Forevermore cast

CEBU, Philippines- Pasok sa cast sa TV remake sa pelikulang “Forevermore” sila si Kit Thompson, Sofia Andres, Marissa Delgado, Lilet, Joey Marquez ug Zoren Legazpi. Nag-story conference na kagahapon alang niining maong proyekto. Bida niini ang bag-ong loveteam nga giluto sa ABS-CBN nga ila ni Enrique Gil ug Liza Soberano. Ang “Forevermore” box-office hit movie nila ni Kristine Hermosa ug Jericho Rosales kaniadto.

Sunod Tuig pa ang “Pangako”

Una diay unta matud pa nga giplano sa ABS-CBN management nga sila si Liza Soberano ug Enrique Gil maoy pahimuon pag-usab sa classic  series nga “Pangako Sa’yo” nila ni Jericho Rosales ug Kristine Hermosa, apan gumikan  kay box-office hit man ang pelikulang “She’s Dating The Gangster” gihatag na kini ngadto nila ni Daniel Padilla ug Kathryn Bernardo. Hinuon sunod tuig pa matud pa kini mulugwa sanglit busy kaayo ang “KathNiel” ug may daghan pang asikasuhon alang sa remake.

Nagbaha ang projects

Bisan pa man nga wala makadaug isip Best Actor si Dennis Trillo sa Cinemalaya alang  sa pelikulang “The Janitor” apan gisuwerte gihapon ang aktor  gumikan kay nagpusotpusot ang iyang mga proyekto karon. Si Dennis ang bida sa  seryeng “Sa Puso ni Dok” ug “Hiram na Alaala” sa GMA-7.

Masuod sa pamilya

Tsika pa ni Sylvia Sanchez nga gusto niya nga masuod sa iyang pamilya kung makauyab na ang iyang anak nga si Arjo Atayde. “Ayoko ng maldita kasi kung kalaban ko, wala. Hell ang buhay ng anak ko. Hell ang buhay nilang dalawa, ‘di ba?” suma pa ni Sylvia.

Gibugalbugalan

Giangkon ni Juan Karlos Labajo nga sa wala pa siya midaug isip runner-up sa “The Voice Kids”,  nakasinati na siya og pagbugabugal sa ubang mga tawo gumikan sa iyang hitsura nga puti kaayo ug dunay uban nga moingon nga dili siya pure Pinoy.

Dongyan gipikhan sa netizens

Gisaway sa netizens sila si Dingdong Dantes ug Marian Rivera tungod sa titulo nga   “The Royale Couple”. “Parang weird lang na self-proclaimed Royal  Couple sila na wala naman box office movies and teleseryes si Marian”, matud pa sa usa ka netizen.

Kiko nakahilak

Emosyonal si Kiko Estrada sa dihang nasayran niyang malakip siya sa umaabot nga serye sa GMA nga “Strawberry Lane”. Gikan sa ABS-CBN si Kiko apan gilangaw ang iyang career sa maong network hinungdan nga nibalhin siya sa GMA-7.