Matteo ug Julia magpares

CEBU, Philippines - Si Matteo Guidicelli maoy giplanohan sa ABS-CBN nga himoong leading man ni Julia Barretto sa Inday Bote.  Una kining higayon nga makapares ni Matteo si Julia. Mao kini ang labing dako nga follow-up project ni Julia human nagmalampuson niadto ang Mirabella.

Hayden magpabilin sa showbiz

Aduna’y umaabot nga programa si Hayden Kho Jr. sa TV5. Dili matinuod ang lenggua ni Hayden kaniadto nga biyaan niya ang showbiz.

Reunion project

Si Gabby Concepcion maoy makapares ni Lorna Tolento sa umaabot nga pelikula sa Star Cinema nga pagabidahan nila ni Kathryn Bernardo ug Daniel Padilla. Naghinam-hinam na si LT sa subli nila nga panagpares ni Gabby sa pelikula.

Parte lang sa trabaho

Gitataw ni Maja Salvador nga wala siya mabalaka sa panagpares nila ni Gerald Anderson ug Isabelle Daza sa umaabot nga serye sa ABS-CBN. Suma pa ni Maja nga trabaho lang kini ug wala siya’y angay nga selosan. Nasayran nga taud-taud na nga gipangandoy ni Isabelle nga makauban sa proyekto ang uyab ni Maja nga si Gerald.

Bakasyon galore

Mibakasyon si AiAi delas Alas sa Japan uban sa iyang 20 anyos nga boyfriend nga si Gerald Sibayan. Nagpahayahay ang komedyanteng aktres human sa nagsagunson niya nga trabaho.

Dako og gasto

Gikonsiderar ni Vic Sotto ang My Big Bossing nga maoy labing dako og gasto kumpara sa mga nangagi niya nga pelikula sa Metro Manila Film Festival.

Martin mieskwela

Mibalik si Martin Escudero sa pagtungha aron duna siya’y padulngan kung maabot ang panahon nga mawala na siya sa showbiz.  Gikuha  sa aktor ang kursong Hotel and Restaurant Management gumikan kay target niya puhon nga magpatukod og kaugalingon niya nga restaurant.

Kaduha magpakasal

Kaduna magpakasal sila si Gab Valenciano ug Tricia Centenera sunod tuig. Ang  sere-monya ipahigayon sa  Tagaytay  ug  Boracay.

Oras sa Ginoo

Tsika pa ni Venus Raj, dili gyud niya kalimtan ang paggahin og oras sa simbahan bisan pa man sa iyang ka-busy.  Dili gyud kalimtan ni Venus ang Ginoo gumikan kay mao kini ang rason sa nagmalambuon niya nga career.

Allen nakadaug sa Vietnam

Si Allen Dizon maoy napili nga Best Actor sa Hanoi International Film Festival didto sa Vietnam. Nabatyagan ang ka maayo ni Allen sa pelikulang Magkakabaung (The Coffin Maker) mao usab ang napili nga  Best Asian Film sa Network for the Promotion of Asian Cinema (NETPAC).