Masinabtanon nga girlfriend
CEBU, Philippines - Gipadayag ni Maja Salvador nga masinabtanon siya nga pagkababaye busa dili na siya moreklamo kung dunay mga higayon nga panagsa ra sila magkakita sa iyang boyfriend nga si Gerald Anderson. Suma pa ni Maja nga susama sila nga artista busa nakasabot ra siya sa trabaho niini.
Nataypan sa publiko
Nagmaya si Janella Salvador gumikan kay naglawig gihapon ang serye niya nga “Oh My G” sa ABS-CBN. Usa kini sa rason nga ganado siya sa trabaho.
Sekreto ni Miguel
Usa sa sekreto sa 16-anyos nga si Miguel Tanfelix sa maayong pamorma sa iyang lawas mao ang wake boarding. Mao kini ang kalingawan sa aktor basta adunay taas nga bakanteng oras.
NakapUnting sa album
Pagkahuman sa seryeng Strawberry Lane temporaryong wala modawat og acting projects si Sheryl Cruz aron maka-focus sa iyang bag-ong album nga Puso Ay Ikaw Pa Rin .
Erich gihulga
Gipadayag ni Erich Gonzales nga nakadawat siya og mga hulga sa iyang kinabuhi. Suma pa sa aktres nga dunay mga tawo nga nasuko sa iyang pagka-kontrabida sa seryeng Two Wives. Panghinaut ni Erich nga dili lang unta maninuod ang mga tawo sanglit parte ra man kini sa iyang trabaho ug dili siya maldita sa tinuod nga kinabuhi. (Sanden J. Anadia)
Rayver mitin-aw sa isyu
Gihimakak ni Rayver Cruz ang taho nga matud pa uyab sila ni Julia Barretto. Suma pa sa aktor nga suod lang gyud sila ni Julia busa dili kini angayan hatagan og malisya.
Balik pagka-single
Pakyas ang pangandoy ni Geneva Cruz nga makapaso og balik sa altar sa kaminyuon. Nagbuwag si Geneva ug sa iyang Filipino-Australian boyfriend nga si Lee Paulsen. Kahinumduman nga engaged na unta ang duha.
Tungod sa relihiyon
Gibutyag ni Ervic Vijandre nga usa sa rason sa breakup nila ni Ariella Arida kaniadto mao nga dili sila susama og relihiyon. Nagdumili na si Ervic pagdetalye kalabot sa maong butang.
Ganahan mo-arte
Gawas sa musical variety show, gipangandoy usab nila ni Kyla ug Jay-R nga makabaton og acting project sa ABS-CBN. Malipayon ang duha sa init nga paghangop sa mga tawo sa dihang nibalhin na sila sa Kapamilya Network.
Camille mi-renew sa GMA
Mi-renew si Camille Prats dili pa lang dugay sa iyang kontrata sa GMA-7. Suma pa sa aktres nga ganahan siya magpabilin sa maong network gumikan kay wala gyud siya pasagdi niini.”Dito ako nag-mature from a teenage actress to becoming a mother,” suma pa ni Camille.
Aljur mobalik na!
Gibutyag ni Kris Bernal nga nakaplantsa na ang pagbalik ni Aljur Abrenica sa pag-arte. Nagkaabot ang duha sa tugkaran sa GMA-7 sa miaging adlaw ug nilungtad og taas nga oras ang ilang pag-istoryahanay. Gikatahong molugwa ang aktor sa programang Sunday All Stars.
Nakanselar ang taping
Ubay-ubay ka celebrities ang napungot sa ka-traffic sa EDSA, kini sama nila ni Lea Salonga, Iza Calzado, direk Joey Reyes, Bianca Gonzales ug Chris Tiu. Pipila kanila ang nikanselar sa ilang mga taping gumikan kay natanggong sila og kapin sa tulo ka oras sa kadalanan.
Paulo napungot
Gipikhan ni Paulo Avelino ang mga tsismosa nga nagpakatap og taho nga matud pa nga gawas sa anak nila ni LJ Reyes nga si Aki, duna siya’y laing anak sa una niya nga uyab kaniadto. Suma pa sa aktor nga wala’y basehan ang maong taho busa dili kini angayan tuohan. “Rumors are carried by haters, spread by fools, and accepted by idiots,” suma pa sa Instagram post ni Paulo.
Anne gipanalipdan ni Jasmine
Giklaro ni Jasmine Curtis-Smith nga wala’y kalabotan ang igsuon niya nga si Anne Curtis sa breakup nila ni Sam Concepcion. Nasayran nga naputos sa mga pagsaway si Anne ug dunay uban niini ang nitawag sa aktres nga “matapobre”. Una na nga nitumaw ang report kaniadto nga dili uyon si Anne kang Sam.
Unang adlaw
Kathniel movie mikita og P32M
Mikita og P32 million sa unang adlaw sa pagpasalida sa pelikula nila ni Daniel Padilla ug Kathryn Bernardo nga “Crazy Beautiful You.”
Nasayran nga gisalida sa 226 ka mga sinehan nationwide ang nahisgutan nga pelikula .
Giingong aduna pa’y dugang mga sinehan ang misalida niini gumikan sa kakusog sa maong pelikula.
“Gusto kong magpasalamat nang sobra-sobra sa lahat ng mga tao. Umaapaw, sobrang saya talaga namin. Hindi lang kami, kundi pati sina direk, buong staff na naghirap para sa project na ‘to. Thank you so much,” suma pa ni Kathryn sa interview niini sa programang “Aquino & Abunda Tonight” niadtong Miyerkules sa gabii.
Naghisgot kini sa panaghigugmaay sa duha ka tawo nga nagsugod human sila nagkauban sa medical mission sa Mt. Pinatubo, Tarlac.
Ang Crazy Beautiful You maoy ikaupat nga pelikula nga gibidahan sa Kathniel ug si Mae Cruz-Alviar maoy direktor niini. (Sanden J. Anadia)
Julia ug Dennis nagtingog na!
Gikatahong nagkatingog na ang mag-amahan ug anak nga sila si Julia Barretto ug Dennis Padilla.
Sa Instagram post ni Julia niadtong Miyerkules sa gabii, aduna sila’y hulagway nga naka-wacky pose.
Aduna kini caption nga nagkanayon, “Papa being his comedian self.”
Wala gidetalye kung nganong nagkaabot silang duha niadtong higayona.
Kahinumduman nga gihampak sa init nga isyu si Julia sa katapusang bahin sa miaging tuig human giisnab niya si Dennis sa usa ka party.
Positibo ang mga reaksyon nga nadawat ni Julia human na-upload ang maong hulagway. Si Julia magsaulog sa iyang 18th birthday karong March 10. (Sanden J. Anadia)
Forevermore nanghawod sa Manila
Mitumaw nga naglawig ang seryeng Forevermore sa ABS-CBN sa latest TV ratings data sa AGB Nielsen Philippines sa Mega Manila households .
Nalabwan sa Forevermore ang seryeng Once Upon a Kiss sa GMA-7.
Kahinumduman nga nahimo na nga balwarte sa GMA ang Manila sulod sa taas nga panahon apan ang Forevermore ra gyud ang nakapukan niini.
Ang Forevermore gibidahan nila ni Liza Soberano ug Enrique Gil , samtang ang Once Upon a Kiss gibitoonan nila ni Bianca Umali ug Miguel Tanfelix.
Niadtong February 13, ang Forevermore (ABS-CBN) nakakuha og 21.2%, samtang ang Once Upon a Kiss (GMA-7) nakaangkon og 19%, ug nakalangkat usab og 3.9% ang Wattpad Presents (TV5) .
Madonna natagak sa stage
Gihisgutan pag-ayo karon sa social media ang pagkatagak sa entablado sa international popstar nga si Madonna atol sa iyang production number sa bag-ohay lang nga 2015 British awards.
Nahulog ang singer sa hagdanan sa entablado sa dihang gitangtang na unta sa dancer ang ibabaw nga bahin sa iyang costume.
Bisan pa man niini, wala nagpaapekto si Madonna ug nagpadayon ra siya sa iyang pagkanta dayon balik sa entablado.
Wala hinuon maangol si Madonna ug nagpasalamat siya sa iyang fans sa nadawat niya nga mga simpatiya ug nitataw nga okay ra ang iyang kondisyon.
“My beautiful cape was tied too tight! But nothing can stop me and love really lifted me up! Thanks for your good wishes! I’m fine!”, suma pa sa Instagram post ni Madonna.
Usa sa mga dakong kalihukan sa British music calendar ang 2015 British awards. Gawas kang Madonna, special guests usab sa maong kalihukan sila si Taylor Swift, ug Sam Smith.
- Latest