Erich-JC movie

CEBU, Philippines - Target karon ni Mother Lily Monteverde sila si Erich Gonzales ug JC de Vera aron maoy magpares sa upcoming movie sa Regal Entertainment. Nabatyagan ni Mother Lily ang chemistry sa duha sa pelikulang Once a Princess.

Derek emosyonal

Nakahilak si Derek Ramsay human sa pagsang-at niya sa iyang affidavit sa Makati City Prosecutor's Office kalabot sa giatubang niya nga kaso nga kalapasan sa Republic Act 9262 (Anti- Violence Against Women and Their Children) nga gipasaka sa iyang   asawa nga si Mary Christine Jolly. Suma pa sa aktor nga dili malikayan nga mahimo siya nga emosyonal gumikan kay seguradong maapektuhan ang anak nila nga si Austin Gabriel.

Mentor ni Juday

Si Ryan Agoncillo may personal tutor karon ni Judy Ann Santos sa pag-host. Suma pa ni Juday nga bilib kaayo siya sa iyang bana busa nakatabang kini kaniya sa pag-host sa bag-ong show sa ABS-CBN nga I Do.

Tak-om una

Nagdumili si Carla Abellana sa paghisgot sa iyang ex-boyfriend nga si Geoff Eigenmann sa nagkadaiya niya nga mga interview karong panahona.  Suma pa ni Carla nga ang promosyon sa pelikula niya nga Somebody to Love maoy iyang gikabisihan karon.

Anne lisod kalimtan

Gipadayag ni Sam Milby nga nakatatak na gyud sa iyang kinabuhi ang iyang ex-girfriend nga si Anne Curtis gumikan sa ka maayong tawo niini. Nagpabilin gihapon ang panaghigalaay sa duha ug makadaghan na nga higayon nagpares silang duha sa mga proyekto.

Sarah nakapiso na pud?

Nitumaw ang mga istorya nga matud pa nakasab-an na pud si Sarah Geronimo sa iyang Mommy Divine gumikan kay nag-standby kini sa dressing room ni Piolo Pascual diin didto sab ang uyab niya nga si Matteo Guidecelli sa ASAP niadtong Domingo. Samtang gihimakak ni Matteo ang maong report.

Nangandam na

Gikatahong nangita karon og balay sila si Bea Alonzo ug Zanjoe Marudo. Giingong pagpangandam na kini sa higayon nga makahukom sila nga magpakasal. 

Ogie nagtukod og talent agency

 Nagtukod si Ogie Alcasid og kaugalingon niya nga talent management agency nga gitawag og The A Team. Tulo na ang iyang gihuptan karon, kini naglangkob nila ni Lara Maigue, Aldrich Talonding, ug ang grupong Q York nga nisalmot niadto sa  Philpop contest.

Nora gipasidunggan sa mga magtutudlo

Gipasidunggan sa mga magtutudlo sa  pampublikong tunghaan si Superstar Nora Aunor isip  "Alagad ng Sining ng Mamamayan" sa Quezon City sa miaging gabii.

Nakahilak og maayo si Nora sa dihang gitunol ang maong award kaniya nga gidalit sa Public School Teachers Association at Alliance of Concerned Teachers.

Wala kapugngi ni Nora ang pagtulo sa iyang mga luha sa dihang dunay mga estudyante  ang nidalit og kanta kaniya ug gihatagan siya og buwak.

"Kaya ako naiyak sapagkat naalala ko nung araw nang nag-aaral pa rin ako. Parang nakita ko yung sarili ko sa kanila," suma pa ni Nora sa dihang nahinabi sa GMA News.

Aduna pu'y presentasyon kung diin gisaysay ang istorya sa kinabuhi ni Nora sa pagsulod pa lamang niini sa showbiz.

Bf ni Rhian 60-anyos?

Nitumaw ang mga hungihong nga matud pa duna na'y bag-ong boyfriend si Rhian Ramos nga nag-edad og 60 anyos.

Suma pa sa tsika nga nasagap sa www.getitfromboy.net nga minyo na ang maong lalaki ug duna kini upat ka mga anak.

Usa sa anak sa maong lalaki ang giingong ka-edad ra ni Rhian. Suma pa nga architect ang maong lalaki , gani mao kini nagpagama og balay sa lain pud nga aktres nga  usa ka Kapamilya star nga kasamtangan makita karon sa usa ka serye.

Giingong nagkaila si Rhian ug ang maong 60- anyos nga lalaki atol sa usa ka event didto sa  Clark, Pampanga.

Kanunay nga masigpatan ang duha nga mag-uban sa pagpangaon ug pipila sa ilang hulagway ang matud pa nagbandera na sa social media platforms. Katapusang nauyab ni Rhian mao ang aktor nga si KC Montero.

Marian magpabunyag og balik

Gibutyag ni Marian Rivera nga sa dili pa sila magpakasal ni Dingdong Dantes karong December 30, kinahanglan gyud siya magpabunyag og balik  dinhi sa nasud. Nasayran nga gipanganak ug gibunyagan si Marian didto sa Spain.

Lyca pasok sa Hawak Kamay

Gawas ni Juan Karlos Labajo, malakip usab ang The Voice Kids champion nga si Lyca Gairanod sa seryeng "Hawak Kamay". Nasayran nga nagbaha ang mga proyekto karon ni Lyca . Malakip si Lyca sa concert tour ni Lani Misalucha ug molugwa pud siya sa pelikula ni Vice Ganda nga "Praybeyt Benjamin 2".

Kathryn mikatawa lang

Daghan ang wala kauyon sa mikatap nga hulagway ni Kathryn Bernardo nga naka-underwear. Matud pa nga edited lang ug igo lang gibutang ang nawong ni Kathryn sa hulagway ni Marian Rivera."So, sobrang kinilig pa ako lalo! Pero nakakatuwa lang" nagkatawang reaksyon ni  Kathryn.

Tungod ni Philip

Matud pa ni Ejay Falcon nga nagduhaduha siya sa pag apil sa pelikulang "Sa Ngalan ng Anak" sa dihang nahibaw-an niyang siya mao ang modala isip amahan ni Nash Aguas sa iyang pagkabatan-on. Apan sa dihang nasayran niyang makauban niya si Philip Salvador, dali niyang gidawat ang maong papel.

KZ nagpasuyop sa iyang tambok

Giangkon ni KZ Tandingan nga niagi siya og liposuction diin iya gipatangtang ang sobra nga tambok sa iyang bukton. Dugang usab ni KZ nga iya kining gipatangtang niadto lang Enero. Kahinumdumang si KZ ang midaug sa "The X Factor Philippines sa unang season.

Target ni Acosta

Sila si Dawn Zulueta ug Bea Alonzo ang gipilian ni PAO Chief Atty. Persida Acosta nga maoy modala sa iyang bio-film. Matud pa ni Atty. Persida nga nataypan niya ang duha tungod sa ka maayo moarte niini. 

Inspirasyon ni Enzo

Giangkon ni Enzo Pineda nga non-showbiz ang bag-o niyang inspirasyon karon. Dugang usab ni Enzo nga anaa pa lang sila sa dating stage. "Pero hindi po exclusively dating. Pero definitely masarap sa pakiramdam ang may inspirasyon" suma pa ni Enzo.

Nagbaha ang artista

Star-studded ang birthday party ni Mother Lily Monteverde kinsa nagsaulog sa iyang ika-75 nga adlaw’ng natawhan niadto lang Agosto 19. Sila si Carla Abellana, Dennis Trillo ug uban pang artista ang mitambong sa maong party.

Miunong sa amiga

Masaligon si Judy Ann Santos nga dili moresulta sa pagpakamatay ang depression nga nasinati karon sa higalang si Sharon Cuneta. Kahinumdumang nangayo og pasaylo si Sharon sa iyang fans tungod sa iyang pagpabaya sa iyang kaugalingon nga niresulta sa iyang katambok karon.

Death anniversary

Gisaulog kagahapon ni Kris ang ika-31 nga annibersaryo sa kamatayon sa iyang amahan ug kanhi Senador Benigno "Ninoy" Aquino ug duna gyu'y special segment niini ang programa niya nga Kris TV kung diin gipakanta niya si Kyla og Bayan Ko.