal or No Deal. Suma pa ni Hero nga usa kini sa pamaagi nga mabatyagan siya og balik sa mga tawo.

Nagdungan og sayaw

Sila si Kylie Padilla ug  Louise delos Reyes maoy nag-una og sayaw sa bag-ong segment sa Sunday All Stars nga   Face-Off  kagahapon.  Gipamatud-an sa duha nga wala gyud sila nag-away.

Jen magpahayahay sa Cebu

Ganahan si  Jennylyn Mercado nga ma-relax karong semanaha busa motikang siya sa  Malapascua Island,  Cebu . Ang pagligo og dagat maoy usa sa buhaton ni Jen basta duna siya’y taas nga bakasyon.

Ikaw na Chanda!

Gikalagotan pag-ayo si  Chanda Romero sa viewers sa  Pari Koy gumikan sa iyang pagka-kontrabida.Gikalipay ni Chanda ang maong reaksyon gumikan kay nagpasabot kini nga epektibo ang iyang pagminaldita atubangan sa kamera.

Nakulbaan gamay

Giangkon ni  Alex Gonzaga nga dili malikayan nga makulbaan siya sa umaabot niya nga concert sa Araneta Coliseum. Apan dako gihapon ang iyang pagtoo nga mapuno niya sa mga tawo ang venue sa iyang concert.

Benjamin mitin-aw sa isyu

Gihimakak ni Benjamin Alves ang report nga matud pa pilian siya og proyekto. Suma pa sa aktor nga imposible kaayo kini gumikan kay ikalipay niya og dako kung duna’y proyekto nga ihatag kaniya.

Louise nahuwasan

Gibutyag ni  Louise delos Reyes nga duna siya’y umaabot nga proyekto sa GMA-7 apan wala pa siya’y ideya sa konsepto niini. Nasayran nga dul-an na sa usa ka tuig nga wala’y regular nga programa si Louise sa GMA-7. 

Carla nasagmuyo

Nasagmuyo  pag-ayo si  Carla Abellana gumikan kay duna’y mga tawo ang wala gyud mohatag og suporta sa  Earth Hour niadtong Sabado sa gabii.

Ang maong kampanya nagdasig sa mga tawo nga palongon ang ilang mga suga sulod sa usa ka oras alang sa pagdaginot sa enerhiya.

Nabantayan ni Carla nga diyutay ra kaayo ang mga tawo nga nisanong sa maong panawagan nga buot huna-hunaon, usa raman unta kini ka oras.

Alex napungot sa intriga

Napungot si Alex Gonzaga sa intriga nga matud pa bugnaw ang tinagdan niya kang Vice Ganda.

Nagsugod ang maong isyu human susama ang duha nga dunay umaabot nga konsyerto sa Araneta Coliseum.  Una na nga gi-deny ni Vice ang maong istorya matud pa duna sila’y init nga kompetisyon ni Alex.

Suma pa ni Alex nga dili tinuod ang maong taho, gani suod kaayo niya nga higala si Vice busa wala siya mahimout sa mga tawong misuway og sabong nilang duha.

" Nahihiya ako for Vice kasi bakit naman? Parang bago pa itapat ang dami ko pang kakainin na bigas. Kasi si Vice Ganda is Unkabogable Phenomenal Star," suma pa ni Alex nga nahinabi sa push.com.

Suma pa ni Alex nga supportive gani kaayo si Vice sa iyang upcoming concert busa naulaw na hinuon siya sa komedyanteng TV host sa maong nigawas nga intirga.

“He’s always been so nice, accommodating and even sa Daddy ko. Sobrang pinaparamdam sa amin ni Vice na parang kapatid niya talaga kaming magkapatid,” dugang pa ni Alex.

Nadine wala mahadlok  sa bahad

Gibutyag ni Nadine wala siya mahadlok sa bahad sa fans nila ni  ni Kathryn Bernardo ug  Daniel Padilla nga sabyagan nila og nagbukal nga mantika kung makit-an nila ang aktres.

“Hindi ako natatakot kasi my fans naman are there to protect me, James (Reid) is there, the Viva people are there. I’m not really scared with anything naman,” suma pa ni Nadine.

Nagkanayon si Nadine nga dili niya hatagan og gibug-aton ang mga negatibong butang.

Daniel napili nga Global Slime Star

Ang Kapamilya teen star nga si  Daniel Padilla karong tuiga napili nga Global Slime Star sa bag-ohay lang nga Kids’ Choice Awards sa  Nickelodeon.

Sa  Twitter account sa Nickelodeon Africa, gipahalipayan nila si  Daniel sa naangkon niini nga titulo.

Si Daniel maoy labing una ug nag-inusarang  Filipino young star nga nakadawat sa maong klase nga pasidungog.

Nahitabo  niadtong Sabado sa gabii didto sa  Los Angeles , California ang pag-anunsyo sa mga mananaog.

Nominado usab si Daniel  sa  Favorite Asian Act category kung diin nakatigi niya sila si JKT48 (Indonesia), Jinnyboy (Malaysia), ug  Tosh Zhang (Singapore).

Nagsagunson ang mga pasidungog nga nadawat ni Daniel karong tuiga ug usa na niini ang pagkapili niya isip Favorite Male Artist sa  2015 MYX Music Awards. Ang kanta niya nga  ''Simpleng Tulad Mo'', maoy napili nga  favorite song.