Pangandoy ni Greta

CEBU, Philippines - Layo na og naabtan si  Gretchen Barretto sa iyang acting career ug usa na lang ang gusto niya nga suwayan, kini mao ang malakip sa stage play.  "Babalik ako sa London pagkatapos kong magtrabaho. Gusto kong mag-train ng theater singing," suma pa ni Greta.

KC naayo na Mapasalamaton si KC Concepcion sa tanang tawo nga nag-ampo alang sa dali niya nga kaayohan. Giingong naayo na ang aktres sa  gihambin niya  nga dengue .

Best in apong

Nagbinuntagay og apong si Carla Abellana kang Tom Rodriguez sa taping sa Don't Lose the Money . Wala gyud mobiya si Carla hangtud wala mahuman ang taping sa maong game show.

Non-showbiz girl ang gusto

Target ni Sam Milby ang non-showbiz girl kung pananglitan mosulod siya og balik sa usa ka seryosong relasyon. Suma pa sa aktor nga layo sa intriga kung dili artista ang iyang mauyab.

Aga mobalik sa Dos?

Gihugon-hugon nga mobalik si  Aga Mulach sa higayon nga mobalik na kini sa showbiz sunod tuig. Kahinumduman nga temporaryong mopahuway si Aga sa showbiz. Wala na mo-renew si Aga sa TV5 apan gianunsyo niini nga duna siya'y movie project nga himoon sunod tuig.

Oprah wala makugang

Karong Domingo , October 19 ipasalida ang pagbalik ni Charice isip guest sa Oprah Winfrey alang sa segment nga  Where Are They Now . Bata pa lang si Charice sa dihang ni-guest kini sa maong programa niadto. Matud pa nga wala na makugang si Opra sa pag-angkon ni Charice sa iyang pagka-tomboy gumikan kay ubay-ubay na ka mga artista ang niladlad pud sa ilang tinud-anay nga istado sa ilang pagkatawo.

Palibhasa Lalake ibalik

Ibalik pagpasalida sa telebisyon ang karaang sitcom nga Palibhasa Lalake sugod karong October 20. Makita kini sa cable channel sa ABS-CBN nga Jeepney. Ang maong programa gibidahan nila ni  Richard Gomez, Joey Marquez, John Estrada, Gloria Romero, Amy Perez, Mark Anthony Fernandez, Eric Fructoso, Jomari Yllana, Jao Mapa, Claudine Barretto, Rica Peralejo, G. Toengi, Regine Tolentino, ug  Lindsay Custodio.

Wala'y planong mag-senador

Giklaro ni Richard Gomez nga walay plano nga modagan pagka-senador karong 2016 ang iyang kapikas sa kinabuhi nga si Kongresista Lucy Torres.  Suma pa ni Richard nga layo pa ang 2016 busa dili pa angayan maghisgot og politika.

Anne mihimakak

Gihimakak ni Anne Curtis ang niulbo nga report nga matud pa engaged na sila sa iyang boyfriend nga si Erwan Heussaff. Suma pa ni Anne nga iyaha gyud nga isugilon sa publiko kung maabot man gani ang panahon nga magplano na sila nga magpakasal.

Isyu gitin-aw sa direktor

Tsika pa ni Direk  Louie Ignacio nga dili tinuod ang mga nigawas nga report nga matud pa nga nag-away sila ni Marian Rivera busa nawala na siya isip direktor sa dance show sa aktres. Suma pa ni Direk Louie nga kinahanglan siya nga mawala sa maong programa gumikan kay na-busy siya niadto sa Miss World Philippines. Una na nga gipadayag sa direktor nga wala siya'y ideya nga duna diay season 2 ang dance show ni Marian hinungdan nga naligsan kini sa uban niya nga schedule. 

Maris sa MMK

Ang kanhi housemate sa Pinoy Big Brother (PBB) All In nga si Maris Racal maoy bida sa episode ugma sa  Maalaala Mo Kaya. Gikatahong natural nga moarte si Maris hinungdan nga nataypan dayon kini sa mga kadagkoan sa Dos.

Katapusang boyfriend

Gibutyag ni Ai Ai delas Alas nga kung magbuwag man gani sila sa iyang 20 anyos nga uyab nga si Gerald Sibayan, dili na gyud siya ganahan makabaton og hinigugma.  Nagmalaumon ang komedyanteng aktres nga si Gerald na gyud ang katapusan niya nga boyfriend.

Pokwang gikilig

Giangkon ni Pokwang nga gikilig siya sa kissing scene nila sa iyang leading man sa pelikulang Edsa Woolworth nga si Lee O'Brien. Midayeg si Pokwang sa kabuotan sa maong 38- anyos nga American actor.

Rhian nalingaw sa lumba

Gipadayag ni Rhian Ramos nga nalingaw siya pag-ayo sa pagsalmot og mga car racing: "I feel like nagagawa ko siya for my sanity," suma pa sa aktres.

LT kever sa politika

Dili interesado si Lorna Tolentino nga mosulod sa kalibutan sa politika gumikan kay nakontento na siya sa iyang kinabuhi. Hinuon dili niya pugngan kung musalmot man ang iyang mga anak.

Alwyn ug Jennica sekretong nagpakasal

Giangkon sa Kapatid star nga si Alwyn Uytinco nga sekreto sila nga nagpakasal ni Jennica Garcia niadtong Pebrero 12 karong tuiga.

Gipahigayon ang kasal sa Victory Church, sa Greenhills, San Juan City nga gitambongan lang sa ilang pamilya ug suod nga mga higala.

 "So, sorry kung may mga nagtatanong, hindi namin alam kung ano ang sasabihin namin. Kasi lagi kaming tinatanong, kailan kami magpapakasal, 'tapos hindi ko lang masabi na, 'A, actually kasal na kami at naghahanap lang kami ng right time to tell everyone," suma pa ni Alwyn.

  Suma pa ni Alwyn nga duna pa'y uban niya nga mga higala ang wala niya masuginlan busa segurado siya nga makugang kini sa iyang pag-angkon.

  Samtang si Jennica sa iyang bahin, nipadayag kini nga nangita ra gyud sila ni Alwyn og saktong higayon nga makasulti sa ilang istado.

Luag na matud pa ilang huna-huna karon gumikan kay ilaha na nga giladlad ang ilang sekreto.

Vice dunay cyst sa kidney

Mobalik na sa iyang trabaho karong adlawa si Vice Ganda human sa pipila ka adlaw nga pag-istar sa tambalanan.

Ang igsuon ni Vice nga si Dr. Cristine Viceral nibutyag nga dili angayan nga mabalaka ang fans sa TV host gumikan kay gamay ra ang nitubo nga cyst sa kidney niini.

"'Yung sa kanya kasi maliit. Less than a centimeter. Napakaliit noon nakita so with that ino-observe lang 'yun for now. Hindi naman siya alarming so hopefully, 'di na siya mag- progress at hindi na siya lumaki pa," suma pa ni Dr. Viceral.

   Gitambagan gihapon si Vice nga mogahin og panahon alang sa saktong pahuway gumikan kay duna pu'y nakit-ang deperensya  sa iyang vocal chord.

Nipauli og pinakalit!

Rachelle ug Slater wala nilambo

Daghan ang nakugang sa paglugwa ni Rachelle Ann Go sa event sa usa ka sikat nga clothing brand sa kaulohan niadtong Miyerkules sa gabii. Pito ka bulan nga nawala si Rachelle sa Pilipinas gumikan kay nagbase na siya sa London para sa Miss Saigon diin siya maoy nagdala sa role nga Gigi ug nagkasikat na og maayo didto gumikan sa iyang maayong performance.

Matud ni Rachelle nga niadtong Lunes pa siya nahiabot sa nasud ug ang iyang mga suod lamang nga mga higala nga sila si Sarah Geronimo, Jimmy Marquez, Erik Santos ug Christian Bautista ang nasayod nga muabot siya og pinakalit dinhi sa nasud.

Nidiretso matud pa siya sa ilang balay sanglit gimingaw kaayo siya sa iyang pamilya, lakip na ang mga luto sa iyang mama. Wala usab kaayo siya nilaag sanglit gipahimuslan niya ang higayon nga makauban ang iyang pamilya.

Gituldukan na ni Rachelle ang estado nila ni Pinoy Big Brother big winner Slater Young. "Dating" sila niadtong wala pa nibiya sa nasud ang nahisgutang Miss Saigon star.

 "Okay kami. Nag-uusap kami. Yun lang.

"Kung ano yung napag-iwanan namin noon, tapos na yun, move forward, that's it.

"And we're both happy with whatever we have, with whatever career we have right now."

Happy usab matud pa siya sa engagement sa iyang kanhi mga uyab nga sila si John Prats ug Gab Valenciano.

Eto na ata yung season ang edad ng mga nagpapakasal... "Magpapakaiba ako, single! "Happy ako sa lahat. Everyone's happy."

Suma pa niya ngadto sa www.pep.ph wala siyay higayon sa relasyon gumikan sa ka busy niya sa Miss Saigon diin walo matud pa ka shows ang iyang lugwaan sa usa ka semana ug Domingo lamang ang iyang bakante nga iyang igahin usab aron makapahulay.

"E, yun ang destiny nila 'di ba?

"Kumbaga, ako, bigla ako naipadala sa ibang bansa na hindi ko rin naman plinano.

"So, ine-enjoy ko yun."

Nibalik na si Rachelle sa London kagabii.