P17M

CEBU, Philippines - Mikita og kapin sa P17 million ang pelikulang Da Possessed sa Star Cinema sa unang adlaw sa pagpasalida niini sa mga sinehan niadtong Sabado. Ang maong pelikula gibidahan nila ni Vhong Navarro ug Solenn Heussaff.

Tulin nga relasyon

Giklaro ni Quezon City Herbert Bautista nga niadtong 2003 pa siya katapusang nakauyab busa wala’y problema sa nahulma karon nga relasyon nila ni Kris Aquino. Gusto usab sa mayor nga himoong pribado ang relasyon nila sa TV host.

Shopping Galore

Todo shopping si Manny Pacquiao sa usa ka sikat nga department store sa Amerika sa miaging adlaw ug gipalitan niya og mga butang ang iyang mga staff. Suma pa nga miabot ngadto sa $20,000 ang nagasto ni Pacman sa maong pagpanuroy.

Bag-Ong Album

Gikatakdang i-release sa dili madugay ang bag-ong album ni Billy Crawford ubos sa Universal Records. Suma pa ni Billy nga lima ka tuig na nga wala siya makagama og album busa naghinam-hinam na siya sa pagbanhaw sa iyang singing career.

Kc ug Paulo nag-uban sa NY?

Adunay mga pagduda nga matud pa nag-uban sila si Paulo Avelino ug KC Concepcion sa pagbakasyon didto sa New York.  Giingong nanuroy ang duha sa Museum of Modern Art.

Robin ug aga giplanohan ni Kean

Kasamtangang mitungha og kursong filmmaking ang singer nga si  Kean Cipriano sa Mo-­ welfund Film Institute. Matud pa ni Kean nga ganahan siya nga makahimo og pelikula nga pagabidahan sa iyang mga idolo nga sila si Robin Padilla ug Aga Muhlach.

James gibadlong sa uyab

Nitumaw ang report nga matud pa nga gitambagan si James Yap sa iyang girlfriend nga si Michaela Cazzola nga  minosan na ang pagsige og pa-interview niini.  Gusto ni Michaela nga dili mahimong sumsuman ang pangalan iyang boyfriend.

Kissing scenes magbaha

Gipahibalo ni Zanjo Marudo nga nagbaha ang kissing scenes nila ni Pokwang sa umaabot nila nga pelikula sa Star Cinema nga dunay tentative title nga Amnesia Z.  Suma pa ni Zanjoe nga komportable ra siya sa maong eksena gumikan kay nagkauban na sila ni Pokwang sa mga nangagi niya nga proyekto.

Pinangga sa Lacson Family

Malipayon si Iwa Moto gumikan kay pinangga kaayo siya sa pamilya sa iyang boyfriend nga si Pampi Lacson.  Wala pa masulod sa huna-huna nila ni Iwa ug Pampi ang pagpakasal.

Kim mihilak

Emosyonal si Kim Chiu sa  surprise birthday party nga gipasiugdahan sa iyang mga higala, supporters ug sa aktor nga si Xian Lim sa miaging adlaw. Gisaulog sa aktres ang iyang birthday didto sa Amerika.

LJ nataypan ni Dennis?

Giingong target na pud karon ni Dennis Trillo ang laing Kapuso star nga si LJ Reyes. Adunay mga taho nga nagsugod na ang aktor sa pagpa-cute ngadto kang LJ.

Nauyonan sa mga anak

Nakauyon ra ang tanang anak ni Zsa Zsa Padilla ngadto sa bag-o niya nga inspirasyon nga usa ka architect  nga si Conrad Onglao.  Kanunay  nga makit-an ang duha nga mag-uban sa pagpanuroy.

Mao diay

Gipadayag ni Jennica Garcia nga daghan og limitasyon sa iyang pagka-artista ug usa na niini ang paglikay og mga kissing scene. Nakaingon ang aktres nga usa kini sa mga rason nga wala siya gi-renew sa maong network.

Paliko-liko ang tubag

Duha ka semana nga nanuroy sila si Lobi Poe ug Rocco Nacino didto sa Europe apan giklaro sa duha nga wala pa’y label ang ilang panag-uban ug ang labing importante nga malipayon sila sa kasamtangan nila nga istado.