Jane lig-on gyud

CEBU, Philippines - Milihok pag-ayo ang fans club ni Jane Oineza hinungdan nga nagpabilin gihapon kini sa Pinoy Big Brother All-In . Nihatag usab og suporta kaniya ang mga higala niya nga artista. Gumikan niini, dako ang posibilidad nga masulod si Jane sa Big Four sa maong reality show. Wala mosaler ang mga negatibong obserbasyon ngadto kang Jane kung diin usa na niini ang pagpa-cute niya ngadto sa pipila ka male housemates.

Deretsohay sa taping

Mobalik na sa nasud si Christopher de Leon human sa pipila ka adlaw nga pagtikang niya sa San Francisco aron moduaw sa iyang anak nga nasakit. Moderetso na ang aktor sa taping sa seryeng Ikaw Lamang gumikan kay gikinahanglan na nga buhaton ang mga eksena nila ni Amy Austria sa maong serye.

Aljur nakadawat na

Gidawat na ni Aljur Abrenica ang kamatuoran ug nisaysay na lang kini nga andam niya isakripisyo ang iyang showbiz career samtang nagpaabot siya nga ma-expire ang iyang kontrata sa GMA-7 karong 2017.

Tigsangyaw

Si Kongresista Manny Pacquiao maoy nangulo sa bible study sa higayon nga moduaw siya sa napriso niya nga mga higala nga sila si Senador Jinggoy Estrada ug Senador Bong Revilla.

Klaro sa pattern?

Sweet kaayo sa usa’g-usa sila si Thea Tolentino ug ang kauban niya niadto sa Protégé nga si Mikoy Morales. Giingong dugay na nga gitago nila ang ilang relasyon.

LT makabalik na sa trabaho

Nakagawas na si Lorna Tolentino sa Cardinal Memorial Medical Center human nabutangan na og brace ang likod nga bahin sa iyang lawas. Mobalik na usab si LT sa taping sa seryeng My Destiny sa GMA-7. Kahinumduman nga nadakin-as si Lorna sa miaging semana sa dihang nisuroy kini sa Greenhills.

LGBT movie

Gikatakdang mogama og pelikula sila si Aiza Seguerra ug Liza Diño alang sa LGBT (Lesbian, Gay, Bisexual, and Transgender) community. Tipik sa kita sa concert nila sa Music Museum, gikatakda nila nga igahin sa maong proyekto.

Enchong ug Pokwang sa MMK

Sila si Enchong Dee ug Pokwang maoy mga bida ugma sa gabii sa programang Maalaala Mo Kaya kung diin modala sila sa role nga mag-inahan ug anak. Malantawan matud pa ang nagbaha nila nga hinilakay nga eksena sa maong episode.

Joseph nangandam

Gipadayag ni Joseph Marco nga andam siya sa posibilidad nga ma-develop ngadto sa co-star niya sa seryeng Pure Love nga si Alex Gonzaga. Suma pa ni Joseph nga susama sila nga single busa okay lang kaniya nga mabihag ang iyang kasingkasing ngadto sa aktres.  

Daniel gilangaw sa Subic

Giingong wala mapuno ang concert ni Daniel Padilla didto sa Subic. Ang taho nagkanayon nga sa 4,000 nga seating capacity sa venue, 500 ra ang nagamit niini. Nakugang ang mga organizer sa maong concert ug gipanghatag na lang matud pa ang ticket aron lang gyud dunay manan-aw sa maong show.

Valerie mikumbinser sa anak

Gipadayag ni Valerie Concepcion nga dili gusto ang iyang anak nga makakita sa iyang amahan sa personal.  “And then, I told her, ‘You know what, kahit naman bali-baligtarin natin ang mundo, siya pa rin ang tatay mo. And we have to accept  and respect that" suma pa ni Valerie.

Jerome mitin-aw sa isyu

Gihimakak ni Jerome Ponce ang report nga matud pa gidiskarthehan niya si Janella Salvador kinsa kauban niya sa seryeng "Be Careful With My Heart". Suod lang gyud sila ni Janella ilabi na nga nagdugay sa telebisyon ang maong serye.

Ikaw na gyud Coco!

Nagbaha ang nadawat nga mga pasidungog  karon ni Coco Martin kinsa nidaug isip Male Showbiz Icon of the Year sa 2nd Philippine Edition sa Icons of Year 2014 ug Best Television Drama Actor sa 4th Eduk Circle Award.

Tungod sa video

Tsika pa ni Regine Velasquez ug Ogie Alcasid  nga nakatabang pag-ayo ang video nga "Baby can Talk, Baby can Read" ngadto sa ilang anak nga si Nate busa maayo na kini nga moistorya ug kahibalo pa gyud kini mobasa.

Kim nagpasalamat ni Kuya

Nagpasalamat si Kim Chiu ni Big Brother sa kalamposan sa iyang career karon. Gipadayag niya kini sa dihang niduaw siya sa PBB house sa miaging adlaw. Kahinumduman nga nahimong big winner si Kim sa labing una nga teen edition sa PBB. (Frenz Maireen F. Taborada)

Wala mag-away, busy lang

Gibasura ni Kapamilya ‘teen queen’ Kathryn Bernardo ang intriga nga nag-away sila ug iyang bestfriend nga si Miles Ocampo sanglit wala na matud pa silay mga hulagway nga gi-upload sa ilang social media accounts diin nagkuyog sila.

Sa balita sa www.yahoo.com, giklaro ni Kathryn nga busy lamang sila ug walay dili maayong pagsinabtanay tali kanila.

 “Feeling ko kasi, akala lang ng mga tao iyon kasi hindi kami masyado nagkikita. Kasi nga nag-school siya, tapos meron siyang “Home Sweetie Home,” “LUV U.”  Busy siya and busy din ako,” nagkanayon siya.

Suma pa ni Kathryn gipasagdan na lamang nila ang maong intriga sanglit nasayud sila sa kamatuoran.

“Actually kahit hindi naman namin pag-usapan, nakikita ko naman sa Twitter. Pero hindi naman namin pinapansin kasi alam naman naming hindi totoo,” dugang pa niya.

Gihimong sanglitanan ni Kathryn ang dili sab kanunay nila nga panagkita ug panag-uban ni Julia Montes apan wala matud pa sila mag-away. Busy lamang gyud matud pa silang duruha.

 “Kapag may time naman, we make sure na bigyan namin ng time ang isa’t isa. Pero wala kaming away.”

Dungan niini, nikomentaryo sab si Kathryn kabahin sa panag-anggid matud pa nila og dagway sa bida sa “Talk Back and You’re Dead” star Nadine Lustre.

“Of course, kapag sinasabihan ka na may kamukha ka, nakakatuwa naman. Pero for me kasi, si Nadine mas matanda din sa akin ng two years. Siguro may mga angles na kamukha ko siya. Wala namang issue sa akin kasi kapag nakikita ko siya sa screen, very pretty, very charming.”

Sharon nag-sorry kay tambok!

Nangayo og pasaylo ang  aktres nga si Sharon Cuneta ngadto sa iyang  fans gumikan kay gipasagdaan lang niya og maayo ang iyang kaugalingon nga miresulta na hinuon sa iyang pagkatambok.

  "I feel that I have let you down. I let myself go, I allowed myself to get fat and stay fat," mensahe pa ni Sharon nga gi-post niya  sa iyang Facebook account.

   Suma pa sa megastar nga usa sa rason nga napasagdan niya ang iyang kaugalingon mao ang pagkawalay gana niya aron mamintinar ang kakusog sa iyang career.

   Kini resulta sa pagpunting sa iyang atensyon sa personal niya nga kinabuhi ug sa pag-atiman sa iyang mga anak ug pamilya.

"I feel that I had lost that 'hunger' to be on top of my industry, maybe because I finally had a peaceful home and a loving family and focused on my children so much," dugang pa ni Sharon.

  Niabot usab ang panahon nga naglagot si Sharon sa iyang hitsura nga mingresulta sa iyang pagkasapoton.

"And each time I rebelled, often offending other people by being inconsiderate of their time and all else that I used to respect in and about them, I just felt worse and worse about myself,” matud pa ni Sharon.

  Gipaneguro hinuon ni Sharon nga mobalik na siya sa normal ug gusto niya nga magpositibo ang panglantaw sa iyang kinabuhi. (Sanden J. Anadia)

Bulawanong pulong

Nitikang si Kristoffer Martin sa Cavite dili pa lang dugay ug nidalit  siya og inspirational talk alang sa  youth leaders sa maong dapit. Ang maong kalihukan gitawag og General Trias Youth Leaders Summit .

Zoren nasagmuyo sa BIR

Gibutyag ni Zoren Legaspi nga nasagmuyo siya pag-ayo sa Bureau of Internal Revenue ug kini adunay kalabotan sa giatubang niya nga tax evasion case.

Nagdumili si Zoren sa paghatag og lapad nga detalye sa iyang kasagmuyo sa maong ahensya apan gitataw niya nga dili kini  patas .

"Actually masama ang loob ko.Ayaw ko lang mag-elaborate kung bakit dahil wala din namang mangyayari pero inaayos namin 'yun ngayon. Pero unfair talaga,” suma pa ni Zoren.

Giklaro usab ni Zoren nga wala siya nangayo og tabang ngadto sa iyang mga ninang nga sila si Kris Aquino ug Senator Grace Poe gumikan kay nasayod siya nga wala siya’y gibuhat nga dautan.

Kahinumduman nga nag-atubang og tax evasion case si Zoren sa BIR gumikan sa pakyas nga pagbayad niini sa minilyon niini nga buhis. Una na nga giklaro niini nga andam siya mobayad sa iyang mga obligasyon ug wala niya tuyoa kung duna man gani siya’y sayop nga nabuhat. (BANAT NEWS)