Aljur mulayas sa GMA7, nidangop sa korte!

CEBU, Philippines - Gusto na ni  Aljur Abrenica  nga putlon na sa GMA-7  ang iyang  kontrata sa maong network   busa nitikang kini sa  Quezon City Hall of Justice kagahapon ug niduso og  Judicial Confirmation of Rescission of Contract batok sa  GMA.

Kauban ni Aljur ang iyang legal counsel nga si Atty. Ferdinand Topacio. Gibutyag ni Aljur nga wala mahatagi og gibug-aton o importansya ang career nga iyang gusto.

 "At ipinagdarasal ko rin po na pagkatapos po nito ay magkaroon pa din po ng magandang relasyon ang dalawang panig, dahil hindi ko po makakalimutan ang pinagsamahan namin," suma pa ni Ajur.

Suma pa sa aktor nga usa ka tuig na niya nga gihunahuna ang maong desisyon ug iyang gibuhat ang tanan aron lang gyud masulbad ang problema.

Molungtad pa sa 2017 ang kontrata ni Aljur sa GMA apan giklaro sa aktor nga wala'y offer kaniya ang laing network.

"Di na po nag-aakma, nagtutugma ang direksiyon na gusto nila para sa akin at direksiyon na gusto kong puntahan para sa career ko," dugang pa sa aktor.

Nagmalaumon hinuon ang kampo ni Aljur nga dunay mahitabong "fruitful dialogue" ang  GMA kalabot niini.

Dunay tinubdan sa  PEP.ph (Philippine Entertainment Portal) nga nagkanayon nga nawala matud pa ang kontrata ni Aljur sa Bench gumikan sa kapalpakan sa  GMA Artist Center.

"He's being made to sing naughty songs and puro kalaswaan na ang pinapagawa sa kanya sa soap," suma pa sa source sa PEP.

Samtang ang GMA Network padayon nga nagpaabot sa kopya sa reklamo ni Aljur ug ilaha kining tun-an busa maglisod pa sila og hatag og komento kalabot niini.

Meg nauyonan sa ABS-CBN

Dili na matud pa mabangbang ang pag-arte ni Meg Imperial sa seryeng Moon of Desire. Suma pa nga nilambo na gyud ang pag-arte ni Meg busa dili gyud magduhaduha ang ABS-CBN sa paghatag kaniya og follow-up project.

Jillian kever sa intriga

Giklaro ni Jillian Ward nga friends sila ni Ryzza Mae Dizon busa wala niya tagda ang mga intriga nga matud pa nagkahupas na ang iyang career. "Hindi ko po yun pinapansin, " suma pa ni Jillian.

Kusog nga sagpa

Nakatilaw matud pa og sipa nga sagpa si Dingdong Dantes gikan kang Maricel Soriano sa dihang gibuhat nila ang usa ka eksena sa seryeng "Ang Dalawang Mrs. Real". Wala hinuon manumbaling si Dingdong niini gumikan kay parte na man kini sa trabaho.

Maayo gyud mosayaw

Gipadayag ni Rayver Cruz nga bisan unsaon, dili gyud siya makabiya sa pagsayaw ug usa kini sa iyang gipanghambog nga talento. Mapasalamaton si Rayver sa ASAP gumikan kay gihatagan gihapon siya og luna nga modalit sa iyang talento.

Dumot ang peg?

Gawas kang Billy Crawford, dili pud interesado si Nikki Gil nga makauban si Coleen Garcia sa usa ka proyekto. Una na nga gipadayag ni Nikki nga dili sila close ni Coleen hinungdan nga wala siya motagad niini sa dihang nagkaabot sila sa usa ka event sa Subic. 

Heart nasagmuyo sa iyang role

Gipadayag ni Heart Evangelista wala kaayo siya mahimuot sa iyang role sa pelikulang Trophy Wife.

Suma pa sa aktres nga simple ra kaayo ang iyang role ug naa ra gyud kang Cristine Reyes ang dakong bahin sa istorya.

"Simple lang yung role ko.It was actually moment talaga ni Cristine yung movie.  So, walang masyadong challenge," tsika pa ni Heart ngadto sa PEP.

Suma pa ni Heart nga nausab ang unang konsepto sa partisipasyon niya sa maong pelikula human nausab ang direktor niini.

Si Elwood Perez diay unta ang direktor niini apan gipasa kini ngadto kang  Andoy Ranay.

"Nabago yung unang concept na medyo daring. Tapos nagbago yung direktor namin, so he had a different approach to everything na hindi na namin kailangan ni Cristine na magpakaano dahil moment na niya yun, e. 

"So, siya talaga yung nagpaka-daring, ako hindi," suma pa ni Heart.

Giklaro hinuon ni Heart nga nakadawat ra hinuon siya sa kausaban sa konsepto sa maong pelikula.

Billy miangkon na!

Giangkon na ni Billy Crawford atol sa pagsugod sa programang It's Showtime kagahapon nga opisyal na niya nga uyab ang kauban niya nga host sa maong programa nga si Coleen Garcia.

"Oo, sinagot na niya ako," lenggua pa ni Billy.

Una na nga gidungog nga taud-taud na nila nga gitago ang ilang relasyon.

Manager ang asawa

Mapahiyomong gibutyag ni John Estrada nga ang iyang asawa nga si Priscilla Meirelles maoy nagsilbi karon nga iyang talent manager. Busa dili na angayan kahibudngan kung magbitbit permi si John sa iyang asawa sa mga kalihukan sa showbiz nga iyang tambongan.

Sen. Chiz gipikhan ni Robin

Gipikhan ni Robin Padilla pinaagi sa social media si Senador Chiz Escudero gumikan kay matud pa wala'y kredibilidad ang maong politiko ug kutob lang kini sa pagpa-guwapo. Sa pagsulat niining balitaa, wala pa mohatag og komento si Sen. Chiz kalabot niini.

Taken na si Derek

Gikatahong nagkalawom ang relasyon nila ni Derek Ramsay ug ang iyang non-showbiz girlfriend.  Gahinan gyud kini og oras sa aktor bisan pa man sa iyang ka-busy.

Bag-o ang manager

Nag-ilis na og talent manager si Jaclyn Jose, gikan kang Ed Instrella, gidumala na karon ang akres sa PPL Entertainment ni Perry Lansigan. Walay detalye nganong gihimo kining maong kausaban ni Jaclyn.

JM milugwa sa Gangster

Usa sa nakapaukay sa mga nitan-aw sa She's Dating The Gangster mao ang short appearance ni JM de Guzman. Anam-anam na nga nabanhaw ang career ni JM.

Wala manguyab

 Giklaro ni LJ Reyes nga wala manguyab kaniya si JC de Vera busa dili lang unta hatagan og malisya ang ilang kasuod. Kahinumduman nga natsismis ang duha sa miaging buwan human sila nasigpatan nga nag-uban sa pagpanuroy.

Pangalan mitumaw

Nagdumili si Enchong Dee sa pagsulti sa pangalan sa iyang uyab. Apan dunay nanggawas nga report nga ginganlan matud pa og Sam Lewis ang maong babaye ug usa kini ka modelo. Gusto ni Enchong nga himuong pribado ang relasyon nila sa iyang non-showbiz girlfriend.

Lawas ni JC mi-surrender

Gipadayag ni JC de Vera nga dunay mga higayon nga nalandig siya sa tambalanan gumikan sa over fatigue. Nasayran nga nagsagunson karon ang mga proyekto sa aktor.