Buotan og nawong apan attitude problem!

BisChika nga Domingo mga SweetKaButanding! Kumusta ang inyong kasinatian sa Sinulog Festival? Nanghinaut ko nga nag-enjoy mo! Pero kung wala pa mo naka get over sa Sinulog, tutok na sa #Let’s Fiesta karung alas siyete sa buntag featuring : Cebu,  kay isuroy kita og balik ni John Feir kauban ang iyang travel buddy nga si Mike Tan . Mga extreme adventures ang ilang dalit kanato gikan sa yuta, tubig ug langit ila kitang dad- on ug siyempre dili mawagtang ang extreme nga kinan-anay busa ayaw kini sipyata! And speaking of Sinulog experience, karung tuiga mas daghan ang akong oras sa pag-assist sa GMA float kay mubo lang ang among live coverage. Nasinati nako nga samtang nikuyog mi sa parada nanglimpyo usab kami sa dalan kay nisuporta kami sa Zero Basura para Clean Waste Sinulog Festival 2015 Kapuso Campaign. O, di ba Hugyaw? Sakay sa GMA Float ang casts sa Once Upon A Kiss nga silang Bianca Umali, Miguel Tanfelix, Pekto ug Betong. Nakatawa ko sa atong mga Kapuso comedians nga Pekto ug Betong sa ilang mga pasiaw kay nisinyas sila nga mangayo inasal nga among nalabyan ug, gitagaan sab sila. Naka-agi sila og puso nangayo sab sila. Ang ending kay pagpaniudto...lechon break..bitaw, naa sab mi lechon sa coaster. Kahibalo namo, ganahan gyud ning mga taga Manila og Cebu’s Lechon.

Sa laing bahin malipayon kaayo ang inyong mother butanding nga nakauban nako sa entablado para sa Kapuso Mall Shows ang mga Kapuso Comedians nga silang Pekto ug Betong gumikan kay bisan sa ginagmay nakong pamaagi nakasakay rako sa ilang mga pasiaw. Nakaingon ko sa akong kaugalingon nga silang duha dunay ilang istayl sa pagpakatawa unya dili magsinapaway on stage, swerte kaayo ko kay ila usab ko gitagaan og chance  nga mo shine. Mao nga mo bow ko ni Amazing Betong ug Pekto! Ang duha ka bida sa Once Upon A Kiss nga si Bianca Umali ug Miguel Tanfelix nalingaw ra pud sa parada. Naa pud koy nahibaw- an nga dunay dugong Bisaya si Bianca kay ang iyang mama pure blooded Bisdak! Ug usa sab si Miguel nga dunay mga paryente sab  nga mga Cebuano.

Pero kining para sa atong Kinsa Siya  mahitungod sa usa ka aktres nga grabe kaayo ka “Diva” o pasaway.  Ang BisChika kay bisan og tawgon na kini para sa iyang eksena mura kini og walay tawo, kay ang iyang drama naa siya’y ka istorya sa phone, murag halos tanang p.a nakaaway na niya gumikan sa iyang batasan. Sigon pa sa atong KSI ( kinsa siya insider ) nga gibalikas na kini sa usa sa mga staff kay siya na ang kuhaan sa eksena apan ang aktres musukol sab  sa staff. Kinsa Siya? Wala sa iyang nawong nga murag anghel. Labaw sa tanan karung nakabalhin na sa laing network ni lie low na ang pagka attitude! Hahahaha! Hangtud sa sunod mga KaBisChika!!!!

Daghang salamat sa mga nakigsaulog kanamo sa #GMASinulog Festival kauban ang Asia’s Song Bird Regine Velasquez-Alcasid kauban ug casts sa upcoming heavy drama ang Healing Hearts nga silang Angelika dela Cruz, Joyce Ching ug Kristoffer Martin. Siyempre ang casts sa Second Chances nga silang Rafael Rossell, Camille Pratts, Raymart Santiago ug Jennylyn Mercado plus the casts of Once Upon A Kiss!