Jessy mitambong sa birthday party ni JM
CEBU, Philippines - Malipayon ang kanhi mag-uyab nga si Jessy Mendiola ug JM de Guzman gumikan kay nagkakita sila og balik dili pa lang dugay.
Gisaulog ni JM sa miaging adlaw ang iyang 26th birthday kung diin imbitado sa iyang party ang suod niya nga mga higala ug usa na niini ang iyang ex-girlfriend nga si Jessy.
Dali nga gi-post sa Instagram sa amahan ni JM nga si Cornelio de Guzman ang subling panagkita sa iyang anak ug sa ex-girlfriend niini.
Nagpasalamat si JM kang Jessy gumikan kay wala gyud pakyasa sa aktres ang iyang imbitasyon.
Samtang malipayon si Jessy alang kang JM gumikan kay hingpit na gyud nga nabanhaw ang showbiz career niini. Kahinumduman nga nawala si JM sa showbiz sulod sa taas nga panahon human kini nadaot sa pagamit og ilegal nga drugas.
"Basta masaya ako na nakabalik na siya kasi matagal na naming sinasabi na sana makabalik na siya and now that all is well huwag na lang natin balikan yung mga tapos na," suma pa ni Jessy.
News personalities sa GMA gipasidunggan
Gipasidunggan sa Federation of Philippine Industries, Inc. (FPI) ang mga ilado nga mga personalidad sa news department sa GMA-7 nga sila si Mike Enriquez, Mel Tiangco, Jessica Soho ug Arnold Clavio .
Ang FPI mipasidungog sa maong mga personalidad gumikan sa ilang kontribusyon sa paghatud sa mga importanteng impormasyon ngadto sa publiko ug gi-edukar usab niini ang masa pinaagi sa patas nga pamaagi.
"Lalo lang iigting ang ating pakikipag-ugnayan at pakikipagtulungan sa mga grupong katulad nito na walang tigil, walang pagod at walang katakot-takot na lumalaban sa anti-smuggling dahil tayo ay galit sa illegal. Kaya kasama natin ang FPI at iba pang grupo at sektor tulad nila, iyong mga gumagawa ng illegal, di namin sila tatantanan," saysay pa sa news anchor sa 24 Oras nga si Mike.
- Latest