Aljur wala makaantos

CEBU, Philippines – Giingong wala pa gyud mihupas ang gugma ni Aljur Abrenica kang Kylie Padilla busa naningkamot gyud kini nga magkabalik sila sa aktres. Gidungog ang duha nga kanunay karong magkuyog.

Xian gidemalas?

Dili madayon si Xian Lim sa pelikula nga pagabidahan nila ni Angel Locsin ug Vilma Santos. Kahinumduman nga si Xian unta ang modala sa role nga gibalibaran ni Luis Manzano. Suma pa nga wala na’y oras si Xian gumikan kay busy kini sa umaabot nga serye nila ni Kim Chiu. Mao kini ang ikaduhang proyekto ni Xian sa 2015 nga wala madayon. Una siya nga giwagtang sa seryeng Bridges gumikan gihapon sa maong rason.

Miguel ganahan mag-pilot

Gipangandoy ni Miguel Tanfelix nga mahimong pilot puhon busa iyaha gyud nga paninguhaon nga makahuman siya pagtungha. Gipadayag usab ni Miguel ang iyang ginikanan maoy naghupot sa iyang kita sa showbiz aron matipigan kini og tarong.

Maulaw morampa

Tsika pa ni Julia Montes nga wala siya’y plano nga mosalmot og mga indigay sa kaanyag gumikan kay seguradong makulbaan siya og maayo kung motungtong na siya sa entablado.

Pasalig ni Manolo

Gipasalig ni Manolo Pedrosa ngadto sa iyang fans nga dili gyud mausab ang iyang batasan. Usa si Manolo sa giidolo karon nga teenagers gumikan kay dili kini hambugero bisan pa man sa iyang kaguwapo.

Francheska mo-focus sa serye

Gibutyag ni Frencheska Farr nga temporaryo siya nga mohunong sa pag-apil og musical play aron maka-focus siya sa TV series nga Second Chances. Midala si Francheska isip veterinarian sa nahisgutang serye.

Bwaya ipasalida sa France

Malakip ang indie film ni Angeli Bayani nga Byawa sa Vesoul International Film Festival of Asian Cinema. Ang maong kalihukan himuon sunod buwan didto sa France. Ang indie film istorya sa usa ka batang babaye nga namatay human gipaak sa buaya sa  Agusan del Sur niadtong 2009.

Halad sa amiga

Usa si Mark Bautista sa mokanta sa kasal nila ni Heart Evangelista ug Senator Chiz Escudero. Nagkasuod si Mark ug Heart gumikan sa programa niadto sa GMA-7 nga Party Pilipinas.

Nadakpan na gyud

Human sa usa ka tuig nga pagtagotago, nadakpan na gyud sa  mga tinugyanan sa National Bureau of Investigation sa miaging adlaw ang usa sa gituohan nga lakip sa nikulata kang Vhong Navarro nga si  Ferdinand  Guerrero. Suma pa ni Ferdinand nga nasayod si Vhong sa kamatouran kalabot sa gibuhat niini ngadto sa modelo nga si Deniece Cornejo. 

Nasuko gihapon?

Sa ikaduhang higayon, gisuwayan na pud og imbitar si Nikki Gil nga mahimong guest sa It’s Showtime apan gibalibaran kini sa singer. Giingong dili pa gyud ganahan si Nikki nga makakita og balik sa iyang ex-boyfriend nga si Billy Crawford.

“Panakip butas”

Dili mokomento si Bret Jackson kalabot sa giingong panagbalik nila ni Andi Eigenmann ug Jake Ejercito gumikan kay personal na kaayo ang maong butang. Gikaluy-an og maayo si Bret sa iyang fans gumikan kay sakto gyud ang panglantaw niadto nga gihimo ra siya ni Andi og “panakip butas”.

Raymart nag-negosyo

Gawas sa pag-arte, nangunay gyud si Raymart Santiago sa pagdumala sa iyang negosyo. Nasayran nga duna’y mga restaurant si Raymart .

Kaye wala gyud muhupas

Napuno sa mga pagdayeg si Kaye Abad gumikan sa maayong pag-arte niya sa seryeng Two Wives. Gipamatud-an ni Kaye nga wala pa gyud muhupas ang iyang karisma ug abilidad.

Gikalipay ni Archie

Gikalipay pag-ayo sa banggiitang composer nga si Archie D ang pagkanta ni Sarah Geronimo og “Kasayaw” sa ASAP niadtong Domingo. Si Archie maoy nag-compose sa maong kanta.

MJ gipaabot  ni Miss Jamaica  sa Top5

Susama diay og sentimento si Miss Universe fourth runner-up Kaci Fennell sa lenggua sa mga Pinoy nga angayan gyud masulod sa Top 5 ang pambato sa Pilipinas nga si Mary Jean Lastimosa.

Kahinumduman nga nasulod lang sa Top 10 si MJ ug naangkon usab sa kandidata sa Colombia nga si Paulina Vega ang Miss Universe title.

Sa programang Umagang Kay Ganda kagahapon, gipadayag ni ABS-CBN entertainment reporter Ginger Conejero nga iyahang nahinabi ang pambato sa Jamaica human sa kompetisyon.

“After nung pageant, inabangan namin sila sa labas ng arena. Habang ini-interview namin si MJ, 'yung ibang mga candidates na dumadaan dala-dala 'yung mga maleta at gowns nila, sumisigaw sila na ‘We love you, Philippines!’”

“Si Miss Jamaica, nakausap din namin afterwards. Sabi niya, ‘You know, Miss Philippines should have been right there next to me,’” paambit pa ni Ginger.

Dugang pa ni Ginger nga pipila sa mga kaubanan niya nga journalists ang nagdahom gyud nga makapuwesto si MJ sa Miss Universe pageant.

“Binigay talaga ni MJ lahat and nakita at na-appreciate ng marami sa mga candidates, even other medias na lumalapit, they say na ‘Ang galing galing ng kandidata niyo,’” dugang pa niya.

Matud pa ni Ginger nga positibo usab ang panglantaw sa pipila ka mga hurado ug hosts ngadto  kang MJ .

“Before the coronation night, na-interview namin 'yung mga judges, mga musical performers, hosts ng show. Hindi naman siguro nila tayo binobola kapag marami silang nagsasabi na napansin nila si MJ. More than that, napapansin nila na yung mga kandidata na pinapadala ng Pilipinas ay palaban and laging may chance to really go for the crown,” matud pa ni Ginger.

Halik Sa Hangin Love scene makakugang!

Masaksihan na karong adlawa sa kapin sa 100 ka mga sinehan lukop nasud ang labing una nga romantic movie sa  Star Cinema sa 2015, ang “Halik sa Hangin” nga gibidahan nila ni JC de Vera, Julia Montes ug Gerald Anderson

Ubos kini sa direksyon ni Manny Palo ug sinulat kini ni Patrick John Valencia. Ang Halik sa Hangin naghisgot sa usa ka babaye diin una niya nga higayon nga masuwayan ang paghigugma.

Mopuyo si Mia (Julia) sa Baguio uban ang iyang inahan ug ang bag-ong pamilya niini human mitaliwan na sa laing kalibutan ang iyang amahan.

Maila-ila ni Mia sa maong dapit ang duha ka mga lalaki nga maoy makapausab sa dagan sa iyang kinabuhi nga sila si Gio (Gerald ), ug  Alvin (JC).

Malantawan usab sa Halik sa Hangin sila si Ina Raymundo ug  Edu Manzano. Ang mga bituon sa maong pelikula nahimamat sa E-Group (Cebu Entertainment Group), sa miaging adlaw ug dako ang ilang pagsalig nga suportahan kini sa ilang fans.

“Iba  kasi ang takbo ng istorya,pinaghirapan ko talaga ang bawat eksena. Halo-halo kasi ang emosyon. Hindi po kayo magsisi,” suma pa ni Julia pagdapit ni Julia ngadto sa publiko.

Giangkon ni Julia nga nakulbaan siya sa unang adlaw sa shooting apan nawala ra kini gumikan kay maayo kaayo modumala sa shooting si Direk Manny.

“Ang galing po ng direktor, at kumportable po ako sa kanila ni JC at Gerald,” dugang pa sa aktres.

Gipadayag ni Julia nga taud-taud na siya nga wala makasuway og mga pa-cute nga karakter ug ang labing ulahi niini mao ang TV show nga Growing Up nga malantawan niadto sa ABS-CBN pipila ka tuig na ang milabay.

“Nami-miss ko na po ang magpa-cute. Sa showbiz kasi, kailangan mong tanggapin ang proyekto na ibibigay sa yo, basta kaya mo lang, walang problema. Seguro nakikita ng network na bagay ako sa karakter na ito, at meron naman akong tiwala sa kanila at alam nila kung ano ang  makabubuti sa akin,” saysay pa ni Julia.

Samtang ang aktor nga si JC nibutyag nga nag-ulohan kini og Halik sa Hangin gumikan kay maoy ipakita niini ang kasinatian sa mga tawo sa wala pa nila hingpit nga naabot ang gugma ug nitumaw lang kini samtang nagdagan ang mga adlaw gumikan sa mga nagkadaiyang sitwasyon.

“Iba siya sa  ginawa kong mga pelikula noon,” matud pa ni JC.

Ang laing bituon sa maong pelikula nga si Gerald nibutyag nga nakat-on na siya sa paggitara gumikan sa maong proyekto.

“Musikero kasi ang role ko dito. Alam nyo naman na hindi ako musikero sa totoong buhay.  Nagpaturo talaga ako, kumuha ako ng teacher at kasama ko talaga siya sa set para mag-guide sa akin,” nagkanayon si Gerald.

Gibutyag usab sa aktor nga duna sila’y love scene ni Julia sa nahisgutang pelikula ug hirit pa niya ,” Magugulat talaga kayo sa eksenang yan.” 

Producer sa AI gireklamo ni Philip

Gireklamo karon sa Season 11 American Idol (AI) champion nga si Phillip Phillips ang mga producer  sa nahisgutang  reality singing competition.

Gusto ni Philip nga buhian na ang iyang kontrata sa 19 Entertainment gumikan kay matud pa naguba na ang iyang career gumikan sa pagkontrol niini sa iyang mga show.

Nagkanayon si Philip nga sukad  sa iyang kadaugan  niadtong 2012, dili gyud siya makahulma og kaugalingon niya nga hukom  ug usa kini sa rason nga nidangop na siya sa Labor Commission.

Samtang ang mga nagdumala sa 19 Entertainment dali nga mihatag og katin-awan sa pasangil ni Philip.

"We're very proud of everything we've accomplished together with Phillip, working closely to help nurture his extraordinary talent and advance his career. We have always acted in the best interest of Phillip. We will vigorously defend ourselves from any baseless claims to the contrary and from any attempt to interfere with our rights and relationships,” tipik sa statement niini.

Ka-batch ni Philip ang half Pinay singer nga si Jessica Sanchez nga maoy iyang  runner-up.