Enero operahan

CEBU, Philippines - Gihimakak ni Vice Ganda nga nanluod siya sa It’s Showtime hinungdan nga wala siya nilugwa sa maong noontime show. Matud ni Vice nindot matud pa ang relasyon niya sa production people sa maong show. Gitambagan lamang matud pa siya nga mupahuway usa basin mada og tambal ang iyang balatian sa tutunlan. Pero dili na matud pa madala og tambal, hinungdan nga operahan na gyud siya karong Enero. Ug kay gilaay man siya sa balay, balik Showtime lamang usa siya.

Marian Season 2

Malaumon si Christian Bautista nga adunay second season ang Marian dance show ni Marian Rivera. Komedya pa ni Christian, hangtud nga dili pa magsabak si Marian padayon matud pa ang ilang GMA7 primetime show matag Sabado.

Pinangga sa TV5

Gipadayag ni Bianca King nga mapasalamaton kaayo siya sa TV5 sanglit maayo matud pa ang pagtagad nga gibubo ngadto kaniya, girespeto matud pa ang iyang talent  isip artista pinaagi sa paghatag niya og maanindot nga projects. Bida si  Bianca sa Wattpad Presents: His Boss nga mulugwa na karong December 1, ug aduna sab matud pa siyay soap nga hapit na sugdan. Freelancer si Bianca.

Willie sa GMA7

Ang 5-6:30pm nga timeslot sa GMA7 ang gitrabaho karon nila ni Joey de Leon ug Mike Enriquez nga mahataga ngadto kang Willie Revillame aron mapalugwa na sa hingpit ang show sa nahisgutang TV host.

Abroad magpasko

Sa gawas sa nasud mag-pasko ang pamilya ni KC Concepcion karong tuiga. Unang higayon matud pa kini nga mahitabo nga wala sila sa Pilipinas sa adlaw sa pasko. Kasamtangang nagbangutan ang pamilya Cuneta gumikan sa pagpanaw sa apohan ni KC nga si Mommy Ellaine.

Gasto tanan ni Dong

Wala matud pay gasto si Marian Rivera bisan usa ka dako para sa umaabot nga kasal nila ni Dingdong Dantes karong December 30.

Mao kini gibutyag ni Marian dihang gipangutana sa www.pep.ph kabahin sa design sa iyang wedding gown nga mugna sa Dubai based Pinoy world-class designer Michael Cinco.

 “Dun po sa sinasabing mahal ang gown ko, tanungin niyo na lang po sa magiging asawa ko kasi siya po ang gumagastos para sa kasal namin.

 “Ni isang kusing po wala po akong ginagastos.

 “Totoo po, iyon po talaga ang katotohanan, wala po talaga akong ginastos.

 “Kaya nga po nagsa-shopping ako, e,” nikatawa siya.

“Nagsa-shopping! Hindi, joke lang, pero totoo yun.”