Ipatigbabaw ang gugma

CEBU, Philippines – Gitataw ni Ruffa Guttierez nga andam na siya mahigugma og balik, bisan pa man nga dili mosugot ang iyang inahan nga si Annabelle Rama.  Giingong blooming karon ang panagway ni Ruffa gumikan sa lalaki nga ginganlan og Jordan Mouyal.

Vhong moapelar

Gipadayag sa kampo ni Vhong Navarro nga buhaton gyud nila ang tanan aron lang gyud mabalhog hangtud sa kahangturan sila si Deniece Cornejo, Cedric Lee, ug Zimmer Raz. Gikasubo pag-ayo sa aktor ang hukom sa korte nga makapiyansa ang nahisgutang mga tawo. Suma pa ni Vhong nga dili lalim ang iyang nahiaguman human siya gibun-og pag-ayo sa grupo ni Cedric niadtong Enero karong tuiga.

Pasensya na lang Aljur!

Gibalibaran ni Kylie Padilla ang iyang ex-boyfriend nga si Aljur Abrenica kinsa gusto unta makigbalik kaniya. Suma pa sa aktres nga hingpit na niya nga gikalimtan si Aljur ug dili mahimong magkabalik silang duha.

Kasal dugay pa

Gipadayag nila ni Richard Guttierez ug Sarah Lahbati nga madugay pa gyud ang ilang kasal ilabi na karon nga na-enjoy na sila og maayo sa pag-atiman sa ilang anak nga si Zion.

Mrs. Real nakatabang ni Maricel

Gipadayag ni Maricel Soriano nga dako gyud og natabang ang seryeng Ang Dalawang Mrs. Real sa pagbanhaw sa iyang career. Nagtuo si Maricel niadto nga nagkahanap na ang iyang career busa mapasalamaton siya sa GMA-7 nga gihatagan siya og serye nga ni-click karong panahona.

Lima ka buwan

Nangayo og pasaylo si Kris Lawrence sa iyang fans gumikan sa dugay niya nga pag-angkon sa breakup nila ni Katrina Halili. Suma pa ni Kris nga lima na sila ka buwan nga buwag ni Katrina apan gipasalig niya nga dili niya buhian ang iyang responsibilidad sa anak nila sa aktres.

Allen nakadaug sa NY

Si Allen Dizon maoy napili nga Best Actor sa 9th Harlem International Film didto sa  New York City. Nabatyagan ang maayo nga pag-arte ni Allen sa pelikulang Magkakabaung/The Coffin maker .

Bugoy ug Leizl buwag na

Human sa duha ka tuig nga relasyon, nagbuwag na sila si Bugoy Drilon ug Liezl Garcia apan gipaneguro sa duha nga magpabilin gihapon ang ilang panaghigalaay. Suma pa nila nga sa miaging tuig pa sila nga nagkabuwag gumikan kay naabot sa punto nga nahupas ang gugma nila sa usa’g-usa.

Edu mobalik sa ABS-CBN

Mobalik si Edu Manzano sa ABS-CBN apan wala pa niya gibutyag kung kanus-a kini mahitabo. Kasamtangang malantawan si Edu sa Face The People sa TV5.  

Wala pa mahilabti

Tsika pa ni Joross Gamboa nga bisan upat na sila ka tuig nga naglive-in sa iyang girlfriend nga si Kathy Kimberly 'Katz' Saga, wala gyud niya mahilabti ang pagkababaye niini. Buhaton lang niya kini inig ka human sa ilang kasal karong Nobiyembre 29.

Dingdong gihimong rason ni Lovi

Nasagmuyo pag-ayo ang  movie producer nga si Dondon Monteverde sa pagpadayag og  suporta sa  mga sakop sa  Professional Artist Managers, Inc. (PAMI) ngadto sa manager ni Lovi Poe nga si Leo Dominguez.

Kini kalabot sa pag-atake ni Direk Erik Matti kang Lovi kinsa niatras sa sequel sa Tiktik: The Aswang Chronicles.

Nakugang pag-ayo si Dondon sa statement sa PAMI sa pagsuporta niini kang Leo gumikan kay wala sila hatagi og tsansa nga  madungog ang ilang habig.

Dugang pa niya nga tulo ka higayon nga mikumpirmar kaniya si Leo alang sa partisipasyon ni Lovi sa maong  pelikula.

Usa sa gisulti ni Lovi matud pa nga dili siya madayon gumikan kay dili kini komportable nga makatrabaho si Dingdong Dantes.

Giingong imposible kaayo kini sanglit magkauban man sila si Dingdong ug Lovi sa seryeng Ang Dalawang Mrs. Real sa GMA-7, gani katulo sila magkauban sa taping sa usa ka semana.

"I totally respect the opinion of my friend, Erik. What he said may be a bit harsh, but he has every right to his freedom of expression. To some, or to most even, it may be unpopular, but his honest, irreverent burst of anger straight from the heart, is something that I fully respect," suma pa ni Dondon.

Bag-ong lovelife Ai-Ai suportado sa iyang mga anak

Gipadayag ni Ai-Ai delas Alas nga malipayon siya sa relasyon nila sa iyang 20-anyos (dili 22, sama sa unang gikataho) nga boyfriend nga si Gerald Sibayan busa nakadawat siya sa dakong suporta sa iyang mga anak.

"Oo, mga anak ko naman, as long as happy ako, e, happy din sila. Huwag lang niya akong anuhin, alam mo na yun," tsika pa sa komedyanteng aktres ngadto sa PEP.

Matud pa niya nga hinay-hinay niya nga gipasabot ang iyang mga anak sa bag-o niya nga lovelife busa mapasalamaton siya nga nakasabot ra dayon kini sa iyang sitwasyon.

Gipaila-ila na usab ni Ai-Ai si Gerald ngadto sa iyang showbiz friends sa dihang gibitbit niya kini sa 48th birthday party  ni Direk Wenn Deramas niadtong September 13.

Gipaundang sa aktres si Gerald isip badminton player sa DLSU aron maka-focus kini sa iyang pagtungha. Nasayran nga pangandoy ni  Gerald nga mahimong piloto  puhon. Kever lang ang aktres sa obserbasyon sa ubang mga tawo nga matud pa nga mahilig gyud siya nga manglutas.

Kahinumduman nga nakigminyo niadto si Ai-Ai sa 29 anyos nga si Jed Salang apan nagkabuwag ra usab dayon.

"Okey na sa mas bata, kesa naman sa may asawa. O, 'di ba, naninira ng pamilya! "Ayoko nung matanda na may asawa. Saka hiwalay, 'tapos may mga anak pa! Napakakumplikado!," suma pa sa komedyanteng aktres.

Paolo na-mild stroke

Gidala sa tambalanan sa Marikina City ang  Eat Bulaga! host nga si  Paolo Ballesteros niadtong Lunes sa gabii  human kini na-mild stroke .

Gikatahong naghambin si Paolo og hypertension busa dali kini nga gidala sa Marikina Valley Medical Center ug dali niya nga gipaambit ang iyang hulagway sa iyang Instagram account.

Gi-post niya  ang photo collage kung diin gitaoran ang iyang kamot og  dextrose ug duna kini caption nga, "Staying in tonight. Marikina Valley Medical Center. hyper tension daw. transient schemic attack. mild stroke pero hindi naman nagprogress. salamat naman. doing some lab tests tomorrow. 200 ang bp antandaaa ko na!! hehe. feeling better now. Thanks @doryisbabe @eatbulagaselfie@joelrelleve@yayin_120 3@chiquitita03@zhukini#dietpagow #bangkokpillspahihistopmuna #vicemayorcadiz".