Hugyaw nga partner’s night

Merry Christmas mga Kapuso! Bisan pa man sa kaguol nga among giatubang sa among family kay namatay akong Lolo Doming Deldig niaging semana padayon lang gihapon ang kinabuhi. Sakit hunahunaon nga karung Pasko dili na namo siya makauban (crying mode), apan malipayon gihapon kami nga wala siya gipaantos. Natulog lang ang kugihan namo nga lolo nga diha nako siguro nakuha ang maong batasan. Sa edad nga 84 iyang natagaan og maayong kinabuhi ang iyang mga anak. Bisan ako nga iyang apo iyang gipabatyag kanako ang gugma sa mga panahon didto pa ko gapuyo sa ilahang balay sa Negros Occidental. Rest in Peace Lolo Doming!

Sa laing bahin karung adlawa, mas espesyal ang Let’s Fiesta tungod kay dad-on kita ni Kuya John Feir sa Isla sa Bantayan Island mao nga ayaw kini ninyo sipyata kay bisitahon ni Kuya John ug kumustahon ang atong mga kapuso nga maoy nahimong beneficiary sa Adopt a Banca ug siyempre ang mga beautiful beaches plus, maki food trip pa gyud ta! Unsa ang mga night life karun sa Santa Fe, Bantayan Island? Mao nga tutok lang alas 8:50am sa GMA 7. Lets Fiesta!!!!!

By the way  gikilig kay ko ni Benjamin Alves nga mao ang naghost sa bag- o lang nahuman nga Partners Night diha sa Radisson Blu. Naa silang Aicelle Santos, Francheska Farr, Winwyn Marquez, Ruru Madrid, Gabby Garcia ug Mark Herras ug co host atong gabhiuna si Seff Cadayona. Daghang mga cash prizes ang gi raffle plus mga performances sa atong kapuso stars! Gipailaila ang mga men and women sa GMA Cebu News Team, mga hosts sa Buenamano Balita, 24 Oras Central Visayas ug ang ETV Regional Team. Nihatag og mga mensahe ang among bossinian empire sama nilang MS. Ann Marie Tan, Station Manager of Central and Eastern Visayas, MR. Oliver Victor B. Amoroso, Head and AVP of RSBD, MS. Rikki O. Escudero, First VP of RTV? ug ang video message ni Atty. FELIPE GOZON. Gitapos ang programa sa pagselfie selfie kauban ang partners ug kapuso stars! Ug nganong gikilig ko ni Benjamin Alves? Kay sa dihang nilarga na sila unya ang akong beauty diha sa lobby sa hotel nga dunay kaistorya nga foreigner niduol si Benjamin ug ni excuse, nananghid nako nga mulakaw na siya with a hug!