Jasmine nidepensa!
CEBU, Philippines - Anne tigpaka aron-ingnon?
Gidepensahan ni Jasmine Curtis Smith ang iyang maguwang nga si Anne Curtis batok sa commenter nga naghulagway niini nga tigpaka aron-ingnon.
Sa instagram gi-tag si Jasmine sa maong commenter ug nipadayag nga wala kini nakauyon sa gibuhat ni Anne ngadto kang Sam Concepcion. Wala matud pa siya nakasabot nganong supak si Anne kang Sam nga dili man kini bad boy.
Kahinumduman nagbuwag na sila si Sam ug Jasmine ug usa sa gitumbok nga rason mao nga wala matud pa nakauyon si Anne sa uyab sa iyang manghod.
Unya niingon ang commenter nga ang mga tigpaka aron ingnon nga sama kang Anne dili matud pa mahilangit.
Dinhi na ni tubag si Jasmine nga lakip sab sa dili mahilangit ang judgemental nga mga tawo sama sa commenter.
Dugang pa ni Jasmine nga sila matud pang tulo ni Anne ug Sam mahadlokon sa Ginoo ug dili makatarunganon nga pasanginlan ang iyang igsuon.
Hangyu niya nga siya na lamang ang komentaryohan ug dili na idahig si Anne sa maong isyu.
- Latest
