Dili title ang giapas

CEBU, Philippines -  Dili importante kang Marian Rivera ang titulo niya isip Primetime Queen sa GMA7. Suma pa niya, titulo lamang kini, mga pulong lamang nga gimugna busa dili kaayo niya hatagan og gibug-aton. Matud niya, ang importante mao ang imong gibuhat ug ang paghatag nimo og gikinahanglang dedikasyon niini.

Crush na Crush

“Everything naman dapat special.” Mao ni pamahayag ni Xian Lim kabahin sa pamaagi niya dihang iyang gihangyo si Kim Chiu aron mamahimong ka-date sa bag-o pa lamang nahuman nga Star Magic.  Pero dili pa gyud matud pa sila uyab ni Kim. Sayud hinuon gyud si Kim niya pa nga na-crush kaayo siya sa dalaga.

Dili makalimtan

Angayan gyud matud pa nga atangan ang pagrampa ni Jake Cuenca sa Bench fashion show karong Biyernes kay siguraduhon gayud matud pa kini niya nga dili malimtan sa publiko, gumikan kay katapusan na niya kining pagrampa sa nahisgutang kalihukan.

Minyo na si Kitkat

Hingpit na nga giangkon sa komedyanang si Kitkat nga lima ka tuig na siya nga minyo, apan didto sila sa America iyang bana gikasal. Sa sinugdanan nagdumili siya pagbutyag niini gumikan kay sexy comedienne matud pa siya ug wala dinhi sa Pilipinas gipahigayon ang kasal. Ang iyang bana mao si Waldy Fabia, igsuon sa celebrity chef nga si Jeremy Fabia.

Malinawon na gyud

Daw naibtan na og tunok si Sarah Lahbati karong panahona sanglit hapsay na matud pa ang iyang career, sukwahi sa nilabay nga mga tuig nga labihan ka gubot. Tsika ni Sarah, aduna matud pa siyay gihimo nga horror movie pagkakaron.

Walay alamag

Walay kasayuran si Richard Gomez unsay plano ni Sharon Cuneta kabahin sa pagbiya niini sa TV5. Wala sab gyud gani matud pa siyay ideya nga mupahawa ang Megastar sa nahisgutang network. Gitakda unta ang duruha nga magpares sa usa ka sitcom, ang Pirated Family, apan nabasura ang maong proyekto.

Yayo James

Excited ang basketbolistang si James Yap nga mubantay sa iyang anak nga si Bimby sa shooting niini sa Praybeyt Benjamin 2. Malingaw matud pa siya sanglit magka-bonding sila ni Bimby. Dili man gud makakuyog usahay si Kris Aquino kang Bimby gumikan kay magkadungan ang ilang shooting sa Feng Shui 2, nga sama sa Benjamin entry sab sa umaabot nga Metro Manila Film Festival.

Drama King

Sa grand launch sa bag-ong primetime teleserye sa GMA7 nga Hiram Na Alaala, gipaila ang usa sa mga bida niini nga si Dennis Trillo isip “Drama King”, apan tataw nga gikiwawan ang nahisgutang aktor. Suma pa niya nga nakalitan matud pa siya niini, apan kay pagbuot man sa network okay na lang niya. Pero wala gyud matud pa siya nag-apas og titulo.

BisChika nga Domingo mga SweetKabutanding! Sa mga muadto karung adlawa sa SM City Cebu para sa audition sa Bet ng Bayan karung alas diyes sa buntag hangtud alas sais sa gabie, mao kini ang labing bag-ong talent search sa inyong Kapuso Network. Goodluck ninyong tanan!

Tungod kay ang kauban ni Ms. Regine Velasquez sa maong show walay lain ang Pambansang Dimples nga si Alden Richards, nakahinumdom ko nga sa unang lugwa ni Alden sa audition dinhi sa Sugbo nga bisan nagkasakit kini go lang gyud siya. Nakahinumdum ko nga pag-abot niya sa Cebu ni derecho dayun siya sa usa laboratory para magpa test sa status sa iyang dugo.

Pinaagi sa among powerful nga talent coordinator nga si Joseph Ann Castaneda ako siyang giabtikay og pamalihug nga ipasuwat ang mga butang nga wala nahibaw-an sa iyang mga fans, infairness bisan not feeling well si Alden nagsuwat gyud kini kay si Joan dunay gitunol nga index card nako. Ga-expect ko nga 12 things we dont know pero lima ra ang iyang gisuwat pero happy na ko nga ipaambit kini kaninyo.