Mangatawa ta!

CEBU, Philippines - Hugyaw matud pa ang mahatud sa tawo niining pagkatawa. Suma pa sa gi-post sa Facebook account sa Loving Wellness - Mind and Body , makapaminos sa risgo sa sakit sa kasingkasing ang pagpakatawa. Magsilbi usab kini nga "natural pain killer" ug motabang usab kini sa pagpaubos sa timbang. Makapawala usab sa stress ang pagpakatawa. Nangita ba kamo og produkto nga makahatag og kaayuhan kaninyo? Pwes ania na ang tubag: Baking Soda. (Anden Miles)

Baking Soda Magic

Unsaon? Ania na:

1.Daling makalimpyo sa buhok

Ang Baking Soda daling makatangtang ug makalimpyo sa imong buhok gikan sa mga shampoo, conditioner ug uban pang nga igbutang sa buhok. Hugasi imong buhok pinaagi sa pagbutang og tunga nga tasa sa baking soda ug waswasi kini. Buhata kini kaduha sa usa ka semana.

Kung imong buhok nag-uga lamang gihapon, dungagi og tunga sa tasa nga suka para sa konkoksiyon. Dili maayo ang humot niini, dili  sama sa imung naandang shampoo apan makatabang kini sa pagtangtang sa mga agit-it sa imong buhok.

2.Natural dry shampoo

Sa mga panahon nga wala na kitay oras para maligo ang baking soda makatabang sa pagkuha og agit-it ug oil sa atong buhok. Pagbutang og usa hangtud sa duha ka kutsara nga baking soda sa imong buhok. Pu-onga ug brasi imong buhok aron matangtang ang powder.

3.Face Wash ug makeup remover

Ang baking soda mamahimo usab nga pangtangtang sa mga hugaw sa imong makeup sa imong nawong. Pagbutang og igong powder sa imong palad ug butangi kini gamay nga tubig, himoa nga laputay dayon i-apply sa nawong. Human sa pipila ka minutos waswasi imong nawong og tubig.

4.Baking Soda Bath

Ang baking soda mamahimong ipuli sa atong naandang sabon. Pagbutang og tunga sa tasa nga baking soda sa imong tub ug saguli kini og bugnaw ug init nga tubig. Ihumol imong lawas 15 hangtud sa 30 minutos.

5.  Foot Massage Paste

Dili na nimo kinahanglan pa nga muadto'g parlor ug mubayad sa mga manikyurista para mumasahe sa imong tiil. Kay sa gamay nimo nga gasto, pwedi nimong ma-relax imong mga tiil sa imong balay lamang pinaagi sa paghimo og homemade foot massage paste.

Una, ihumol imong gikapoy nga tiil sa usa ka banyera nga adunay init-init nga tubig, dayon butangi ang tubig og duha hangtod tulo ka kutsara sa baking soda. Dayun butangi sab sa imong paborito nga pahumot ang tubig aron mahatagan ka niini og nindot nga baho ug maka relax ka'g tarong.

Ikaduha, ihumol imong tiil sa 15 hangtod 20 ka minutos. Pagka human sa 15-20 ka minutos, ibagnus imong tiil sa dapit nga adunay problema. Kung mauga na ang baking soda, diha na mangatangtang ang mga kubal-kubal ug patay nga panit.

6.  Tooth Paste (teeth whitener)

Kab'uta ang mala perlas sa kaputi nga ngipon gamit ang baking soda. Ania  ang paagi kung unsaon:

Una, i-mix ang unom ka kutsarita nga baking soda, 1/3 ka kutsarita sa asin, 15 ka tulo sa peppermint or bisan unsa nga matang sa pangpahumot sa ginhawa dayon saguli sab og glycerin.

Pagkahuman og sagol sa mga ingredients, kuhaa imong toothbrush ug makita na nimo ang dako nga kausaban sa kolor sa imong ngipon.

7. Face Mask

Gamit ang usa ka food processor, i-mix ang usa ka putos nga baking soda ug  duha ka putos nga oatmeal ug saguli kini gamay nga honey, dayun butangi og sakto lamang nga tubig nga igo lang makagahi sa mixture sama sa paste. Ibutang ang mixture sa imong nawong ug banlawi kini pagkahuman sa 10 minutos. (Kinutlo gikan sa Health Digezt Facebook Page ug gihubad ni Frenz Maireen F. Taborada ug Christa Mae Velez, USJR Masscomm Intern)