Sexy Rachelle

CEBU, Philippines - Hilabihang seksi ni Rachelle Anne Go sa iyang gisul-ob para sa karakter niya isip "Gigi" nga usa ka Saigon bar girl nga iyang papel sa musical show nga "Miss Saigon". Kini human gipakita ang opisyal nga trailer sa maong musical. Kauban usab ni Rachelle sa maong show sila si Eva Noblezada ug Jon Jon Briones kinsa mga Pinoy ra sab.

Balik na si Tim

Makita na pagbalik ang "The Tim Yap Show" sa ika-upat niini nga season nga makita sa GMA diin mahinabi ni Tim Yap ang it-girl, model nga si Georgina Wilson sa pilot episode niini karong Lunes Hulyo 21.

Wa makugang

Matud pa ni Chariz Solomon nga wala siya masurpresa sa pagbutyag sa sekswalidad sa igsoon niyang si Fifth Pagotan kinsa miangkon nga bisexual siya sa episode sa PBB niadto lang miaging gabii.

Pareson sila

"I think they're good together. They're good for each other" suma pa ni Marlon Stockinger sa dihang gipangutana siya kabahin sa relasyon sa iyang suod nga higalang si Matteo Guidicelli ngadto ni Pop Star Princess Sarah Geronimo.

Sundawo si Dennis

Usa ka sundalo ang papel ni Dennis Trillo sa umaabot niya nga serye nga giulohan og "Hiram na Alaala". Matud pa ni Dennis nga pangandoy gyud ni niya nga karakter. Kauban usab ni Dennis sa maong serye sila si Rocco Nacino, Kris Bernal ug Lauren Young.

Kapamilya gihapon

Magpabilin gihapong Kapamilya si Richard Yap kinsa nailhan sa kadaghanan isip Ser Chief sa "Please Be Careful With My Heart".  Subli kining mipirma og kontrata kauban si Cory Vidanes ug Laurenti Dyogi. Unang nakita si Richard sa seryeng "My Binondo Girl" niadtong 2011.

Once a Princess

Migawas na ang labing unang trailer sa umaabot nga pelikulang "Once a Princess" nga gibidahan nila ni Enchong Dee ug Erich Gonzales, magsilbing reunion sa duruha. Kauban usab nila sa pelikula sila si JC de Vera ug Matt Evans.

Bayot nga General

"Puwede. General na gay? Kahit ano, puwede ako," suma pa ni Roi Vinzon kinsa nailhan sa kadaghanan isip maayo mugunit og mga kontrabida roles sa mga serye sa GMA sama sa "My Husband's Lover" kinsa siya midala isip si General Armando Soriano. Dugang usab ni Roi nga gusto niyang makasulay og laing karakter.

Sikat sa Vietnam

Atoa si Carla Abellana ug Tom Rodriguez sa Vietnam aron i-promote ang serye nilang "My Husband's Lover" nga gipasalida ngadto karon. Kauban usab sa duha si Jonalyn Viray aron i-promote usab ang iyang bag-ong kanta ngadto sa iyang Vietnamese fans.

Hit musical

Mobida si Nikki Gil sa sikat nga US musical nga gi-ulohan og “The Last Five Years". Mao kini ang ikatulong show ni Nikki human sa "Sweet Charity, They're Playing Our Song ug Legally Blonde". Ang maong musical magsugod karong Agosto 9 hangtud sa 31.