Jasmine dili magpa-sexy

CEBU, Philippines - Tsika pa ni Jasmine Curtis-Smith nga dili gyud siya mo-pose og sexy gumikan kay dili pa siya komportable.  “Parang wala sa ugali ko iyong ganun,” matud pa ni Jasmine.

Duterte nahinabi ni Ramon

Gibutyag ni Ramon Bautista nga nagpabilin gihapon ang iyang persona non grata status sa Davao City apan nagmalaumon siya nga iatras kini puhon ilabi na nga nag-istoryahanay na sila ni Davao City Mayor Rodrigo Duterte. Kahinumduman nikulit og kontrobersiya si Ramon human nilenggua kini nga daghan og hipon   ang Davao nga nagpasabot nga babaye nga dunay saktong pamorma sa lawas apan dili guwapa.

Gusto makaanak

Nagplano ang mag-partner nga Aiza Seguerra ug Liza Dino nga makabaton og kaugalingong anak. Nagpakonsulta na ang duha sa usa ka clinic sa Amerika aron matabangan sila sa gusto nila nga mahitabo.

Jason ug John nagtagad na

Mapasigarbohong gibutyag ni Jason Francisco nga naglamanohay na sila ni John Prats kinsa iyang nakaaway sa miaging tuig.  Kahinumduman nga gisumbag ni Jason sa miaging tuig ang nawong ni John.

Mommy D target ni Lani

Gipangandoy ni Lani Misalucha nga maka-duet niya puhon si Mommy Dionisia Pacquiao. Suma pa ni Lani nga  paborito niya nga sundugon ang mga lihok ni Mommy D  ilabi na sa nangagi niya nga mga concert. Kahinumduman nga gikanta ni Lani ang Wrecking Ball sa bag-ohay niya nga concert kung diin gisundog niya ang version ni Mommy D.

Mother’s Name

Gipahibalo ni Zsa Zsa Padilla nga nalakip siya sa pelikulang Mother’s Name nga usa ka entry alang sa New Wave category sa Metro Manila Film Festival. Suma pa ni Zsa Zsa nga dili lalim ang karakter niya sa maong pelikula gumikan nidala siya sa babaye nga dunay cancer apan gipatigbabaw gihapon niya ang iyang pagkamaldita.

Wala’y  PMS

Gitataw ni Isabel Oli nga wala sila magpraktis ni John Prats og pre-marital sex. Buhaton lang nila ang maong butang inigkahuman sa ilang kasal. Aktibo ang duha sa ilang simbahan. “Marriage muna talaga,” suma pa ni Isabel.

Dako og purohan

Usa ang pangalan ni Robin Padilla sa gipanglantawan nga lig-ong pambato alang sa pagka-best actor sa Metro Manila Film Festival. Giingong maayo ang pagkadala ni Robin sa Bonifacio, Ang Unang Pangulo.

Kathryn nasakitan

Giangkon ni Kathryn Bernardo nga nasakitan siya og maayo sa dihang gisaway og maayo iyang tingog. Nasayran nga gisudlan na sa aktres ang music world. “Siyempre minsan masasaktan ka pero mare-realize mo na ‘di naman talaga lahat mapi-please mo,” suma pa ni Kathryn.

Makasuway na gyud

Nagpanikad na si Matteo Guedecilli sa umaabot nga Parade of Star atol sa pagbukas sa Metro Manila Film Festival gumikan kay mao kini ang una niya nga higayon nga makatungtong sa float alang sa maong kalihukan. Nalakip ang aktor sa Flight 666 episode sa pelikulang Shake, Rattle .

Nadine nalingaw sa Dos

Nalingaw na matud pa si Nadine Samonte sa iyang mga proyekto sa  ABS-CBN busa duna’y ubang proyekto sa TV5 ang iyang gipangbalibaran.

Grabeng gugma

Naanad na si Coleen Garcia kung duna’y mosaway sa relasyon nila ni Billy Crawford. Suma pa sa aktres nga iyaha gyud nga barugan ang gugma niya kang Billy ug wala gyu’y makababag niini. 

Panawagan sa fans

Pipila sa fans ni Jessy Mendiola ang nanghinaut nga magkabalik na unta ang ilang idolo ug ang ex-boyfriend niini nga si JM de Guzman. Apan una na nga gipadayag ni Jessy nga managhigala na lang gyud ang pagbati nila ni JM sa usa’g-usa.

Tambag ni mama

Bisan pa man nga uyon si Lotlot de Leon ngadto sa boyfriend ni Janine Guttierez nga si Elmo Magalona, mitambag gihapon siya sa iyang anak nga dili dayon magpadala kung pananglitan makasinati og problema ang ilang relasyon.

Gipatago ni Robin

Giangkon ni Robin Padilla nga siya mismo ang nimando sa iyang asawa nga si Mariel Rodriguez nga dili motupad kaniya atol sa usa ka kalihukan aron dili mailogan og eksena ang leading lady niya sa pelikulang Bonifacio, Ang Unang Pangulo nga si Vina Morales.

Moderno ang Kahimaman!

“We’re not giving up,” mao kini ang gibutyag sa  head sa Regional News Expansion and Production Services sa GMA-7 nga si Rikki Escudero kalabot sa istado karon sa  news program sa Cebu nga 24 Oras Central Visayas,  nga kanhi Balitang Bisdak.

“Alam namin na balwarte ng kalaban namin ang Visayas, pero ginagawa po namin ang lahat para makapaghatid ng programa na tatangkilikin ng mga tao,” dugang pa ni Escudero.

Usa sa gipasigarbo ni Escudero ang Digital Mobile News Gathering (DMNG) kung diin makahimo dayon og live report ang usa ka reporter nga dunay video footage. 

“Ginagawa namin ang makakaya namin, seguro gusto nating gawin ang naging senaryo doon sa Manila , kung may malalaking balita , automatic na GMA ang panoorin,” matud pa ni Escudero.

Sa karaan nga panahon, kung dunay mga breaking news, kutob ra gyud sa telepono mo-report ang tigbalita apan karong panahona, gipamatud-an sa GMA-7 nga duna sila’y katakos sa paghatod dayon sa lab-as nga panghitabo sa palibot gumikan sa DMNG.

Ang pagpalambo sa news program sa Cebu maoy usa sa gibuhat karon sa GMA  busa ilaha na lang kini nga gitawag og 24 Oras nga susama og titulo sa programa sa kaulohan.

“Tandaan po natin , hindi lang naman sa Manila nangyayari ang mga malaking balita, pati din sa ibang rehiyon lalo na sa  Cebu ay hindi din natutulog ang balita,” saysay pa ni Escudero.

“Drone”

Nahisgutan sa press conference kagahapon unsay epekto sa pagbaton og chopper sa ilang katigi isip usa sa mga ekipo paghagpat og balita.

Alang kang Escudero dili kaayo dako og epekto ngadto kanila nga adunay chopper ang ilang kontra sanglit may mga moderno naman nga mga ekipo nga mas makatabang kanila paghagpat og balita

Usa na niini ang gitawag og “Drone” nga gihulagway sa www.wikipedia.com nga “unmanned aerial vehicle (UAV), commonly known as a drone and also referred to as an unpiloted aerial vehicle and a remotely piloted aircraft (RPA). 

Dugang pa ni Escudero dili usab kada adlaw nanginahanglan og chopper ang usa ka news organization

“Yung estilo namin, pupuntahan talaga naming ang site, Seguro kung kinakailangan talaga ng chopper, mag-rerenta naman kami,“ matud pa nya.

Dakong hagit kaniya ang kompetisyon apan usa kini sa nahimong tulay aron makahatag og dekalidad nga mga pamaagi sa paghatud og balita ang nagkadaiyang network.

“Pagandahan na lang seguro tayo,” suma pa ni Escudero.

Samtang ang assistant Vice-President and Regional News and Public Affairs head sa GMA nga si Celerina Amores nipadayag ngadto sa mga sakop sa Cebu E-Group kagahapon nga dili na uso karon  nga moanhi pa sa Cebu ang mga reporter sa kaulohan aron mo-cover sa mga dagkong balita sa atong dapit sanglit automatic na nga ang mga reporter sa Cebu maoy mo-report niini ngadto sa mga national news program.

“Walang problema sa accent, dahil maipakita din natin na galing talaga sa Cebu ang nagbigay ng istorya at isa yan sa asset natin,” matud pa ni Amores.

Kalabot pud sa rating sa local news program, gipadayag ni Amores nga duna gyu’y mga panahon nga maggukod-gukod ang rating niini batok sa pikas nga programa.

Ang nakahugyaw matud pa sa GMA-7, ipaubos og bug-at nga training ang tanang mga technical ug production staff aron mahimong tulin ang paghatud sa balita ngadto sa publiko.

Samtang ang nagdumala sa Regional Strategy and Business Development Division sa GMA  nga si Oliver Amoroso nibutyag nga dako usab og natabang ang ilang network sa pag-promote sa nagkadaiyang festival sa nasud pinaagi sa programang “Let’s Fiesta”  nga bag-ohay lang nakalangkat og  Anak TV Seal Award.

Matud pa ni Amores nga usa ka dakong garbo alang kaniya nga makatabang sa pag-promote sa turismo sa nagkadaiyang dapit sa nasud. (BANAT NEWS)