Aljur nag-sorry sa fans
CEBU, Philippines - Nangayo og pasaylo si Aljur Abrenica sa iyang fans nga padayong nangumusta sa dagan sa iyang career. Suma pa sa aktor nga giasikaso na karon sa iyang kampo aron subli siya nga makaangkon og TV projects sa GMA-7.
Lisod tumpagon
Usa sa nauyonan pag-ayo ni Ai Ai delas Alas sa iyang uyab nga si Gerald Sibayan mao nga dili gyud kini magpadala sa mga istorya kalabot sa mga negatibong reaksyon sa ilang relasyon. Suma pa sa komedyanteng aktres nga hilumon kaayo si Gerald ug misaad kini kaniya nga barugan gyud niini ang ilang relasyon.
Heart excited makaanak
Gibutyag ni Heart Evangelista nga inigkahuman sa kasal nila ni Sen. Chiz Escudero sunod tuig, gusto dayon nila nga makabaton og anak.
Patricia mipirma sa Viva
Mipirma na og kontrata sa Viva Entertainment sa miaging adlaw ang kanhi sexy actress nga si Patricia Javier. Na-miss ko ang showbiz. Na-miss ko umarte,” suma pa ni Patricia.
Yeng negosyante na
Giablihan na dili pa lang dugay ang resto bar nga gipanag-iya ni Yeng Constantino nga nahimutang sa Quezon City. Suma pa ni Yeng nga usa kini sa dugay na niya nga plano gumikan kay gusto niya nga duna siya’y income kung maabot na ang panahon nga mahupas ang iyang singing career.
Kapuso stars motikang sa Cebu
Mahimamat ugma sa mga Sugbuanon ang child wonders sa Kapusoremake sa 80’s drama series nga Yagit .
Mobisita ugma sa alas 10 sa buntag sa Brothers Elementary School sa Cansojong, Talisay City sila si Chlaui Malayao, Zymic Jaranilla, Judie Dela Cruz, Jemwell Ventinilla, ug ang Sugbuanon nga si Steph Yamut .
Inigkahuman sa maong Kapuso Barangayan, dugang Kapuso stars ang gikatakdang molugwa sa Kapuso Mall Show uban ang Taste Buddies host nga si Solenn Heussaff, The Half Sisters lead actress nga si Barbie Forteza, ug ang bituon sa Strawberry Lane nga si Jeric Gonzales. Ang mga nahisgutang artista maoy motikang sa Kapuso Mall Show sa Southtown Centre Cebu sa alas-tres ugma sa hapon .
“We are very happy to announce that some of our talented and sought-after Kapuso stars are coming over Cebu this weekend to extend their gratitude to fans who’ve always been supportive of the Network through the years. We bring to them the kids of Yagit plus Solenn, Barbie, and Jeric, and we really hope they will have a good time,” suma pa ni Oliver Amoroso, ang GMA Regional TV AVP ug Head sa Regional Strategy and Business Development.
Naapektohan sa bagyo
Nangayo og despensa ang Star Cinema gumikan kay wala dayon mapasalida sa pipila ka mga sinehan niadtong Miyerkules ang pelikulang Past Tense sa pipila ka mga sinehan sa Visayas ug Mindanao gumikan kay nadelatar ang pagdala sa kopya niini human giigo ang maong mga dapit sa bagyo. Ang maong pelikula gibidahan nila ni Xian Lim ug Kim Chiu.
Proyekto ni Iya
Gihimakak sa kampo ni Iya Villania nga matud pa hulipan sa TV host si Pia Guanio isip anchor sa showbiz news segment sa 24 Oras. Giingong si Isabelle Daza maoy hulipan ni Iya sa programang Taste Buddies.
Dalagang tiguwang
Gipadayag ni Venus Raj nga wala pa gyud siya makabaton og bag-ong uyab sukad sila nagkabulag ni Andrei Felix. Okay lang kang Venus nga matiguwang dalaga siya kung mao gyud kini ang iyang kapalaran.
Francine magpaniwang
Gusto ni Francine Prieto nga moaktibo og balik sa showbiz busa gipa-ningkamotan gyud niya nga mo-sexy og balik ang iyang lawas.
Molantaw sa concert
Gipadayag ni Carla Abellana nga fan gyud siya ni Katy Perry busa motikang gyud siya sa umaabot nga concert sa iyang idolo didto sa Sydney Australia. Mobakasyon si Carla sa maong dapit isip reward sa iyang kaugalingon.
Layo sa intriga
Tsika pa ni Nikki Gil dili gyud mouban ang iyang boyfriend sa mga kalihukan sa showbiz nga iyang tambongan. Gituyo kini aron magpabiling pribado ang ilang relasyon.
Komportable sa Dos
Sila si Anne Curtis ug Iza Calzado may pipila sa mga artista nga nalipay sa pagbalhin ni Isabelle Daza sa ABS-CBN. Nasayran nga suod kaayo ang tulo busa komportable ra si Isabelle sa Kapamilya Network.
Zero love life
Gipadayag ni Sunshine Cruz nga gaan kaayo ang iyang pamati karon nga wala’y lovelife gumikan kay maka-focus ra siya sa pag-atiman sa iyang mga anak ug sa iyang showbiz career. “Maaring hindi maniwala ang marami, pero happy ako na walang lovelife. Masaya akong kapiling ang mga anak ko at sapat na sa akin ang pagmamahal nila,” suma pa ni Sunshine.
Meryll mutabang sa amahan
Bukas si Meryll Soriano nga mutabang sa pagpadagan sa mga negosyo sa iyang amahan nga si Willie Revillame . Ang duha nagtingog na human sa taud-taud nila nga panagbikil.
Usik-usik sa oras
Nagkatawa lang si Iya Villania sa mga tawong kanunay nga nisaway kaniya human siya nibalik sa GMA-7. Suma pa sa TV host nga mag-usik-usik ra siya sa iyang oras kung tagdon niya ang iyang bashers.
MJ maoy Sexiest Vegetarian Celebrity
Si 2014 Bb. Pilipinas-Universe Mary Jean “MJ” Lastimosa maoy nakaangkon karong tuiga sa titulo nga Philippines’ Sexiest Vegetarian Celebrity sa People for the Ethical Treatment of Animals (PETA)
Nasayran nga dul-an sa 10,000 ka botos ang naangkon ni MJ nga gipasiugdahan sa PETA Asia Pacific.
Nakadayeg ang PETA sa pagka-vegetarian sa beauty queen ug dili gyud kini abusado sa mga hayop ug sa kalikupan.
Gikatigi sa 26 anyos nga beauty queen sila si Geneva Cruz, Sandra Seifert, Amanda Griffin Jacob, Chin-Chin Gutierrez ug Maricel Laxa-Pangilinan.
Nagikan si MJ sa North Cotabato ug natapos niini ang kursong Bachelor of Science in Computer Engineering sa University of Mindanao.
“MJ knows that going vegetarian is the best thing that you can do for animals, the earth and your health. Plus, she’s living proof that being vegetarian helps keep you slim and sexy,” suma pa sa PETA Asia vice president nga si Jason Baker.
- Latest