Alden gikilig

CEBU, Philippines - Bisan pa man nga wala makakita si Alden Richards sa proposal ni Dingdong Dantes ngadto kang Marian Rivera apan gikilig gihapon siya sa dihang nasayod siya niini. "Sobrang nakakakilig! It's about time!" suma pang Alden.

Anne makaanak

Tsika pa ni Anne Curtis nga gusto na niyang makabaton og anak bisan pa man wala pa siya makasal. Suma pa sa aktres nga blessing alang kaniya ang bata.

Joshua miatras

Bisan pa man sa gibati sa kanhi housemate sa Pinoy Big Brother nga si Joshua Garcia ngadto kang Jane Oineza , iyahang gitataw nga wala siya'y plano nga manguyab niini. Suma pa ni Joshua nga wala siya'y plano nga mosulod og relasyon karong panahona. Kahinumduman nga sa dihang naa pa siya sulod sa PBB house, nipadayag kini nga interesado siya manguyab kang Jane apan nausab na ang hangin sa dihang natagak siya sa maong show.

Panghinaut ni Nadine

Gipadayag ni Nadine Lustre nga wala gyud siya magdahom nga magmalampuson ang tandem nila ni James Reid sa big screen kung diin una kini nasuwayan sa pelikula nila niadto nga Diary Ng Panget. Nagmalaumon si Nadine nga mo-click usab ang pelikula nila nga "Talk Back and your Dead" nga kasamtangang gisalida karon sa mga sinehan.

Suportado sa kanhi winners

Nihatag og todo nga suporta ngadto kang Jane Oineza ang mga kanhi mananaug sa Pinoy Big Brother nga sila si Nene Tamayo ug Keanna Reeves. Suma pa sa duha nga makiangayon lang nga si Jane maoy makaangkon sa grand prize gumikan kay gipakita gyud niini kung unsa ang iyang batasan

Lea midawat sa hagit

Gidawat ni Lea Salonga ang "Ice Bucket Challenge" kung diin gihagit usab niya ang mga kauban niya sa "The Voice" nga sila si Sarah Geronimo, Bamboo Manalac ,Apl. De. Ap nga mobuhat usab niini. Lakip usab sa iyang gihagit mao ang kanhi niya ka-loveteam nga si Aga Muhlach. Gibuhat niya kini isip pagtabang sa mga tawo nga adunay ALS o Amyotrophic Lateral Sclerosis.

Kathniel gipangandoy ni Lyca

Usa si Lyca Gairanod sa mga ni-idolo sa "Teen King" Daniel Padilla. Matud pa ni Lyca nga gusto niyang makauban sa usa ka proyekto si Daniel ug si Kathryn Bernardo.  Gipangandoy usab niya nga makatrabaho si Anne Curtis kinsa gihulagway niya nga sintunado og tingog.