Gikapoy og trabaho

CEBU, Philippines - Gikapoy na matud pa si Dennis Trillo og trabaho. Mao kini iyang gipadayag pinaagi sa iyang Twitter account sa nilabay nga adlaw. Suma pa niya, "work sucks, I miss my life." Apan matud pa sa www.fashionpulis.com, gidelete ra sab ni Dennis ang mao niyang tweet.

Female Luis Manzano

Okay ra matud pa ni Alex Gonzaga kun tawgon siya nga lalaki nga version ni Luis Manzano gumikan sa iyang kakulit. Nagkauban sila si Alex ug Luis isip mga host sa The Voice of the Philippines Kids, apan sa backstage kanunay ang nauwahi. Karon mas maklaro na matud pa nga managsama silang duruha nga mga kulit sanglit subli silang magkauban isip hosts sa The Voice of the Philippines 2, kauban usab si Robi Domingo ug ang original host nga si Toni Gonzaga.

Samukan kaayo

Makalagot matud pa si Alex Gonzaga usahay. Kini suma pa sa iyang maguwang nga si Toni Gonzaga. Matud ni Toni nga usahay samukan kaayo si Alex kun naa sila sa dressing room. Saba kaayo matud pa si Alex usahay, nga makapalagot kaniya ilabi na kun aduna siyay kinahanglang sag-uhon.

Nagbasul nga nagpa-sexy

Medyo nagbasul matud pa ang TV5 star nga si Ritz Azul nganong nilugwa siya sa cover sa FHM niadtong 2012 gumikan kay dili na man siya mamahimong musalmot sa Bb. Pilipinas nga usa unta sa iyang mga plano kaniadto. Hinuon, pwede pa man siya nga mulugwa sa Miss World Philippines, busa kini na lang matud pa ang iyang pangandaman.

Same sex relationship

Dili matud pa mubabag si DJ Durano kun ugaling makauyab og tomboy ang iyang 16-anyos nga anak babaye. Kahinumduman nga bag-ohay lamang giangkon nila ni DJ ug Direk Wenn Deramas ang ilang 10 ka tuig nga relasyon. Bisan og nagbuwag na sila, lakip gihapon si DJ sa latest movie ni Deramas nga mao ang  Moron 5.2 The Transformation.

Aron makabalay

Gipadayag ni Representative Alfred Vargas nga aron makatigom siya, buot niya nga muhimo og daghang movie projects, sa ingon mapatukod na niya ang iyang dream house para sa iyang pamilya. Kahinumduman nga sunod-sunod ang mga projects ni Vargas kaniadto sa wala pa siya napili nga kongresista sa usa sa mga distrito didto sa Quezon, City.

"No big deal"

Gipahimug-atan ni Billy Crawford nga dili "big deal" ang iyang pagkabilanggo mga duha na ka bulan ang nilabay human siya nanghagis sa usa ka police station didto sa Taguig, City. Apan giangkon niya nga nasakitan siya: "At first kasi, hindi alam ng mga tao kung ano ang nangyari, bigla na lang kung anu-ano ang mga sinasabi. Sino ba naman ang hindi masasaktan? Pero it gives me time to think and actually explain my side."

Marian ug Solenn ang target

Gipadayag ni Ruru Madrid nga sila si Marian Rivera ug Solenn Heussaff ang iyang gipangandoy nga mapares sa usa ka proyekto gumikan kay mga crush matud pa niya ang mga nahisgutan. Ang 16-anyos nga produkto sa GMA7 reality-show Protegee, nipadayag nga ganahan gyud matud pa siya og mga mas maguwang pa niya.

Nahusay na?

Nagkasinabot na matud pa sila si Derek Ramsay ug Mary Christine Jolly. Gani nag-upload si Derek og hulagway sa nilabay nga adlaw diin nakigduwa siya sa iyang anak.

Gisapot gumikan sa tarp

Happy Sunday mga SweekKabutanding! Pila na lang ka adlaw, magsaulog na pud ko sa usa ka tuig sa akong pagkahimugso aning kalibutana mao nga #Happy kaayo ang inyong Mother Butanding! Daghan kaayo ko og rason nga ipasalamat sa Kahitas-an ug usa na niini kay ang paghatag niya nako og daghang kusog para makaya nako ang tanang bagyo nga niabot sa akong kinabuhi ug sa mga moabot pa! Ug labaw sa tanan dili ko muhunong sa pagBisChika sa makadaghan nga kung unsa man ang nakab-ot sa inyong Yur's truly nahimo kamong dakong kabahin niini. Tungod kay #MyBirthdayCountdownDay26of31 na!

Sugdan nato sa Kinsa Siya? Kinsa kining inahan sa usa ka young actress nga nagdiva divahan ??? Yes nikalit og transform ang mama sa usa ka young actress into a Diva(pasaway) kay ang nahitabo mao kini: Sigon pa sa atong KSI( Kinsa Siya Insider ) padung sa usa ka mall ang mama ug ang young actress for a show. Daghang misaksi mao nga abot dunggan ang kalipay nila. Pero nikalit lang nausab ang nawong ni mother sa young actress kay iyang nakit -an ang tarpaulin sa programa nga nakabutang ang mga nawong sa casts pero ang iyang beautiful daughter kay wala sa maong tarpaulin Ngano kaha? Sigon pa sa atong KSI nga dunay problema sa lay-out mao nga waley iyang beautiful daughter! Unsaon na lang! Kinsa si Young Actress? Makit-an sa usa ka teleserye matag gabii. Maayo mohilak! Dunay ka love team nga gwapo nga young actor!

Speaking of gwapo, Kinsa Siya kining aktor nga gwapo ug gidungog nga miyembro sa fedaration.com? Kasayang na man lang gyud kung tinuod pa. Sumala sa atong KSI iyang nabantayan nga ang aktor kay hinhin kini kaayo molihok ug hilabi na kung molakaw...moikid man gyud oi! I'm crossing fingers nga dili kini tinuod pero kung tinuod man....welcome to our world!!! Ang maong aktor bag-o lang nahuman ang iyang project sa telebisyon.

Nanghinaut ang inyong mother Butanding nga nabusog kamo sa akong gihaon nga BisChika... Hangtud sunod Domingo na usab mga SweetKabutanding!!!