First Indie

CEBU, Philippines - Excited na si Gabby Eigenman sa gikatakda niyang labing unang indie film ilabi na nga para pa gayud kini sa Director’s Showcase sa Cinemalaya. Kini mao ang “Asintado” diin kontrabida siya ug personal choice ni direk Louie Ignacio.

Lilet nakadaug sa Texas

Ang pelikulang “Lilet Never Happened” maoy nakaangkon sa Platinum Remi Award sa bag-ohay lang nga World Fest-Houston International Film ubos  sa Foreign Feature film category  didto sa Houston, Texas. Ang maong pelikula gigama sa beteranong Dutch filmmaker nga si Jacco Groen kinsa mao ang usa sa misuwat sa screenplay kauban ang Pinoy filmmaker nga si Roy Iglesias. Ang executive producer  mao si Eunice de Asis, samtang ang assistant directors naglangkob nila ni Ato Bautista ug  Jason Donato. Ang lead star niini mao ang award-winning child actress nga si Sandy Talag.

Nalakip usab sa maong pelikula ang Dutch actress nga si  Johanna ter Steege ug ang mga Pinoy nga sila si  Timothy Mabalot, John Arcilla,  Angeli Bayani, Marife Necesito, Grace Constantino ug  Archi Adamos. Ang mga nagkadaiyang kadalanan sa Maynila mao ang nagsilbing set sa maong pelikula.  (Itchelle P. Saris B. A. Communication)