Mga lig-on nga kandidata

CEBU, Philippines - Sama sa gibalita sa Banat News Hugyaw sa nilabay nga semana, upat lamang ka mga kandidata sa Miss World Philippines karong tuiga ang napanlantawan nga mao gyuy higpit nga magtigi aron paglangkat sa korona.

Ang 26 ka mga kandidata mao kining musunod:

1) Lorraine Kendrickson

2) Cyra Guilalas

3) Alexa Rae Kirby

4) Priscilla Kimberley dela Cruz

5) Gazini Christiana Ganados

6) Kristine Angeli Estoque

7) Rachel Louise Peters

8) Rachelle Emmylou Carandang

9) Ranielah Marie Oval

10) Grace Ann Bautista

11) Moriel Olea

12) Christine Balaguer

13) Kimberly Anne Sarreal

14) Nicole Donesa

15) Theresa Regli

16) Ina Dominica Guerrero

17) Kimberly Pajares

18) Ruffa Nava

19) Valerie Weigmann

20) Nelda Ibe

21) Jean Marie Feliciano

22) Abegail Galisim

23) Frances Ruth Constantino

24) Carinah Jennah Aguilar

25) Eliza Johanna Cruz

26) Jahziel Pernia

Ang maong panagna subling namatud-an sa mga beauty pageant critic atol sa media presentation alang sa 26 ka mga kandidata didto sa kaulohan sa nilabay nga adlaw. Kun karon matud pa ang koronasyon, sigurado gyud nga magbarog sa katapusang hugna aron paglangkat sa korona sila si kanhi Miss Dumaguete City Lorraine Kendrickson, Fil-British newcomer Rachel Louise Peter, model and TV personality Valerie Weigmann ug  Cebuana Gazzini Casandra Ganados.

Ganahan  mag-beauty queen

Gipadayag sa co-host sa Eat Bulaga nga si Valerie Weigmann  nga dugay na gyud siya nga nangandoy nga mahimong beauty queen busa dako ang iyang pasalamat sa pagkalakip niya sa listahan sa mga kandidata sa Miss World Philippines 2014 .

The Janitor ipasalida sa Portugal

Mosalmot ang pelikula ni Dennis Trillo nga The Janitor sa 35th edition sa Festival Internacional de Cinema do Porto .Usa kini ka film festival nga himuon didto sa Portugal sa unang bahin sunod tuig.

Ejay ug Meg nag-date

Nasigpatan sila si Ejay Falcon ug Meg Imperial nga nanuroy sa usa ka mall didto sa Ortigas sa miaging adlaw. Apan giklaro sa duha nga managhigala ra gyud sila. Taud-taud na nga single si Ejay human sila nagkabuwg ni Yam Concepcion.

Sharon mipasumbingay

Gipadayag ni Sharon Cuneta nga duna siyay dakong proyekto sa dili matapos karong tuiga. Wala hinuon gidetalye ni Sharon kung unsa nga network siya molugwa.

Dili lalim

Tsika pa ni Perci Intalan nga dakong hagit kaniya sa pagama sa pelikulang Dementia mao ang pagbitbit sa cast ug staff didto sa Batanes. Nasayran nga dili matag-an ang dagan sa panahon sa maong dapit. Maayo na lang gani nga wala mag-uwan sa dihang nitikang sila sa maong lugar. Ipasalida na ang Dementia sunod semana.

Jodi mag-doktor gyud

 Gipasalig sa 32 anyos nga aktres nga si Jodi Sta. Maria nga ipadayon gyud niya ang iyang pagtuon aron matuman ang iyang pangandoy nga ma-doktor. Wala pa'y ideya si Jodi kung kanus-a niya kini matuman gumikan sa ka-busy sa iyang career karong panahona."Gusto kong maging magandang halimbawa sa anak ko ," suma pa sa akres.

Nora wala tagda ni Bamboo

Nihangyo si Nora Aunor nga dili na lang hisgutan ang isyu nga matud pa wala gyud motagad kaniya ang singer nga si Bamboo sa dihang nagkaabot sila sa usa ka show. Suma pa sa aktes nga dili siya ganahan nga modako pa ang maong istorya.

Kim Atienza moarte na

Mapasigarbohong gipadayag ni Kim Atienza nga malakip siya sa usa ka episode sa Shake, Rattle and Roll XV nga entry sa Regal Films sa umaabot nga Metro Manila Film Festival 2013. Partikular nga molugwa si Kim sa episode nga Flight 666 kung diin makauban niya sila si  Matteo Guidicelli, Lovi Poe ug Daniel Matsunaga.

Gilamian sa ngabil

Nagkatawa nga gibutyag ni Kris Bernal nga matud pa lami mohalok si Dennis Trillo sa dihang gibuhat nila ang kissing scene sa seryeng Hiram na Alaala. Suma pa ni Kris nga dugay na niya nga crush ang aktor. "Malambot ang kanyang labi at masarap siyang humalik," matud pa ni Kris.

Sakpan ang show

Nasakpan nga naka-holding hands sila si Kiko Estrada ug Kim Rodriguez busa nisamot ang mga istorya nga dunay gitagoang relasyon ang duha. Magkauban sila si Kiko ug Kim sa seryeng Strawberry Lane sa GMA-7.

Dingdong nakahilak

Namaye na si Dingdong Dantes sa mga ginikanan ni Marian Rivera sa milabay nga gabii. Wala kalikaye ni Dingdong Dantes nga mohilak sa pormal na niya nga pagpangayo sa mga kamot ni Marian gikan sa mga ginikanan niini. Kaslon sila karong December 30.

Gihilakan ni Lovi

 Niulbo ang report nga puwerting hilaka ni Lovi Poe sa dihang giyawyawan siya ni Direk Erik Matti pinaagi sa Facebook. Wala gihapon mutubag si Lovi kalabot sa isyu nga mangayo unta kini og dakong talent fee kung nadayon pa kini sa pelikulang Aswang Chronicles.

Daniel misupak sa kontrata

Giklaro ni Mother Lily Monteverde nga wala siya maglagot kang Daniel Matsunaga kinsa nisugot nga malakip sa pelikula sa Star Cinema human kini nahimong grand winner sa Pinoy Big Brother All -In sa ABS-CBN. Matud pa nga taud-taud na nga naka-kontrata si Daniel sa movie outfit ni Mother Lily nga Regal Films. Suma pa ni Mother Lily nga iyaha na lang suportahan si Daniel kung unsa ang makalipay niini.

Bag-ong bomba

Gipadayag sa kanhi hinigugma ni Derek Ramsay nga si Mary Christine Jolly nga dunay mga higayon niadto nga gipugos siya sa aktor nga motumar og "ecstacy". Gitun-an usab niya karon ang posibleng kaso nga ipasaka niya kang Derek gumikan kay nakigrelasyon kini sa ubang babaye sa dihang magtiayon pa sila. Andam hinuon makig-areglo si May Christine kang Derek basta mosustento lang kini sa ilang anak.

Frencheska  dili pa andam

Gibutyag ni Frencheska Farr nga dili pa gyud siya andam nga moapil og beauty contest ug mga  sexy pictorial.  "Hindi ko pa kaya," hirit pa niya.

Angelo nabanhaw

Dul-an na sa 10 ka tuig nga nawala sa showbiz ang kanhi talent sa Star Magic nga si Angelo Ilagan.

Apan niining higayona, mibalik na siya sa showbiz ug molugwa    siya ugma sa Maalaala Mo Kaya.

Giangkon ni Angelo nga nagmahay siya nga gipasagdan niya ang iyang career niadto ug nag-agi gyud og kalisod ang iyang pamilya.

Adunay higayon nga nahimo siya nga  isnatser, drayber sa jeep ug tricycle.

Nagpasalamat si Angelo nga gibanhaw karon sa ABS-CBN ang iyang career. Kasamtangang nagnegosyo si Angelo pinaagi sa iyang online shop. Katapusan siya nga nilugwa sa seryeng Mga Anghel Na Walang Langit.

Marcelito Pomoy kaslon na!

Kaslon na karong Domingo  ang singer nga si Marcelito Pomoy sa iyang non-showbiz girlfriend nga si Joan Paraiso, usa ka  negosyante .

Pipila sa  iladong personalidad ang nalakip sa listahan sa  principal sponsors nga naglangkob nila ni Kris Aquino ug  Manny Pacquiao.

Gipili usab niya isip  best man ang susama niya nga singer nga si Jovit Baldivino.Samtang secondary sponsors sila si Bryan Termulo, Bugoy Drilon, Robi Domingo, ug  bridesmaids usab sila si Liezel Garcia, Morisette Amon ug  Saicy Aguila.