Aegis inspirasyon ni Marlisa

CEBU, Philippines - Gibutyag sa X-Factor Australia winner nga si  Marlisa Punzalan nga usa sa gihimo niya nga inspirasyon sa pagkanta mao ang grupong Aegis gumikan kay nagkadungan na sila og perform niini kaniadto busa  saksi siya sa kamaayo mokanta sa maong grupo.

Gipangandoy  ni Marlisa makahulma og kaugalingon niya nga version sa mga kanta sa Aegis.

Pipila sa mga sikat nga awit sa maong grupo naglangkob sa Halik, Luha,. Basang Basa sa Ulan,ug daghan pa.

 “I was really impressed with them. They can hit all the high notes, it’s amazing. They’re such huge inspirations and I can’t believe I performed with them. It would be awesome if I can record their songs someday,” she said.

Nitikang dili pa lang dugay si Marlisa sa Pilipinas kung diin gi-promote niya ang iyang debut album Ivory Music & Video ang distributor niini dinhi sa Pilipinas.

Suma pa sa singer nga wala’y hunong sa pagsuporta sa iyang career ang iyang mentor nga si Ronan Keating.

 “Ronan never stopped believing in me. He always boosted my confidence and supported me throughout the competition,” dugang pa niya.

Anne nag-sorry sa auditionee nga nabastos!

Nag-sorry si Anne Curtis ngadto sa usa ka auditionee ug nisaad nga mulusad og pakisusi gumikan sa gidangatan niini sa mga kamot sa audition master sa It’s Showtime nga si Danjosh.

Ang Instagram user nga si“@thealvitch” nipadayag nga niadto siya sa studio sa It’s Showtime gumikan kay giingnan siya sa iyang higala nga gipahibawo na niini si Danjosh kabahin sa iyang audition.

Apan pag-atubang matud pa nila ni Danjosh, giingnan siya nga wala kini masayud kabahin sa audition.

Usa pa sab matud pa, giingnan siya ni Danjosh nga dili na sila mudawat og “tranny” kay dili sila buot nga mapareha sa contest sa karibal nila nga show Eat Bulaga.

Gipangutana matud pa siya ni Danjosh kinsay iyang sundugon para sa “Kaloka o Kalokalike” segment sa It’s Showtime. Dihang iyang gitubag nga si Anne, giingnan matud pa siya ni Danjosh nga wala kini nakita nga anggulo nga anggid kini og dagway sa TV host.

Matud ni “@thealvitch” nga wala na lang siya nangita og gubot, hinungdan nga nag-walkout na lamang siya. Dugang pa niya nga niadto lamang siya sa studio sanglit gidasig siya sa iyang higala kinsa niingon nga nakahibawo na si Danjosh sa iyang tuyo.

Gumikan niini nag-sorry si Anne ngadto sa nahisgutan ug niingon nga susama gyud matud pa sila og nawong kun may make-up transformation na si “@thealvitch”.

Samtang nagpasalamat ang nahisgutan ngadto kang Anne gumikan sa pagsorry niini ug pagsaad nga muhimo og pakisusi.

Maja magpa-sexy og maayo

Gibutyag ni Maja Salvador nga duna  gyud siya’y  mga sexy nga eksena sa seryeng Bridges sa ABS-CBN. Sa teaser pa lang daan niini, nagsayaw-sayaw si Maja samtang nagtwo-piece.

Nagpakaon sa mga bata

Gisaulog ni Jillian Ward ang iyang birthday sa Star City sa miaging adlaw. Gipakaon sa nahisgutan ang mga bata.

Angelica wala makauyon

Wala mahimuot si Angelica Panganiban  sa mga tawong igo lang nag-download aron makalantaw sa pelikula niya nga That Thing Called Tadhana. Panghinaut na lang sa aktres nga makatulog og tarong ang mga tawong mahiligon og pirated.

“Brave”

Naghiusa ang pipila ka singers alang sa usa ka concert nga mahitabo karong February 23 sa Solaire kung diin ang kita niini ihinabang sa mga pamilya sa nangamatay nga sakop sa Philippine National Police-Special Action Force (SAF). Ang maong concert nag-ulohan og “Brave” ug pipila sa mo-perform niini naglangkob nila ni Lea Salonga, Martin Nievera , Aiza Seguerra , Ryan Cayabyab, Ogie Alcasid, Dulce, Gloc-9, Princess Velasco, Noel Cabangon, Jon Santos, Bo Cerrudo ug  Christian Bautista.

Trabaho dayon

Gipasalig ni Yeng Constantino  ngadto sa iyang fans nga mobalik dayon siya sa pagama og mga bag-ong kanta inigkahuman sa honeymoon nila ni Yan Asuncion. Nagpahayahay ang magtiayon sa Maldives ug nahugyaw sila sa kanindot sa maong lugar.  

Nawong ni Melanie giintriga

Hugtahong gihimakak ni Melanie Marquez ang report nga matud pa duna siya’y gipausab sa iyang nawong. Suma pa ni Melanie nga normal lang ang pagka-presko sa iyang hitsura.

Glaiza ug Benjamin nagkasinabot na?

Gidungog karon nga nagkasinabtanay na sila si Glaiza de Castro ug Benjamin Alves. Nagkauban ang duha niadto sa seryeng Dading sa GMA 7 apan tak-om lang ang duha sa maong tsismis.

Si Jake ang mag-igo

Tsika pa ni Laarni Enriquez nga naa na sa saktong edad ang iyang anak nga si Jake Ejercito busa nakahibalo na kini sa angayan buhaton. Gipasabot ni Laarni nga igo ra siya mosuporta sa butang nga ikalipay sa iyang anak ilabi na sa report nga nakigbalik kini kang Andi Eigenmann .

Andam mohalok

Andam si Piolo Pascual nga makig-kissing scene kang Sarah Geronimo. Ang duha mag-uban sa umaabot nga pelikula sa Star Cinema.

Dili close

Gihimakak ni Kaye Abad ang tsika nga duna sila’y gap sa co-star niya sa seryeng Two Wives nga si Erich Gonzales. Suma pa ni Kaye nga higala niya si Erich apan dili lang sila close sanglit katagsa ra niya maka-eksena sa maong serye.

Klaro na sa pattern

Napanlantawan na ni Dennis Padilla nga dili siya imbitaron sa engrande nga 18th birthday party sa iyang anak nga Julia Barretto karong March 10. Taud-taud na nga wala magtagad ang duha human kanunay i-dedma ni Julia ang iyang amahan.

Bahala’g single

Dul-an na sa pito ka bulan nga single si Maxene Magalona apan giklaro sa aktres nga malipayon ra siya sa  iyang istado karon. “Happy naman ako kasi I’m concentrating on myself.

Matteo mihimakak

Gihimakak ni Matteo Guidicelli ang taho nga matud pa nagbulag na sila ni Sarah Geronimo. Kahinumduman nga dunay mga naintriga sa grabeng paghilak ni Sarah sa The Voice niadtong Domingo. “Hiwalay? Ay, hindi po, of course not,” suma pa ni Matteo.

Sidekick ni Coco 

Dakong garbo alang kang Ryan Bang nga makatrabaho niya ang usa sa mga sikat nga artista sa ABS-CBN nga si Coco Martin. Si Ryan maoy modala isip sidekick ni Coco sa “Wansapanataym Presents: Yamishita’s Treasures.”

Init nga suporta

Gituman ni Angelica Panganiban nga mogamit og blue lipstick isip pagpakita og suporta  kang  Alyssa Valdez ug sa kinatibuk-ang  Ateneo Lady Eagles sa duwa niini batok sa  De La Salle Lady Spikers sa SM MOA Arena niadtong Miyerkules. Nagkaila ang duha sa dihang ni-guest si Alyssa sa Banana Split.