Angel magpaniwang

CEBU, Philippines - Gibutyag ni Angel Locsin nga dili angayan kahibudngan kung mokalit lang siya og kaniwang. Suma pa sa aktres nga kinahanglan nga sexy gyud siya ilabi na nga gipangandaman na niya og sugod ang pelikula niya nga Darna.

Ellen bag-ong Regal baby

Mipirma og kontrata si  Ellen Adarna sa  Regal Films ug puwerting lipaya sa aktres gumikan kay nagpusot-pusot na gyud ang iyang suwerte sa showbiz. Aduna siya'y umaabot nga pelikula kung diin makauban niya ang aktres nga si Maja Salvador.

Heart mihimakak

Gihimakak ni Heart Evangelista ang report nga matud pa nagkasungi sila sa iyang higala nga si Alessandra de Rossi. Una na nga nitumaw ang balita niadto nga nalain si Alessandra human nilenggua si Heart pinaagi sa programang StarTalk nga kinahanglan nga moangkon na si Alessandra sa relasyon nila ni Sid Lucero. "Okay kami," suma pa ni Heart.

Gutierrez madugangan

Madugangan og miyembro ang kabanay nga Gutierrez gumikan kay pipila na lang ka semana gikan karon, manganak na  si Alexa, ang girlfriend sa  former child actor nga si Elvis Gutierrez. Babaye ang gisabak ni Alexa ug naghinam-hinam na pag-ayo ang mga apohan niini nga sila si Eddie Gutierrez ug Annabelle Rama.

Aljur nayayay

Nabalaka na si Aljur Abrenica gumikan kay tulo na ka adlaw ang iyang hilanat. Suma pa sa aktor nga gasige na siya og inom og tambal apan wala gyud kini miipekto.

Jolo misuporta ni Lyca

Mihatag og todo nga suporta si Cavite Vice Governor Jolo Revilla ngadto sa finalist sa The Voice Kids  nga si  Lyca Gairanod gumikan kay iyaha kining konstituwente. Sakop si Lyca sa Team Sarah ug usa kini sa giabibahan og maayo sa audience sa maong show.

Karong tuiga ang concert

Imbes nga sa sunod tuig, himoon karong Nobiyembre 29, 2014 ang concert sa international star nga si Celine Dion dinhi sa Pilipinas. Suma pa nga napuno na ang schedule ni Celine sunod tuig busa himuon na lang karong tuiga ang concert niya dinhi sa nasud.

Istoryahee!

Napuno sa mga pagsaway ang nadawat ni Hayden Kho Jr. gikan sa iyang mga kritiko human siya nilenggua nga friends na lang gyud sila ni Dra. Vicki Belo. Giingong dili kumbinsido ang ubang mga tawo sa gipakita nila nga mga lihok ilabi na nga kanunay sila nga mag-uban sa pagbakasyon sa ubang nasud.

Hagbay ra gahuwat

Gitataw ni Gabby Concepcion nga gaagad ra siya sa producer ug wala'y problema kaniya ang pagbanhaw sa ideya nga mag-uban sila ni Sharon Cuneta sa usa ka pelikula. Suma pa ni Gabby nga hagbay ra siya naghuwat sa script niini.

Dili magdugay

Special guest ra si Pauleen Luna sa seryeng My Destiny sa GMA-7 busa dili magdugay ang karakter niya sa maong serye. Mapasalamaton ang aktres sa iyang mother network gumikan kay wala gyud mabakante ang iyang career.

Jake-Bea movie

Nagplano si Tony Tuviera nga mo-produce og pelikula kung diin bida sila si Jake Vargas ug Bea Binene. Nabatyagan ni Mr. Tuviera nga duna'y daghang followers sila si Jake ug Bea.

Keanna selosa

Dili malikayan nga mogawas ang pagkaselosa ni Keanna Reeves ilabi na nga bagets pa ang iyang boyfriend nga si Kevin Mercado. Giingong kusog gyud ang appeal ni Kevin sa mga kababay-an.

Gab nakugang

Giangkon ni Gab Valenciano nga nakugang siya niadto sa dihang nasayran niya nga nahimong inspirasyon sa higala niya nga si Billy Crawford ang ex-girlfriend niya nga si Coleen Garcia. Giklaro hinuon ni Gab nga malipayon siya alang kang Coleen ug Billy." Pero medyo weird lang talaga," lenggua pa ni Gab.

Andrea: Wala ko nagparetoke!

Gihimakak ni Andrea Torres ang tsika nga matud pa retokada ang iyang boobs . Suma pa sa aktres nga medyo dako lang gyud ang iyang dughan hinungdan nga masaypan siya nga nagparetoke.

Alice motabang sa typhoon victims

Gipa-auction ni Alice Dixson ang usa ka dosena nga kopya sa FHM kung diin siya ang cover girl. Duna kini libreng autograph ug ang kita niini adto niya ihatag sa mga biktima sa Bagyong Glenda nga niigo sa pipila ka mga dapit sa Luzon.

Sandra Seifert ug Cesar nagdate?

Nagpista ang mga followers sa www.fashionpulis.com, gumikan niining hulagway nga na-upload, nga nakapatumaw sa pagduda nga hayan ang kanhi Miss Earth winner nga si Sandra Seifert na karon ang bag-ong ka-relasyon ni Cesar Montano.

Gumikan kini kay managsama ang hulagway nga ilang gi-upload sa ilang tagsa-tagsa ka mga instagram accounts. Ang mga himantayon, abtik kaayong nakaukay sa IG accounts sa mga nahisgutan ug matud pa nagkadungan matud pa ang pag-post sa duruha sa maong hulagway.

May mga netizen pa nga dili mutuo sa gisuwat ni Seifert nga iyang inahan ang kuyog niya didto sa Sonya's Garden kay kadudahan matud pa ang managsama nga hulagway nga gi-upload nila ni Cesar.

Ang Sonya's Garden nahimutang sa Tagaytay, City. Daghang mga celebrity ang mag-date didto gumikan kay nahimutang kini sa suok nga bahin sa siyudad, halayo sa highway ug tuyuon kaayo.

Banda ni Daniel nabungkag na

Mo-focus una sa ilang pag-eskwela ang pipila ka mga sakop sa banda ni Daniel Padilla nga Parking 5 busa kasamtangang giputol ang maong grupo.

Ang Parking 5 gilangkoban nila ni Daniel (bass guitarist), igsoun sa aktor nga si JC (lead vocals) ug mga higala ni Daniel nga sila si  Sed Gothico (lead guitarist), Katsumi Kabe (rhythm guitarist), ug  Lester Giri (drummer).

"Mag-focus muna sa pag-aaral. Pwede naman sila bumalik pag right timing na. Nagbibinata na kasi lahat kaya kanya-kanya na sila ng trip sa buhay. In time, pag ready na sila madali lang ibalik. Aral na muna," tsika pa ni Karla ngadto sa push.com.

Busy usab karon si Daniel sa promosyon sa pelikula nila ni Kathryn Bernardo nga She's Dating The Gangster nga gilinyahan pag-ayo karon sa mga sinehan.

Diva In A Dozen

Dili na gyud mabangbang ang abilidad sa Sugbuanong aktres nga si Diva Montelaba kung hisgutan ang natad sa pag-arte.

Kasamtangang malantawan ang aktres sa seryeng Ang Dalawang Mrs. Real sa GMA-7.

Gisaysay ni Diva nga dili gyud siya pilian og projects ug usa kini sa rason nga nagsagunson ang iyang mga proyekto sa GMA-7.

Nagsugod si Diva sa reality talent search nga Star Struck ug hangtud nga nabatyagan sa iyang network ang dako niyang potensyal sa pag-arte.

Pipila sa mga programa ni Diva sa GMA niadto naglangkob sa Villa Quintana, Maghihintay Pa Rin, Maynila,  Pahiram ng Sandali, Temptation Of Wife, Aso ni San Roque, Faithfully, Kokak, Ikaw Lang Ang Mamahalin, Time Of My Life, Ina, ug Kasusuklaman Ba Kita?.

Samtang gisaysay ni Diva nga mapasalamaton kaayo siya dinhi sa Banat News Hugyaw gumikan kay gihatagan na siya og luna niini nga mantalaan sa aktibo niya nga pagsalmot niadto og mga indigay nga kaanyag dinhi sa Sugbo.

Nasayran nga na-feature na niadto si Diva dinhi sa Banat News Hugyaw sa wala pa siya nahimong artista.

Dili gyud makalimot si Diva sa mga Sugbuanon gumikan kay wala gyud kini hunong sa pagsuporta sa iyang career.

Pagkakaron, gipili ni Diva nga magpabiling single aron maka-focus siya sa iyang career.

Katapusang nauyab ni Diva mao ang aktor nga si Steven Silva apan giklaro niya nga magtagad gihapon sila niini.

12 FACTS YOU DON'T KNOW ABOUT DIVA

1) Dili ko mokaon og spicy food.

2) Chocolate lover ko.

3) Ganahan ko mag- news reporter.

4) I was a scholar from high school to college.

5) I love champorado most especially with "buwad".

6) I'm a Toni Gonzaga avid fan.

7) I love eating apples with salt.

8) Sensitive ko, hahaha.

9) Romantic Comedy is my favorite genre of movie

10) I love gays. Sobrang napapasaya nila ako. Most of my real friends are gays :)

11)  I still love cartoons. Phineas & Ferb is my favorite.

12)  Sometimes I still talk kung matulog ko ,hahaha.