Abs Abs Baby…

CEBU, Philippines - Tungod sa kadaghan nga mga lamiang pagkaon nga nanggawas karon dili kalikayan nga atong gi- ampingang abs ug slim nga tiyan mawala sa porma. Ma-apektuhan usab ang kahimsug sa atong lawas.

Busa ania'y walo ka butang o mga tambag nga imong pwedeng buhaton aron malikayan ang kaguba-on sa atong gi-ampingang porma sa lawas, o sa laktod pagstorya mga bilbil sa atong lawas:

1. Himuang habbit ang pag-inom og lemon juice matag adlaw. Mao kini ang labing epektibong makapahilis sa bilbil sa atong tiyan. Makatabang usab kini sa pagpaspas sa imong metabolism.

2. Kung gusto nimong daling mawagtang ang imong bilbil, ayaw pagkaon og puti nga kan-on, mas mayo mga wheat, sama sa brown rice, brown bread, whole grains, oats ug quinoa.

3. Kung mahimo likayan gyud ang mga pagkaon ug ilimnong matam-is tungod kay kini ang hinungdan sa pagkabug-at sa imong timbang ug sa pagpanggawas sa imong bilbil.

4. Inom og tubig matag adlaw, kung mahimo isubra sa napulo ka baso ang gi-inom nga tubig. Ang pag-inom og tubig matag-adlaw mamahimong makapagawas sa mga toxin sa kalawasan ug makapaspas sa metabolism.

5. Bisan pa man dili maayo ang baho sa ahos makatabang kini sa pag-ubos sa timbang ug sa blood circulation sa kalawasan. Busa kaon og hilaw nga ahos ug human niini inom og usa ka basong lemon.

6. Likayi ang mga pagkaon nga non-vegetarian, mao kini ang hinungdan sa pagdako sa timbang.

7. Aron makabaton og maanindot nga porma sa lawas, kaon matag adlaw og prutas nga adunay vitamins, antioxidants ug minerals.

8. Ang pagbutang og mga pangpahalang sa imong pagkaon sama sa cinnamon, ginger ug black pepper nga aduna'y mga bitamina nga makapataas sa insulin resistance ug makapaubos sa sugar sa kalawasan.

Sa pagsunod nimo aning mga tambag, paabuta nga maangkon gyud nimo ang pangandoy nga lawas ug abs. (Frenz Maireen F. Taborada, USJ-R MassComm Intern kinutlo sa ideagezt.com)

Ayaw'g  Paklaro Chong!

Naligas ang dila ni Enchong Dee dihang gibato niining maong pangutana: Ano ang gusto mo sa babae? May specific features ba?" Suma pa sa www.getitfromboy.net , gitubag kini ni Enchong pinaagi sa pag-ingon og: "Well, wala naman specific kung CHINITO or chinita." Dihang nakaamgo nga hayan malain kini pagsabot, nidugang matud pa ang aktor sa pag-ingon: "Ano ba? yuuun.. basta!" Nahitabo matud pa kini dihang nag-promote si Enchong sa iyang single: Chinito Problem, didto sa MOR 101.9 For Life niining bag-ohay lamang.

Retoke ni MJ

Giangkon ni Miss Philippines Universe Mary Jean Lastimosa nga giparetoke niya ang iyang mga ngipon ug gipa-laser niya ang iyang panit aron muhamis, agi’g pagpangandam sa umaabot nga Miss Universe pageant karong December. Suma pa ni Lastimosa sakit matud pa ang proseso, apan iyang giantos ang tanan tungod ug alang sa korona.

Nanguyab na lagi

Giangkon na ni Tom Rodriguez nga nangulitawo siya sa iyang leading lady sa "My Destiny" teleseries sa GMA7, nga si Carla Abellana. Suma pa ni Tom ganahan kaayo siya kang Carla gumikan kay mapaubsanon kini, ug wala’y dautang mga pulong nga gisulti batok sa uban.

Balik Star Magic

Nibalik na si Denise Laurel sa poder sa Star Magic human sa hataas nga higayon nga nagpasakop siya sa ALV Talents ni Arnold Vegafria. Mapasalamaton siya ngadto kang Arnod nga nakasabot matud pa kini sa iyang hukom, tungod ug alang sa iyang kaugmaon ug sa iyang anak nga kinugos sa iyang kanhi manager. Dungan niini, subling nipirma og duha ka tuig nga kontrata si Denise sa ABS-CBN sa nilabay nga adlaw.

Pagbantay Mariel!

Kumpirmado na ang balik reunion sa kanhi manag-uyab ug magka-loveteam nga sila si Vina Morales ug Robin Padilla pinaagi sa Metro Manila Film Festival movie "Bonifacio: Ang Unang Pangulo. Si Vina mismo maoy nibalita niini sa iyang instagram account. Unang nagkauban ang duruha sa "Ang Utol Kong Hudlum niadtong 2001, nga nahimuan og part 2. Katapusan nilang pelikula mao ang "Di Pwedeng Hindi Pwede" niadtong 1999.

Wrong spelling wrong!

Wrong spelling wrong si Kim Chiu sa iyang morning greeting pinaagi sa Twitter adtong Biyernes ug dali kini nga napatik sa www.fashionpulis.com. "Eyebugs" ang gisuwat ni Kim, imbes eye bags.