Kapoy baya ninyo!

CEBU, Philippines - Gikataw-an lang sa netizens sila si Jake Ejercito ug Andi Eigenmann gumikan kay wala na’y klaro ang duha sa tinud-anay nila nga istado sukad pa niadto. Ang duha magbuwag apan kalit ra usab magbalik.

Makalahutay na

Tsika pa ni Sarah Geronimo nga gaan kaayo ang iyang pamati karon gumikan kay dili na siya maghuna-huna  sa reaksyon sa tawo  kung  sweet  kaayo sila ni Matteo Guidecelli. Dili susama sa una nga magtago-tago apan karon, komportable na sila mag-holding hands atubangan sa mga tawo.

Nanguyab og balik

Misuway si Kris Lawrence sa pakigbalik kang Katrina Halili apan wala kini mosaler. Gipasalig ni Kris nga panggaon gyud niya og maayo ang anak nila ni Katrina. Gisakitan siya pag-ayo sa ilang breakup apan wala na siya’y mahimo niini.

Scripted

Giingong scripted ra ang pagpa-cute nila ni Erik Santos ug Angeline Quinto. Giingong dili sweet ang duha basta wala’y kamera nga nag-atubang kanila.

Nora kuhaon sa GMA?

Gidungog-dungog nga giatngan sa GMA-7 si Nora Aunor kinsa nipadayag nga dili na mo-renew sa iyang kontrata sa TV5. Una na nga gipadayag ni Nora nga walay offer kaniya ang laing network apan andam siya modawat kung dunay maayong proyekto nga ihatag kaniya. 

Ikaw na gyud Deniece!

Gipadayag ni Deniece Cornejo nga ang temporaryo niya nga kagawasan sa prisohan nagtimailhan lang nga niresulta ang kanunay niya nga pag-ampo ug ang pagtambong og bible study. Kahinumduman nga nakapyansa na si Deniece og P500,000 alang sa kasong illegal detention nga gipasaka ni Vhong Navarro batok kaniya.

Derek emosyonal

Nakahilak si Derek Ramsay sa dihang nahimamat niya ang 11-anyos niya nga anak nga si Austin sa dihang nag-abot sila sa kanhi niya hinigugma nga si Mary Christine Jolly niadtong Huwebes sa Makati City Prosecutors Office.

Boobs ni LJ

Mipakita si  LJ Reyes sa iyang  boobs sa indie film nga Bigkis kung diin nag-breastfeed sa iyang  baby sa nahisgutang eksena. Suma pa ni LJ nga wholesome ang pag-presenta niini ug giingong gikinahanglan kini sa script.

Onemig nalingaw sa negosyo

Wala’y plano si Onemig Bondoc nga mobalik sa showbiz gumikan kay nalingaw na siya sa pag-atiman sa iyang real estate company. Giangkon niya nga gimingaw na siya pag-ayo sa showbiz apan dili na gyud madala sa iyang schedule.

Napiangan

Giangkon nila ni Jose Manalo ug Wally Bayola nga napiangan gyud ang  Juan for All, All for One segment sa Eat Bulaga sa dihang nasakit si Paolo Ballesteros. Gimingaw na sila og maayo sa pagsuroy-suroy og mga barangay nga naa si Paolo.

Wala’y kalabotan si Kris

Gihimakak ni Carl Guevarra ang taho nga matud pa ang breakup nila ni Kris Bernal maoy rason nga niniwang siya og maayo karon. Suma pa ni Carl nga bisan zero ang lovelife  niya karon, wala nagpasabot nga pasagdan niya ang iyang kaugalingon.

“Silence/Noise”

Na-release na ang bag-ong album ni   Paolo Valenciano nga  “Silence/Noise.” Ubos kini sa Star Records ug mga alternative rock ang unod niini.

Komportable

Giangkon ni Jasmine Curtis Smith nga relax kaayo siya sa taping sa My Tag Boyfriend gumikan kay komportable na man siya daan sa kauban niya sa maong programa nga si Sam Concepcion. Suma pa ni Jasmine nga bisan uyab sila ni Sam, naka-concentrate gyud sila sa ilang trabaho basta naa sila sa set.