Echo ipares ni Mercedes

CEBU, Philippines – Maka-partner ni Jericho Rosales si Mercedes Cabral sa pelikulang Red. Usa kini ka entry sa Cinema One Originals 2014. Pipila sa mga eksena niini himuon didto sa  Bacolod City.

Bag-ong suitor ni Kris

Usa matud pa ka Filipino-Chinese businessman ang 52 anyos nga nidiskarte karon kang Kris Aquino. Wala pa nitingog si Kris kalabot sa maong report.

Edu mitambag kang Ronnie

Gitambagan ni Edu Manzano si Ronnie Ricketts nga mokanaug na lang sa iyang puwesto isip chairman sa Optical Media Board (OMB) gumikan kay nalapas na kini sa iyang termino. Kahinumduman nga nakadawat og hulga sa kinabuhi si Edu ug nagtoo siya nga gikan kini sa kampo ni Ronnie.

Jen ug Dennis nag-duet

Gipadayag ni Jennylyn Mercado nga hugyaw ang bag-ong album niya sa GMA Records nga After All gumikan kay ka-duet niya ang ex-boyfriend niya nga si Dennis Trillo sa usa mga unod niini.

Disyembre kaslon

Sa ikaduhang semana sa Disyembre kaslon sila si Bianca Gonzales ug JC Intal busa nagpanikad na silang duha niini. Nangita pa ang duha og simbahan kung diin ipahigayon ang seremonya.

Boy giregalohan ni Kris og Hummer

Gihatag ni Kris Aquino ang sakyanan niya nga Hummer ngadto sa co-host niya sa The Buzz nga si Boy Abunda. Gidalit kini ni Kris isip advance birthday gift sa iyang higala ug nagpasalamat usab siya nga maayo na ang kahimtang sa panglawas niini.

Angelica-JM tandem

Mag-uban sa usa ka pelikula sila si Angelica Panganiban ug JM de Guzman nga nag-ulohan og This Thing Called Tadhana.  Usa kini ka romance movie nga kabahin sa Cinema One Originals 2014.

Coco gikagubtan sa Binondo

Nagkagubot og maayo ang mga tawo sa Binondo, Manila niadtong Domingo gumikan sa presensya ni Coco Martin. Gipahigayon sa maong lugar ang shooting sa pelikula sa aktor nga Feng Shui 2.

Janella bida sa OMG

Hatagan og serye si Janella Salvador sa ABS-CBN kung diin siya mismo ang bida. Nag-ulohan og maong serye og OMG. Gikuha ang maong termino  gikan  sa  expression sa mga kabatan-onan karon.

Mag-party  sa prisohan

Magsaulog na si Senador Bong Revilla sa iyang birthday karong September ug una kini nga higayon nga saulogon ang iyang espesyal nga adlaw sulod sa prisohan. Subling giklaro sa senador nga wala siya’y kalabotan sa pork-barrel scam.

Mananaug sa 6th Star Awards for Music

Album Cover of the Year: Hulog Ka ng Langit (Regine Velasquez-Alcasid)

R&B Album of the Year: Spread The Love (Kris Lawrence)

R&B Artist of the Year: Kris Lawrence

Music Video of the Year: The Prayer (Loboc Children's Choir)

New Male Recording Artist of the Year (tie): Richard Yap ug Herbert C

New Female Recording Artist of the Year: Marion Aunor

Novelty Song of the Year: "Cha Cha Dabarkads"

Novelty Album of the Year: Vice Ganda

Novelty Artist of the Year: Vice Ganda

Compilation Album of the Year: The Erik Santos Collection

Revival Album of the Year: The Nightingale Returns (Lani Misalucha)

Dance Album of the Year: Believe (Maja Salvador)

Acoustic Album of the Year: Acoustic Noel (Noel Cabangon)

Male Acoustic Artist of the Year: Noel Cabangon (Acoustic Noel)

Female Acoustic Artist of the Year: Zia Quizon

Rap Album of the Year: Liham at Lihim (Gloc-9)

Rap Artist of the Year: Gloc-9

Rock Album of the Year: Ultra Blessed (Spongecola)

Rock Artist of the Year: Spongecola Pop

Album of the Year:  Expressions (Sarah Geronimo)

Male Pop Artist of the Year: Daniel Padilla

Female Pop Artist of the Year: Angeline Quinto

Concert of the Year: Arise: Gary V 3.0

Male Concert Performer of the Year: Gary Valenciano

Female Concert Performer of the Year: Lea Salonga

Album of the Year: Liham at Lihim (Gloc-9)

Song of the Year: "Help Me Get Over" by Jonalyn Viray

Male Recording Artist of the Year: Gary Valenciano

Female Recording Artist  of the Year: Sarah Geronimo

Duo/ Group Artist of the Year: The Angelos

Jessy Mendiola gilat-an sa netizens!

Gilat-an og pagsaway si Jessy Mendiola sa mga netizen niadtong Domingo gumikan kay palpak matud pa kaayo kini isip co-host atol sa UAAP Cheerdance Competition sa  Smart Araneta Coliseum.

Suma pa sa www.getitfromboy.net si Jessy matud pa ang gideklara nga “The Most Horrible Host in the entire history of any UAAP competition” sa Twitter.

Si Jessy ang co-host ni Boom Gonzalez sa maong event  diin subling nalangkat sa National University (NU) Pep Squad ang korona sa ikaduhang higayon.

Nagpataka matud pa og litok si Jessy, dili mao ang iyang giyawit.

“Nagkalat talaga si Jessy Mendiola,” suma pa sa usa ka netizen.  Nilenggua matud pa si Jessy og, “without further ADIEU.” Nadunggan usab siya nga nagkanayon: “Plakes of Appreciation.”

Hasta ang character actress nga si Yayo Aguila nisaway sab kang Jessy kay nagpataka kini’g yawyaw. Matud ni Yayo nga angayan nga lehitimo unta nga host ang gikuha.

Sa Twitter nagkanayon si Jessy: “I had so much fun hosting UAAP CDC! Pangako, kahit dumugo pa ilong ko katabi si Boom.” Niingon usab siya: Nobody’s perfect after all.”

Uyab ni Ai Ai 22-anyos nga varsity!

Usa na diay matud pa ka tuig ang relasyon nila ni Ai Ai delas Alas ug sa iyang 22-anyos nga badminton player nga taga De La Salle University.

Suma pa sa www.getitfromboy.net, maisip nga “not so new” ang maong relasyon sanglit September o October sa nilabay nga tuig matud pa nagsugod sila si Ai-Ai ug ang 22-anyos nga si Peter Magnaye.

Nasayran nga nag-thanks giving party si Ai Ai niadtong September 8, ug may hulagway nga nikatap diin kauban niya ang mga badminton player sa DLSU. Wala itumbok sa press kinsa gyud ang uyab ni Ai Ai niadtong iyang mga kauban, basta kay naa matud pa didto sa maong hulagway. Apan suma pa sa tinubdan sa www.getitfromboy.net, dayag na matud pa ang maong relasyon sa una pa, sanglit mukuyog usahay si Peter sa mga showbiz functions sa nahisgutan.

Nagdumili gyud si Ai Ai paghingan kinsa iyang uyab, apan nakuykuyan gyud matud pa ang mga detalye kabahin sa lalaki.Buot ni Ai Ai nga ihilom lamang ang relasyon gumikan kay dili na siya gusto og gubot susama sa nahitabo sa nanlabay niyang mga relasyon ug kaminyuon.

Nasayran nga susama ra og edad si Peter sa anak ni Ai Ai nga si Sancho De las Alas. Badminton varsity si Peter sa DLSU ug sakop usab sa Philippine national badminton team.

Trainor ni Ai Ai og badminton si Peter ug kanunay matud pa nga mutan-aw ang komedyana sa mga duwa sa iyang uyab. Sekreto matud pa ang ilang pagka sweet sa usa’g-usa atol sa mga games ni Peter.

Apan sa balita sa www.pep.ph kagahapon, usa ka Gerald Sibayan nga varsity member sa badminton team sa DLSU ang niangkon nga siya maoy ka relasyon sa Comedy Queen. Taod-taod na matud pa ang ilang relasyon ug nagdumili na siya pagluwat og dugang detalye.

Nahinabi sa www.pep.ph si Sibayan pinaagi sa facebook chat. Tubag niini sa pangutana kun uyab ba sila ni Ai Ai: “Opo. God bless you po.”  Kini dihang nag-post kagahapon si Sibayan og hulagway nilang duruha ni Ai Ai pinaagi sa iyang facebook account.

Nasayran nga sports management ang kurso ni Sibayan sa DLSU ug second year pa lamang kini. Siya matud pa maoy star player sa nahisgutang unibersidad sa UAAP badminton.

Si Ai Ai maoy kasamtangang  manager sa varsity team sa maong unibersidad. Karong November 11, ang 50th birthday ni Ai Ai.