BISCHIKA

BisChika nga Domingo mga SweetKaButanding! Niaging semana nahatagan kita og higayon nga mamahimong parte sa bag-ong programa sa very talented nga Cebuana nga si Ms. Manilyn Reynes, usa kini ka cooking show nga inyong makit-an sa Kapuso Network! Ang nahimo nakong trabaho mao ang pag-coordinate sa location sa ilang cooking show. Usa kini ka semana nako gibuhat mao nga mapasalamaton kaayo ko nga all is well gikan sa office ni Mayor Paz Radaza hangtud sa Barangay Captain sa Mactan si Hon. Tata Dihayco. Sa mismong adlaw sa maong shooting si haring adlaw murag nagpakita sa iyang mainitong pagdawat namo sa Lapu-Lapu Mactan Shrine. Adunay upat ka sud-an silang giluto ug abtik pud ko nakatilaw. Kauban niya sa maong new show kay ang hugyaw nga Chef Babes Austria ang kanhi Executive Chef sa Malacañang Palace. Ang mga women’s group sa Barangay Ibo, Lapu-Lapu City nga nahimong live audience  daghan kaayo’g nakat- unan sa ilang shooting.

Tungod kay abtikay ang peg, nakahigayon ang inyong mother butanding sa status sa career sa atong Star of the Decade...Manilyn Reynes ( batch gyud ni nako! Kaabot gyud ko! Hahaha! ). Iyang gipaambit kanamo ni Alan Domingo sa 24Oras Central Visayas ang usa ka interview ug take note ha, straight bisaya interview gyud ni. Malipayon kaayo siya nga daghan kaayo siyang shows sa GMA 7 mao nga busy siya karon. Dugang pa niya nga dako kaayo ang iyang kalipay nga nabalik siya sa Sugbo bisan og trabaho kini kay panagsa ra siya makauli sa Cebu. Kung giunsa niya pag balanse ang career ug pamilya ?Ang tubag ni Manilyn Reynes kay iya gyud gisigurado nga muhatag siya og oras sa iyang pamilya kay bisan layo ang location sa ilang shooting manawag gyud kini para e-check ug kumustahon ang iyang mga anak. Kung libre ang iyang schedule tabangan niya ang iyang mga anak sa mga assignments. Katong adlawa kauban usab ni Manilyn ang iyang bana nga si Aljon Jimenez nga kanhi artista usab ug iya na karung talent manager.

Unsa man ang kalahian sa iyang character sa Pepito Manaloto as Elsa Manaloto ug Aurora Rodrigo sa Once Upon A kiss? Ang iyang tubag kay si Aurora kahibalo muluto ug medyo seryoso. Si Elsa kay seryoso usab apan adunahan. Gitapos ang maong interview sa iyang dakong pasalamat sa iyang mga fans.

Ang iyang mga GMA Shows:

Lunes hangtud Biyernes : Once Upon A Kiss pagkahuman sa More Than Words

Matag Sabado: Pepito Manaloto

Matag Domingo: sa segment sa Sunday All Stars nga ang Paborito N’yo

Ug ang iyang new cooking Show atangi!

Dugang nga BisChika sa wala pa nahitabo ang maong interview kay naabot ang parents ni Manilyn Reynes ug suwerte kaayo ang inyong Yur’s truly nga nakapahulagway gyud ko nila ug si Aljon pa ang nagkuha sa maong hulagway. Ila kung gipatawag para sa picture taking tungod ang Mama ug Papa ni Manilyn Reynes mutan-aw og #BuenaManoBalita! Nindot ang imong pamati nga duna kay mga tawo nga makahatag ka og kalipay bisan sa ginagmay nga pamaagi.

Salamat sa inyong pagtutok sa BuenaManoBalita 6:15am sa GMA7. Like my page Yorie Storm, facebook account, Instagram ug Twitter: yoriestorm