Lyca ang grand winner

CEBU, Philippines- Ang  “little superstar” nga si Lyca Gairanod maoy grandwinner  sa  “The Voice Kids”.   Misunod usab kang Lyca nga naa sa ikaduhang puwesto mao ang kauban niya sa Team Sarah (Geronimo) nga si Darren Espanto. Samtang nahimutang sa ikatulong puwesto mao si Juan Karlos Labajo gikan sa Team Kawayan (Bamboo). Nahimutang usab sa ikaupat nga puwesto mao si Darlene Vibares sa Team Lea Salonga.

Pacman mikatawa lang

Igo na lang mikatawa si Manny Pacquiao sa parody video sa Canadian Rapper nga si Drake kinsa mi-impersonate kaniya pinaagi sa pagkanta og “Let it go”. “Tumawa na lang ako” suma pa ni Manny atol sa Kapuso Mo Jessica Soho.

Daniel wala malain

Gipadayag ni Daniel Padilla nga wala siya malain sa pag-apil sa iyang pangalan sa komento ni Lea Salonga kang Juan Karlos niadtong miaging gabii sa “The Voice Kids.”   Kahinumduman nga nangayo og sorry si Leah sa iyang gibuhat ug giklaro niini nga wala siya’y intensyon nga pasakitan si Daniel. Komentaryo man gud ni Lea mao nga, “Yong mga DJ nay an, wala, sorry, their names will be erased once you get to that age.”

Sarah wala magdahum

Wala magdahum si Sarah Geronimo nga si Lyca Gairanod nga gikan sa iyang team maoy makadaug sa The Voice Kids. Dugang pa ni Sarah  nga namasin usab siya niadto nga si  Darren Espanto  ang modaug apan malipayon gihapon siya sa pagkadaug ni Lyca gumikan kay nagikan usab kini sa iyang team.

Rita nag-usab og imahe

Si Rihanna ang peg ni Rita De Guzman sa bag-o niya nga imahe sa umaabot niya nga album kung diin mature ug sexy siya sa maong proyekto . Nalakip usab si  Rita sa pelikulang “Asintado” ug  kauban niya niini  si Jake Vargas nga  midala isip  iyang boyfriend .

Patrick magminyo na

Malipayong gipaambit ni Patrick Garcia sa iyang instagram account ang video sa pag-propose niya sa iyang non-showbiz girlfriend nga si Nikka Martinez. Si Patrick aduna na’y unang anak kang Jennylyn Mercado nga si Alex Jazz ug nakabaton usab sila ni Nikka og anak nga babaye nga ginganlan og Chelsea.

Ruru nagbasol

Giangkon  ni Ruru Madrid nga nagbasol siya sa dihang  gibalibaran niya ang offer kung diin siya unta ang  bida sa seryeng  Niño sa GMA-7 gumikan kay usa siya ka sakop sa Iglesia Ni Cristo. Masaligon hinuon ang aktor nga makadawat pa siya og daghang proyekto sa iyang mother network. (