Enter pa!

1. Pamela Anderson. Trese ka higayon siya nga nahimong cover sa Playboy. Karon nagbasul na siya gumikan kay ang iyang mga anak kanunay matud pa nga bugal-bugalan sa tunghaan gumikan sa maong mga hulagway.

2. Kim Kardashian. Una siyang ni-pose sa Playboy niadtong 2007, ug tulo ka tuig ang nilabay, gipadayag niya nga nagbasul siya nganong iya kadtong gibuhat. Suma pa niya, gipugos siya sa iyang inahan nga si Kris Jenner ug giingnan nga mas maayo nga magpa-sexy siya aron inig ka tiguwang na niya, aduna siyay maanindot nga hulagway niya nga masud-ong. Apan pagka 2010, subli siya’ng nagpa-sexy, pinaagi sa W magazine, diin naghubo gyud siya. Suma pa niya nailad siya kay giingnan matud pa siya nga tabunan og artwork ang hubo niyang lawas.

3. Jessica Biel. Disisiete anyos lamang siya niadtong naghukas siya sa cover sa Gear magazine. Suma pa niya arogante matud pa siya niadtong tungora, feeling niya makamao na gyud siya unsay sakto, ug wala matud pay nakagiya niya. Pero nagbasul na matud pa siya.

4. Miley Cyrus. Kinse anyos siya niadtong nagpa-sexy siya sa Vanity Fair. Karon kun balikan matud pa niya ang maong magazine shoot, mauwaw matud pa siya sa iyang nabuhat ug nadismaya.

5. Keith Urban. Sa interview sa “Tonight with Jay Leno” sa nilabay nga tuig, gipadayag sa country singer nga nagbasul siya nganong naghukas siya sa cover sa Playgirl niadtong 2002. Ang iyang gibuhat, pasok matud pa sa ‘what the hell was I thinking” category.