Best Gift To Give

CEBU, Philippines – Maihap na lang gyud ang mga adlaw, Pasko na gyud.  Ayaw kamo ka tarantar, aduna pa mo’y panahon sa paghuna-huna og regalo nga imong ihatag sa inyong mahal sa kinabuhi.

Puwes mamutos na og iregalo sa atong mga minahal sa kinabuhi o ba kaha sa atong mga kinugos (inaanak).

Mao kini ang huna-hunaon ninyo kanunay: Kinahanglan dili makalimtan ang  listahan sa imong hatagan aron tulin ang pagpamalit.

Apan unsa man gyud ang nindot nga iregalo sa atong isigkatawo?

Atong sutaon ang mga ideya sa pipila ka mga disc jockey dinhi sa Sugbo.

General Pangos (95.5 Star FM) – “Nindot kaayo nga mohatag ta og imahe ni Señor Santo Niño . Kabalo na kitang mga Sugbuanon, devotee gyud sa balaang bata.”

DJ Mama Lou  (107.5 Win Radio) – “Nindot kaayo ang Christmas card lang kay mapadayag man gyud nimo ang imong pagbati ngadto sa tawo nga imong padalhan niini. Kabantay ko nga dili na kaayo na uso ron busa ato na ibalik ang ing ana nga style. Ang nakanindot sa Christmas card kay ma-keep gyud kini  sa tawo nga makadawat niini”

DJ Chixie (MOR 97.1) – “Kasagaran sa mga tawo kay material ang mahuna-hunaan . I think ang best gift nga mahatag nako sa akong isigkatawo mao ang  oras ug respeto. Importante gyud nga mohatag og igong time sa mga tawo nga close kaayo nimo.”

Papa Don Romantiko (Barangay RT  99.5) – “Mohimo ‘ta og butang nga makapalipay niya. Dili man gyud necessary nga mogasto ta . Seguro mohatag lang ka og time para niya, okay na kaayo na”

DJ Kobie  (95.5 Star FM) – “Ganahan ko og butang nga magamit sa emerhensya. Kung espesyal gyud kaayo nimo ang usa ka tawo, puwede nimo hatagan siya og cellphone.”

Kuya Paolo  (107.5 Win Radio) – “Gawas anang mga butang,  mas maayo nga regalo nimo kay ang imong presensya . Mohatag ka og espesyal sa time alang sa mga tawo nga importante kaayo nimo.”

DJ Rocky (93.9 IFM) – Ang best gift gyud, mao ang pagpakita nako og concern sa akong isigkatawo. Panahon sa kalisud, kinahanglan ta magtinabangay.

DJ Ronee (93.9 IFM) – Time ug love gyud ang best gift nga mahatag nako sa akong isigkatawo.

Mura’g dili mutugot ang mga anak

Si Kris Aquino ang unang gitanyagan sa pelikulang Maratabat nga usa sa mga entries sa Metro Manila Film Festival New Wave category.

Mao kini ang directorial debut sa broadcast-journalist nga si Arlyn dela Cruz. Apan nibalibad ang kampo ni Kris gumikan kay dili matud pa muhaom sa schedule niini ang shooting days sa nahisgutang pelikula.

Ang gihulip kang Kris mao si Chanel  Latorre. Suma pa niini nga dihang nasayud siya nga Kris ang first choice na-pressure matud pa siya.

“Siyempre nakakagulat and as I’ve heard from older people Kris was once the Queen of Massacre films of Philippine Cinema.

”Sabi ko, ‘naku kailangang galingan ko ito.’ Nakakahiya naman kay Ms. Kris kung di ko magampanan yung role ng tama. Ngayon kasi naiisip ko na di na siguro kaya ni Ms. Kris na gumawa ng ganito because she has children already.

”I don’t think Joshua and Bimby would approve na nire-rape ang Mommy nila on screen.”

Kun nahinayon pa si Kris, si Derek Ramsay unta maoy iyang leading man. Si Pen Medina ang leading man ni Chanel niini.

“Fan boy”

Nagpahulagway gyud si Alden Richards kang John Lloyd Cruz ug iya kining gi-upload sa iyang instagram account. Kaniadto pa, bokal na kaayo si Alden nga idol niya si Loydie gumikan sa ka maayo niining mu-arte.

Ngano ka Ai?

Gi-deactivate ni Ai Ai delas Alas ang iyang instagram account. May mga nagduda nga nadutlan na si Ai Ai sa mga pagsaway nga iyang nahiaguman gikan sa mga bashers. Kahinumduman nga usa si Ai Ai sa mga celebrities nga kanunay birahan sa bashers, ilabi na dihang gibandera niya ang iyang uyab nga 21-anyos.

Kinsa man Maja?

Pangutana karon kinsay gipadungogdungog  ni Maja Salvador sa iyang gi-upload nga quote sa iyang instagram account nga nagkanayon: Be honest. To others and yourself.

Friends again

Nahibalik na ang panaghigalaay nila ni Mo Twister ug KC Montero human sa pipila ka tuig. Kahinumduman nga nagtinubagay ang duruha kaniadto sa Twitter, dihang nagbuwag sila si Mo ug Rhian Ramos, nga nauyab usab ni KC. Apan niini bag-o lang, gi-upload ni KC sa iyang instagram account ang ilang panagtingganay na ni Mo.

Bangon inday!

“Kapag nadapa, bangon ka.” Ang tambag ni Gabby Eigenmann ngadto sa iyang manghod nga si Andi Eigenmann, kinsa nipadayag nga naduslak gumikan kay nagbandera na ang mga hulagway ni Jake Ejercito kauban ang bag-ong “apple of the eyes” niini, ang non-showbiz girl nga si KC del Rosario.

Dili pa pwede

“Hindi pa puwede. Let’s wait.” Mao kini reaksyon ni Daniel Padilla sa balita nga dugay ra silang nagkauyab ni Kathryn Bernardo apan ila lamang gitago sa publiko.