Jasmine sa My Fair Lady

CEBU, Philippines – Adunay umaabot nga serye si Jasmine Curtis-Smith sa TV5 busa dili tinuod ang tsika nga matud pa mobalhin ang aktres sa ABS-CBN. Si Jasmine ang bida sa Tagalog adaptation sa  Koreanovela nga My Fair Lady. Usa ang maong serye sa mga hugyaw nga programa nga ilusad sa TV5 sa unang bahin sunod tuig Carla lisod kumbinseron

Dili gyud makumbinser si Carla Abellana nga mo-pose sa FHM gumikan kay dili gyud  mouyon niini ang iyang apohan nga si Delia Razon . Gibarugan ni Carla ang iyang wholesome nga imahe.

Ikaw na gyud Christian!

Special guest si Christian Bautista sa 23rd anniversary special sa MNC TV Indonesia niadtong Lunes. Nakauban ni Christian sa maong kalihukan ang pipila ka female singing superstars sa Indonesia nga sila si  Bunga Citra Lestari, Syahrina ug  Ayu Ting Ting.

Juday dunay gihangyo

Nihangyo si Judy Ann sa Star Cinema nga makabaton og movie project uban kang  Claudine Baretto. Ang duha maoy rayna sa mga serye niadto sa ABS-CBN.

Angeline mihimakak

Gihimakak ni Angeline Quinto nga gikopya niya ang mga estilo sa pagkanta sa iyang idolo nga si Regine Velasquez.  Suma pa ni Angeline nga dugay na kaayo ang maong intriga busa wala na siya mihatag og gibug-aton niini.

Hugyaw nga balay

Miabot og pipila ka buwan ang pagpa-renovate ni Mother Lily Monteverde sa iyang dakong balay sa Greenhills, San Juan City. Aduna kini kaugalingong gym ug13 ka mga lawak.

Regine mosupak

Gipadayag ni Regine Velasquez nga kontento na siya sa posisyon ni Ogie Alcasid isip president sa Organisasyon ng Pilipinong Mang-aawit (OPM) busa dili siya mosugot kung matinuod ang report nga matud pa himuong officer-in-charge (OIC) ang iyang bana sa Optical Media Board (OMB).

Bridal shower ni Amy

Gisurpresa si Amy Perez sa iyang hinigugma nga si Carlo Castillo sa miaging adlaw ug mao kini ang nag-arrange og bridal shower alang sa TV host. Nanambong ang suod nga mga higala ni Amy.

Ilong ra kutob

Walay plano si Jonalyn Viray nga iparetoke pa ang ubang parti sa iyang nawong. Kontento na ang singer sa giretoke niya nga ilong kaniadto.

Apil diay

Wala kaayo kisaw ang pagkalakip ni Ynna Asistio sa pelikulang Dilim nga gibidahan nila ni Rayver Cruz ug Kylie Padilla.  Nalakip usab sa maong pelikula sila si Ella Cruz ug Natalie Hart.

Carmi nagpa- botox

Giangkon ni Carmi Martin nagpa-botox siya ug hagbay ra niya kini nga gisekreto. Hadlokan si Carmi og operasyon busa kutob ra siya sa maong pamaagi.

Nakatabang ni Charice

Nakatabang matud pa sa pagbanhaw sa career ni Charice ang paglugwa niya og balik sa programa ni Oprah Winfrey. Aduna'y international concert producer ang interesado nga mokuha kang Charice.

Kusinero ang peg

Gipasalig ni Enchong Dee ngadto sa iyang girlfriend nga si Samantha Lewis nga lutoan niya kini og mga  lamiang pagkaon sa Bicol. Mao kini ang tinagoang talent ni Enchong.

Empress ma-insecure usahay

Giangkon ni Empress nga dili malikayan nga ma-insecure siya usahay sa hitsura sa ubang mga artista. "Kasi, siyempre, nandito tayo sa industriya na maraming magaganda, so, mako-compare mo talaga 'yung sarili mo, hindi mo maiiwasan 'yun," suma pa sa aktres.

Padaganon og senador

Aduna na pu'y grupo sa mga politiko ang nihangyo kang Dingdong Dantes sa miaging adlaw nga padaganon siya og senador karong 2016 nga piniliay. Una na nga gipadayag sa aktor nga dili siya interesado mosulod sa kalibutan sa politika. 

Angelica nalambigit sa car accident

Luwas ra ang aktres nga si Angelica Panganiban human kini nakasugat og minor vehicular accident sa miaging adlaw.

Sa report ni  Luigene Yanoria sa Yahoo Philippines, giingong  nabanggaan sa Mazda nga sakyanan ni  Angelica ang usa ka taxi didto sa Epifanio delos Santos Avenue (EDSA), southbound lane sa  Greenhills , San Juan City.

Niliko matud pa ang aktres sa pikas nga dalan ug wala mabantayi niini ang nakasugat niya nga taxi. Nakabaton og gamay nga lumping ang duha ka mga sakyanan.

Sa pagsuwat niini nga balita, wala pa mohatag og statement ang kampo sa aktres partikular na sa Star Magic nga maoy naghupot sa iyang career.

X-Factor Australia Marlisa maoy grand champion

Susama sa galutaw sa hangin hangtud karon ang hunahuna sa  Pinay teen singer nga si Marlisa Punzalan human siya ang napili nga grand winner sa X-Factor Australia.

Suma pa sa 15 anyos nga singer nga gihalad niya ang iyang kadaugan ngadto sa Ginoo ug sa tanan niya nga supporters.

"My X Factor journey has been incredible. I would not be where I am without your support! I just can't believe it! I feel like I am floating on a cloud right now. Thank you so much, Australia! I couldn't have done it without you! And to all my supporters, thank you for getting behind me every single week, for I will not be where I am today without your support. And to The Lord above, I thank Him for everything," suma pa ni Marlisa.

Gipukan niya ang laing lig-ong finalist nga si Dean Ray. Si Marlisa ang labing bata nga contestant sa kasaysayan sa X-Factor Australia nga nakasulod sa final round.  "This has been the tightest result in X Factor history,".  "There is literally a 0.01% difference in the votes. It is so close," suma pa sa host sa maong show nga si Luke Jacob.

Kahinumduman nga sa final round, subling gikanta ni Marlisa ang "Yesterday" sa Beatles ug ang first single niya nga "Stand By You".

Nasayran nga sa wala pa nisalmot si Marlisa sa X-Factor,  nahimo na siya nga front act sa concert nila ni Jose Marie Chan, Sharon Cuneta,  ug sa Aegis didto sa Sydney. Nagdako si Marlisa sa Sydney apan lumad nga taga Bataan ang iyang mga ginikanan nga sila si Lito ug Andrea.