Max ug Alden may international movie

CEBU, Philippines - Gisaysay ni Max Collins nga ipakita gyud niya ang todo niya nga pag-arte sa umaabot niya nga pelikula nga Remembering Ada nga himuon didto sa Qatar ubos sa usa ka Doha-based film outfit.

  Suma pa ni Max nga sa Septyimbre pa ang shooting niini busa todo na ang gibuhat niya nga pagpangandam.

"Nagpasalamat po ako kasi ako ang napili sa audition, ang alam ko, marami ang nagpa-audition dito. Ibang Max ang mapapanood nila sa Remembering Ada," tsika pa ni Max ngadto sa mga sakop sa Cebu Entertainment Group (E-Group).

Gisaysay ni Max nga dako usab og natabang sa pagbaid sa iyang pag-arte mao pantaserye niya niadto sa GMA-7 nga Inamorata.

"Maraming salamat po sa mga magagandang feedback na ibinigay ninyo sa Inamorata," mensahe pa ni Max ngadto sa iyang fans.

Gipangandoy usab ni Max nga makaangkon puhon og superhero role gumikan kay makahatag kini og dakong hagit kaniya partikular na sa action scenes.   

Samtang gawas kang Max, malakip usab sa pelikulang Remembering Ada ang laing Kapuso star nga si Alden Richards kinsa naghinam-hinam na sa iyang karakter sa maong pelikula.

"Bale writer po ang role ko, hindi ko pa masabi ang buong detalye, basta abangan n'yo na lang," suma pa ni Alden.

Nagkanayon si Alden nga dakong garbo alang kaniya nga makauban si Max sa maong pelikula sanglit kauban man niya kini sa GMA-7, ug malakip usab niini ang laing Kapuso star nga si LJ Reyes.

Gipadayag ni Alden nga dili angayan masubo ang mga Pinoy gumikan kay ipasalida usab dinhi sa nasud ang maong pelikula.

Nagkanayon si Alden nga gipasigarbo gyud niya ang Remembering Ada gumikan kay Pinay (Max) gyud ang bida niini.

Gibutyag ni Alden nga wala pa'y tataw nga playdate sa maong pelikula ug segurado nga makilig gyud ang motan-aw niini.

Qualification

Gibutyag ni Robin Padilla nga kung dunay bag-ong mangulitawo sa iyang anak nga si Kylie kinahanglang Muslim kini. "Mag-Muslim siya. Pag Muslim siya, wala nang kuwestiyon 'yon," suma pa ni Robin.

MHL sikat sa Vietnam

Mapasalamaton sila si Tom Rodriguez ug Carla Abellana sa init nga pagdawat kanila sa ilang Vietnamese fans sa seryeng "My Husband's Lover". Nasayran nga gisalida karon didto sa Vietnam ang maong serye.

Nagdedmahay

Giklaro ni  Nikki Gil nga wala sila magkaistorya ni  Coleen Garcia sa dihang nagkaabot sila  sa usa ka event sa Subic. Si Coleen ang gidungog karon nga bag-ong uyab ni Billy Crawford kinsa ex-boyfriend ni Nikki.

Cristine mobiya sa pagpa-sexy

Gustong ipakita ni Cristine Reyes nga dili lang siya aktres nga maayo sa sexy roles apan maayo usab siya sa ubang natad sa pag-arte busa gusto niya nga anam-anam na siya nga mobiya sa pagpa-sexy. Nagbaha ang sexy scenes nila ni Cristine ug Derek Ramsay sa pelikulang Trophy Wife.

Bianca nauyonan ni Miguel

"Yung loveteam ko po, si Bianca Umali po," suma pa ni Miguel Tanfelix sa dihang gipangutana siya kung kinsa ang gusto niyang ma ka-loveteam sa umaabot niya nga proyekto. Si Miguel ug si Bianca makita sa seryeng "Niño" matag gabii sa GMA.

Dili lalim

Tsika pa ni Jackie Rice nga malipayon siya nga nalakip siya sa gag show sa GMA-7 nga "Bubble Gang". Giangkon ni Jackie nga lisud ang magpakatawa kaysa sa pag-drama .

Banig balik-entablado

Balik concert stage ang  kanhi Pinoy singing child star nga si Josephine "Banig" Roberto diin gikanta niya ang "Bayan Ko" ug ang bag-o niyang kanta nga "He Wants to get It"  sa usa ka  concert didto sa Clive Davis Theatre sa Los Angeles. Kahinumdumang nisikat si Banig sa dihang nidaug siya sa "International Star Search" diin iyang gipildi si Christina Aguilera.

Komportable gihapon

Gipadayag ni Jennylyn Mercado nga bisan ex-boyfriend niya si Mark Herras , komportable gihapon siya kung mao kini ang iyang kauban. "Yung relationship namin, 'yung friendship namin, solid pa rin. Gusto naming maging role models sa mga love teams na magkakaibigan, sa mga mag-ex na pero friends pa rin talaga kahit ano yung pinagdaanan namin at kahit anong mangyari" suma pa ni Jennylyn .

Muli

Si Lani Misalucha ang mikanta sa theme song sa umaabot nga pelikula nila ni Enchong Dee ug Erich Gonzales nga "Once A Princess". Ang maong kanta nag-ulohan og "Muli".

Kaye ug Carlo sa MMK

Ang istorya sa cancer patient nga gikasal sa iyang girlfriend pipila ka oras sa wala pa siya namatay maoy malantawan sa Maalaala Mo Kaya karong Sabado, July 26.  Bida niini sila si Carlo Aquino ug Kaye Abad.(Frenz Maireen F. Taborada)

Gihatagan og ideya

Gihatagan na ni John Estrada  ang iyang anak nga si Inah og ideya sa sitwasyon sa showbiz aron dili kini makalitan puhon. Nasayran nga nag-artista na si Ina ug una kini nga nilugwa sa   Witch-A-Makulit" episode sa "Wansapanataym."

Dili makabuot

 Gipadayag ni Heart Evangelista nga nakugang siya sa balita nga dunay mga sugyot nga padaganon og taas nga posisyon ang iyang boyfriend nga si Sen Chiz Escudero. Giklaro hinuon sa aktres nga dili siya makabuot sa mga hukom ni Chiz may kalabutan sa politika.

Martin nahilom

Wala pa ideya si Martin del Rosario kung unsa ang iyang follow-up project sa GMA-7.  Katapusang nalantawan ang aktor sa seryeng Rhodora X niadtong Mayo.

Lastikman sa TV

Nagplano matud pa ang ABS-CBN nga himoan og TV version ang Lastikman nga unang gidala niadto ni Vhong Navarro. Kahinumduman nga gihuptan sa ABS-CBN ang rights sa mga sinuwat ni Mars Ravelo, lakip na ang Lastikman.

Nagpaklaro na?

   Ang gidungog nga uyab ni Alessandra de Rossi nga si Sid Lucero maoy special guest sa programa sa aktres nga Basta Every Day Happy. Nagdala kini og buwak ug gihatag niya ngadto kang Alessandra kinsa nagsaulog sa iyang birthday sa nilabay nga adlaw.

Ryza andam na maghubo

Gipadayag ni Ryza Cenon nga andam na siya magpa-sexy atubangan sa camera. Modawat na si Ryza og mga love scene nga iyang gilikayan niadto.

Motagad ni Yassi

Gipadayag ni Andrea Torres nga motagad gyud siya ni Yassi Pressman kung magkasugat sila niini. Suma pa sa aktres nga wala sila'y isyu ni Yassi busa dili siya mauwaw motagad niini. Gihimakak ni Andrea ang taud-taud na nga report nga matud pa siya ang rason sa breakup nila ni Yassi ug Sef Cadayona.

Erich bida sa Ahas

Si Erich Gonzales maoy usa sa mga bida sa pelikulang Shake, Rattle & Roll XV partikular na sa episode nga Ahas.  Una kini nga gitanyag ngadto kang Maja Salvador apan gibalibaran kini sa aktres. Hinuon, dili na bag-o alang kang Erich nga mahimong bida sa horror movie, kahinumduman nga nahimong bida niadto ang aktres sa horror movie nga Corazon: Ang Unang Aswang.

Derek giisnab gihapon sa Dos!

Nabantayan ni Derek Ramsay nga dili pa gyud andam ang ABS-CBN nga motingog kaniya.

Giangkon sa aktor nga nasakitan siya niini ilabi na nga taas siya og respeto sa maong network gumikan kay mao kini ang unang nagpasikat kaniya.

"I've been wanting to talk and reach out, but I guess that's all in time. Obviously, you can see it, they're not ready," tsika pa niya ngadto sa PEP.

Una nga gidungog nga nahiubos ang ABS-CBN kang Derek human kini mibalhin sa TV5 niadtong 2012.

"I came from Channel 2, I have much respect for Channel 2. They built my career, but the decision I have made, 'til this day, I stand with the decision I made. And I feel that I made the right decision and I'm very happy with TV5," dugang pa sa aktor.

Adunay nitumaw nga hungihong nga matud pa dili puwede i-mention ang pangalan ni Derek sa mga trailer sa iyang pelikula nga ipalugwa sa ABS-CBN.

"Well, ayokong isipin na they are doing that to spite me. I'm thinking of it na I'm not a talent of ABS-CBN, so that's the decision that they made," suma pa ni Derek.

Gihimakak usab ni Derek ang obserbasyon sa ubang mga tawo nga nagpatabang siya ni Kris Aquino aron magkauli na ang maayong kabubot-on  nila sa ABS-CBN.

Aljur ug Kylie nagtingog na

Malipayong gipahibalo ni Aljur Abrenica nga okay na ang tinagdan nila sa iyang ex-girlfriend nga si Kylie Padilla ug duna na sila'y komunikasyon niini.

"Yun naman ang importante, e. After every relationship, maging magkaibigan kayo.

"For me kasi, yun ang pinakaimportante," tsika pa ni Aljur ngadto sa Philippine Entertainment Portal.

Gipadaplin lang ni Aljur ang pangutana kung duna ba'y posibilidad nga magkabalik sila ni Kylie.

Gipadayag sa aktor nga gi-enjoy una niya ang iyang kaugalingon isip single busa dili pa siya andam nga mosulod pagbalik og seryosong relasyon.

"Nag-e-enjoy ako na single ako kasi mas nagkaroon ako ng time for the Lord. Nagkaroon ako ng time sa sarili ko and sa co-workers ko. "At the same time, marami rin akong na-discover na mga interest  ko. Tsaka marami pa akong nakikilalang mga tao na nakakatulong sa akin," suma pa sa  Kapuso actor. (BANAT NEWS)