“Guardian: Blade Saga” mulugwa na!
CEBU, Philippines - Masud-ong na karong September 27, ang labing bag-ong teleserye nga gigama sa usa ka Sugbuanon para sa mga bisaya, ang “Guardian Blade Saga.”
Ipasalida kini sa Kapatid Network (TV5) kada Sabado sa 11-11:30 sa buntag.
Ginama ug idalit sa MF Productions nga gipanag-iya sa Cebuano producer nga si Michael Flores, ang "Guardian Blade Saga", sugilanon nga puno sa usa ka komedya, pantasya, aksyon, epiko, kapalaran, ug gugma. Kini maoy magpakita sa talento sa mga Cebuano sa tibuok Kabisay-an.
Dungan niini, pormal nga ipaila ang mga bituon niining maong serye pinaagi sa usa ka presscon karong alas tres sa hapon (3:00pm) diha sa North 2 lobby Parkmall.
Mahimamat sa personal ang production team ug mga artista sa Guardian Blade Saga nga maglangkob kanila ni Jefferson Yu, Monica Sacay, Allysa Ursal, Bianca Lim, Stephanie Mananquil, Allan & Boboy Colina, Jack Soler, Danika Ocampo, Joshua Andrino, Rochelle Agbay, Daniel Paschner ug sa usa ka espesyal nga partisipasyon ni Chang Euldan.
Ang Guardian Blade Saga ubos sa direksyon ni Siegfred Berdon Alkuino.
Alang sa dugang detalye bisitaha ang official website www.guardianblade.com.
- Latest