Nahugyaw ang Guihulngan

Domingo na usab mga SweetKaButanding! Usa na pud ka BisChika ang atong saw-an karung adlawa. Unang higayun intawon nako nga nakaadto sa Guihulngan City dili para morampa apan para sa usa ka raket. Nakigsaulog ang Kapuso Network sa ilang ikaupat nga Charter Day kung diin first time usab namo nga nahimo kaming partner karung tuiga para sa ilang dako kaayong selebrasyon. Gihatod sa GMA Network, ang usa ka pasundayag nga puno sa pakatawa ug kilig para sa mga Guihulnganon.

Tungod kay sa Dumaguete City ang among homebase mobiyahe pa kami og mga tulo ka oras padung sa City of Guihulngan, pero tungod sa ka excited namong tanan go lang go! Kay nag-una man ang akong beauty kauban si ate Beth Bustillo, Rachelle Sindo, Fedencio Gonzales ug Kuya Billy didto mi gidala sa among mga gigutom nga tiyan sa Mama's Choice Refreshment nga ang mga pagkaon pagkalamia naman lang gyud! With homemade pizza, polvoron, halo halo with ice cream on the top. Pwede matulog na lang pagkahuman? Hahahaha... For the very warm accommodation nga gihatag nila sa among team ganahan ko mobalik puhon.

Balik sa among Kapuso Show, sa wala pa nilugwa ang mga Kapuso stars ang inyong Pambansang Mother Butanding usa ang nilingaw sa mga nisaksi pinaagi sa mga duwa. Pagkahuman sa mga pasiaw ug pakatawa, unang nilugwa ang gwapa ug talented actress ang Primetime Princess... Kris Bernal nga bisan galain ang lawas game kini nga nikanta ug nisayaw. Wala niya panumbalinga ang kasakit slight sa iyang tiyan, maayo na lang nakainom kini og tambal. Nanaug pa kini sa stage ug giadto ang mga fans. Pagkahuman nisunod ang Asia's Pop Idol Christian Bautista nga mas doble ang hugyaw sa mga Guihulnganon paglugwa ni Christian. Alangan noh aside from the fact nga gwapo si Christian ang iyang mga kanta maka inloveeeee!!!! Dunay nisaka on stage nga girl nga murag matunaw sa tinutukay nilang Christian, apan grabe ang pa-girl kay halos mokapyot na ni Christian ug Best in Selfieee si ateetch... Mao nga ang singgit ug katawa nag-abot ug ang mga gipangkilig nagbaha. O di ba bongga?

Mao nga naHugyaw akong beauty kay pag uli na pabalik sa Dumaguete didto ko gipasakay sa service van sa mga artista ug kahibalo namo unsay talent nako? Layo ang biyahe, gikapoy human sa show, gigutom slight, matulog! Pero unsaon ang akong ala concert nga hagok? Ang ending gasiga akong mata ug akong gisiguro nga di ko makatulog.hahahaha! 

Salamat sa mga Kapusong Guihulnganon sa Negros Oriental maghinaut kami nga dili pa lang kato ang katapusan natong panagkita apan sinugdanan pa lang!

Tan-aw og Buenamano Balita 6:15am sa GMA7 and you can follow mi sa facebook/ instagram/ twitter pangitaa lang akong name : yoriestorm