Attitude!

Merry Christmas mga SweetKabutanding! Una sa tanan mo congratulate ko sa mga silingan nako sa Englis kay sa bag-o lang nahuman nga Banauan Festival 2014 sa Barangay Guadalupe, Cebu ilang nalangkat ang 1st Runner-up title para sa Banauan Ritual Showdown, pinaagi sa ilang pambato nga Pundok Englisanon Dance Company. Murag wala na mag dahom ang mga nangulo sa maong grupo nga sa kadaghan sa ilang mga pagsuway nga gisagubang apan...ilang nakaya! Ug duna pay bunos kay nakuha usab nila ang Best In Andas award.. Nagtigi ang 10 ka contingent, infairness ang tanan kay ilang gyud gipangandaman gikan sa costume ug ang performance level to the max! Mao nga ang ikatulong tuig sa Banauan Festival pagkaHugyaw!

Ug laing hugyaw ang giBisChika sa atong atong KSI mao ang mahitungod sa usa ka comedianne singer  nga matud pa pa sa atong Kinsa Siya Insider sa usa ka event best in diva award. Gusto siya nga mangihi una iyang gi pacheck ang CR, pagbalik sa gisugo okey lang, ni request napud og itabon sa nawong murag bandana para dili siya mailhan. Diva di ba? Pero napalung iyang pagka attitude, sa dihang usa ka star nga way arte nga kauban niya sa service van nagpa picture sa mga gustong magpapicture. Sa bag o lang nahuman nga event si attitude / diva comedianne kay ni tukar ang pagka attitude dihang usa ka group o pipila ka mga fans niadto sa backstage, iya lang gi deadma, maayo nalang kay ang atong KSI maoy niduol ug ni facilitate sa pictorials. Pagkahuman back to deadma mode kay busy kaayo siya og basa. Kinsa Siya? Kini nga comedianne singer dunay gipasikat nga kanta!

Hugyaw usab ang attitude sa usa ka kanhi teen star pero karun usa na ka character actress , guest usab siya sa usa ka event, opening number ang organizer gitagaan siya og back- up dancers mga pareha nako nga sirena. Sayaw kung sayaw ang mga sisterettes. Human sa production number sa actress may I gone na si dancers. Ang iyang gibuhat? Gisugo si KSI nga pangitaon sila. Tuod man, nakit-an ni KSI ang dancers ug nag thankyou siya personally. Plus picture picture dayon! Kinsa si Actress kung imong e- introduce siya kay e-apil nimo ang kanindot sa iyang eyelashes nga murag dunay extension pero very natural. Nagdugay sa industriya kay dunay good attitude!