Julia mitambag ni Dominique
CEBU, Philippines - Gitambagan ni Julia Barretto ang iyang ig-agaw nga si Dominique Cojuangco nga kinahanglan nga magkat-on og Tagalog aron molambo ang showbiz career niini. Matud pa ni Julia nga todo suporta siya sa career sa iyang ig-agaw.
Bernice mipyansa
Nakapyansa na si Bernice Lee kagahapon og P12,000 sa Taguig Regional Trial Court (RTC). Kini kalabot sa giatubang niya nga kasong grave coercion nga gipasaka ni Vhong Navarro batok kaniya. Kahinumduman nga gisikop si Bernice sa mga sakop sa National Bureau of Investigation niadtong Lunes sa gabii didto sa panimalay niini sa West Greenhills, San Juan, Quezon City.
Korean series ang tirada
Gigahinan gyud ni Diva Montelaba og oras ang paglantaw sa Korean series nga "My Love From Another Star". Bida sa maong serye sila si Cheon Song Yi ug Do Min Joon.
Pahiyom ni Coco
Gipadayag ni Sarah Geronimo nga lahi ra gyud ang pahiyom ni Coco Martin ug usa kini sa asset sa aktor. Si Coco maoy leading man ni Sarah sa umaabot nga pelikula sa Star Cinema nga Maybe This Time.
Mag-enjoy sa kinabuhing minyo
Gipadayag ni Bianca Gonzales nga sa higayon nga makasal na sila ni JC Intal karong Disyembre, dili pa siya andam nga makabaton dayon og anak gumikan kay gusto niya mag-enjoy una sa ilang kaminyoon sulod sa pipila ka mga buwan.
Motagad gihapon
Gitataw ni Xian Lim nga higala sila ni Gerald Anderson busa wala’y rason nga dili siya motagad niini. Gibutyag kini ni Xian human siya gipangutana kung motagad ba siya o dili ni Gerald kinsa ex-boyfriend sa rumored girlfriend niya nga si Kim Chiu.
“I Heart Youâ€
Gikatakdang i-release na sa dili madugay ang ikatulong album ni Daniel Padilla nga nag-ulohan og “I Heart Youâ€. Pipila sa mga unod niini naglangkob sa "Sana S'ya Na," "With A Smile," "Ewan," "Everything," "Sa Aking Piling," "It Might Be You," "Langit Na Naman," "Walang Iba," "In My Life," ug "Next In Line."
D Possessed naka-P40M
Giangkon ni Vhong Navarro nga pipila gyud ka adlaw niya nga gisaulog ang kalampusan sa pelikula nila ni Solenn Heussaff nga Da Possessed nga padayon gihapon nga gilinyahan karon sa mga sinehan. Miabot na ngadto sa P40 million ang kita niini sulod lang sa tulo ka adlaw. Nagpasalamat si Vhong sa tanan niya nga fans nga matud pa wala gyud nagpadala sa mga isyu nga pagpanglugos nga gibato ngadto kaniya.
Carla nakadawat na
Giangkon ni Carla Abellana nga daghan gyud siya og mga higala ang nagdahom nga magpakasal sila ni Geoff Eigennman karong tuiga apan nasuhong ra kini gumikan sa ilang panagbuwag. Suma pa ni Carla nga gidawat na nilang duha ang kamatuoran nga dili gyud sila ang mag-uban sa pagpaso sa altar sa kaminyoon.
Tinud-anay na gyud
Panghinaut ni Bela Padilla nga dili gyud sila magkabuwag sa iyang boyfriend nga si Neil Arce. Suma pa sa aktres nga kapoyan na siya nga mobalik sa uno busa gusto niya nga si Neil na gyud ang lalaki nga makauban niya sa tibuok niya nga kinabuhi. (Sanden J. Anadia)
Mariel nasagmuyo?
Gihugon-hugon nga gikasakit og maayo ni Mariel Rodriguez ang wala niya pagkalakip isip host sa sunod nga season sa Pinoy Big Brother.Adunay mga pagduda nga posibleng wala na siya dawata pagbalik sa maong programa gumikan sa kalit niya nga pagtikang niadto sa TV5. Nasayran nga wala na karon si Mariel sa TV5 ug andam kini nga mobalik sa kanhi niya mother network.
Sam magpatukod og resort
Nagplano si Sam Pinto nga magpatukod og kaugalingong resort. Matud pa sa aktres nga bata pa lang siya, pangandoy na gyud niya nga maka-manage puhon og resort.
Enzo naglaum gihapon
Kanunay gihapon nga mo-text si Enzo Pineda ngadto sa iyang ex-girlfriend nga si Louise delos Reyes apan wala gyud mo-reply ang aktres. Giingong naglaum pa si Enzo nga magkauli sila ni Louise.
Robi naanad ra
Gikataw-an lang ni Robi Domingo ang lenggua sa iyang mga kritiko nga matud pa dili siya angayan mahimong kabahin sa Pinoy Big Brother gumikan kay trying hard siya mo-host. Matud pa ni Robi nga normal lang sa showbiz nga makadawat og mga pagsaway busa wala niya kini panumbalinga.
- Latest