Byahe ni Drew

CEBU, Philippines - Murampa si Drew Arellano sa lalawigan sa Zambales aron makighugyaw sa Mango Festival karong Biyernes pinaagi sa Byahe Ni Drew sa GMA News TV, 10pm. Suruyon niya ang nagkadaiyang Mango farm aron tilawan ang nagtigi sa katam-is nga mga mangga ug ibida sab niya ang mga maanindot nga talan-awon sa maong probinsya.

Celebrity Bluff

Mga magsuong cuties ang magtigi sa Celebrity Bluff sa GMA-7 karong Sabado sa gabii. Guest ni Eugene Domingo sila si Rocco ug Kyle Nacino, Felix ug Dominic Roco, ug mga sakop sa  Chicsers Oliver ug  Owy Posadas. Ang toprating show ni Eugene makita matag 9:15pm human sa Magpakailanman.

Pepito Manaloto

Si Tom Rodriguez maoy mudala sa papel nga “Hesukristo” sa Holy Week special episode sa Pepito Manaloto sa GMA7 karong Domingo sa gabii human sa Kap’s Amazing Stories. Pero dili mahimong sayon ang tanan alang kang Tom gumikan kay adunay musupak niini nga residente sa village nga gipuy-an nila ni Pepito.

Vampire  Ang Daddy Ko

Kaslon na sila si Ding (Jose Manalo) ug Dang (Gladys Guevarra) karong Sabado sa Vampire Ang Daddy Ko. Pero magkagubot usa ang tanan gumikan sa pangabubho hinungdan nga kinahanglang gamiton ni Victor (Vic Sotto) ang iyang power aron mabasa niya ang hunahuna sa duruha ug masulbad ang problema.

Julie’s Chief Baker student edition

Ang mga estudyante nga nisalmot sa Julie’s Chief Baker namaligya sa ilang mga cupcakes, Coca Cola cans ug Selecta ice cream sa Plaza Sugbo. Naka-halin sila og sobra pa sa P13,000 sulod sa 90 ka minuto. Ang halin sa ilang baligya i-donate sa Julie & Dieg Gandionco Foundation. Nagpadayon gihapon ang Julie’s Chief Baker Student Edition sa SkyCable Channel 35 ug 61 sa Cebu, Skycable Channel 62 sa Davao, Dumaguete ug General Santos. Makita pud ang uban pa nga mga episode sa Julie’s Chief Baker Student Edition sa YouTube.com/iWantJulies.

Kim nag-negosyo og gown

Gawas sa iyang showbiz career, usa sa gikabisihan karon ni Kim Chiu mao ang negosyo niya nga mga wedding gown. Ka-partner niya sa maong negosyo ang mga higala niya nga sila si Pepsi Herrera ug Edwin Tan.

Ryzza nakahilak sa regalo

Puwerting hilaka ni Ryzza Mae Dizon sa dihang giregalohan siya ni Vic Sotto og balay ug yuta. Gianunsyo kini ni Vic atol sa unang anibersaryo sa programang  Ryzza Mae Show niadtong Martes.

Melai ganahan na motrabaho

Imposible nga mahitabo ang unang plano ni Melai Cantiveros nga siya mismo ang mangunay og atiman sa anak nila sa iyang bana nga si Jason Francisco. Suma pa ni Melai nga kinahanglan na gyud siya nga mobalik og trabaho aron makasuportar siya sa panginahanglanon sa ilang anak.

Benjamin okay sa father role

Tsika pa ni Benjamin Alves nga andam siya modawat og father role sa iyang mga proyekto. Suma pa niya nga isip usa ka aktor, kanunay na gyud giandam ang iyang kaugalingon sa mga role nga posibleng ihatag niya.

BB mitin-aw sa isyu

Gihimakak ni BB Gandanghari ang tsika nga matud pa intensyon niya nga dili motagad sa kanhi niya hinigugma nga si Carmina Villaroel sa dihang nagkaabot sila niini sa birthday party ni Kathryn Bernardo. Suma pa ni BB nga wala lang gyud matayming nga  magkaatubang sila niini.

Angel komportable sa eksena

Gibutyag ni Angel Locsin nga wala’y problema ang iyang boyfriend nga si Luis Manzano sa intimate scenes nila ni Jericho Rosales sa seryeng The Legal Wife. Suma pa ni Angel nga komportable ra siya sa maong eksena gumikan kay suod naman sila daan ni Echo.  “Walang kaso ito sa kanya. Alam naman niyang trabaho lang ito. Artista rin siya. Naiintindihan niya,” suma pa sa aktres.

Kita ni Mark

Gibutyag ni Mark Herras nga ang 80% nga kita niya sa showbiz iyahang itugyan ngadto sa iyang anak nga si Ada Sofia Nicolette. Giparehistro na ni Mark ang maong bata ug ang iyang apelyido maoy gigamit niini.

Lani mipasilong sa Star Records

Mipirma si Lani Misalucha og kontrata sa Star Records sa miaging adlaw. Gi-promote karon sa singer ang bag-o niya nga album nga nag-ulohan og The Return of Asia’s Nightingale. Usa sa unod sa maong album mao ang awit nga Starting Over Again.

Ikaw na gyud Nora!

Misaludo pag-ayo ang production team sa pelikulang Dementia ngadto kang Nora Aunor gumikan kay mibalibad ang aktres nga hatagan og ka-double sa lisod nga mga eksena. Matud pa nga dili gyud reklamador ang aktres.

Pakalma ni Geli

Gihimakak ni Gelli de Belen ang mga report nga matud pa mi-walk out siya sa set sa programa nila ni Cristine Bersola sa TV5 nga Face The People. Suma pa ni Gelli nga naandan na gyud niya nga kung gubot na kaayo ang sitwasyon, iyahang ipakalma ang iyang kaugalingon sa gawas sa studio ug mobalik ra usab siya dayon sa set human sa pipila ka minutos.

“SamBelle”

Nakabaton na og daghang followers ang tandem nila ni Kim Chiu ug Coco Martin sa seryeng Ikaw Lamang sa ABS-CBN. Gitawag ang duha og “SamBelle”, ug gibase kini sa karakter sa duha sa maong serye isip Samuel ug Isabelle.

Aron maka-move on

Milarga na si  Enzo Pineda paingon sa  Amerika aron mosaksi sa umaabot nga away nila ni  Rep. Manny Pacquiao ug  Timo¬thy Bradley, Jr. Human sa maong fight, mosuroy og maayo si Enzo sa maong dapit aron dali ra siya nga maka-move on sa panagbuwag nila ni Louise delos Reyes.

Maricar ug Don nagkahanap ang relasyon?

Susama nga nagpakahilom sila si  Maricar de Mesa ug  Philippine Basketball Association (PBA) star Don Allado kalabot sa report nga padulong na sa annulment ang ilang kasal.

Matud pa sa nanggawas nga tsika nga tulo na ka Domingo ang milabay human mihawa na si Don sa balay nila ni Maricar ug nibalik lang kini aron mokuha sa uban niya nga mga gamit. Hinoun wala matud pa’y thir party sa ilang break-up ug nasakitan og maayo si Maricar gumikan kay gikonsiderar sa PBA star nga himoong legal ang ilang pagtak-op sa ilang relasyon pinaagi sa pagduso og annulment. Tuig  2006 sa dihang gikasal sila msi  Maricar ug Don sa Our Lady of Consolation Parish sa Quezon City.

Samtang ang  publicist ni Maricar nga si Lana Johnson nga motingog lang ang magtiayon sa saktong panahon.

True lover or political interest?

Unsay tan-aw ninyo niining relasyon karon nila ni Mayor Herbert Bautista ug Kris Aquino...true love or political interest? Ngano man?

Jojie sintos from bogo city, para nako true love na cya, kay boutan kaau c herbert bautista ug para ka kris nga malipay cya kang herbert it’s her own desisyon. Dili pud na cya labot sa politica kung naib0g ka sa usa ka tao nga nag serbisyo sa pilipinas politico dayun ang mahunahunaan be think positive.

 Anne Cuesta/MANILA .... its a Political interest ... yawat mudaog.

 Geron Gonzaga Dumanig (Calape, Bohol, Philippines) - sa akong tan-aw kay murag political interest kay gidungog baya to nga mo-entra sa politika sa Ms. Kris Aquino karong 2016 presidential elections..

Stars Contento - Ayala Road Cebu...Klaro kaayo nga usa kini sa mga "da moves" ni Kris Aquino para mosulod sa politika. Gihinay-hinay na niya ug "Pahumot" iyang ngalan sama pananglit sa pakigsu-od nya pagbalik sa amahan ni Bimby.

Catherina Daclan Lapu-Lapu City - pangandam na ni Kris sa iyang political career someday very soon.

Pangitaa kami sa Facebook: [email protected] or Banat Hugyaw Page

Kris emosyonal nga nagpasalamat kang James

Emosyonal ang TV host/actress Kris Aquino sa subling panag-atubang nila sa kanhi niya bana nga si James Yap atol sa birthday episode sa Kris TV para sa ilang anak nga si Bimby niadtong Martes. Ang maong interview isalida ugma puhon sa buntag.

Na-emosyonal si Kris gumikan kay atol sa maong interview nahunahuna niya nga dako kaayo og natabang si James ngadto sa iyang anak nga si Joshua kaniadto, hinungdan nga nangayo siya og pasaylo ngadto sa basketbolista sa iyang mga kasaypanan.

 â€œI want to say thank you to you dahil hindi ka naman sumuko.  Ang ibang mga lalaki, puwedeng puwedeng sumuko na at sabihing bahala na kayo sa buhay niyo dahil ayoko na nang gulo, pero hindi ka rin bumitaw kaya nagpapasalamat ako sayo,” nagkanayon si Kris atol sa maong interview, diin tipik niini ang gipakita sa Aquino and Abunda Tonight niadtong Martes.

   Bisan pa man sa pakyas nga relasyon nila ni James niadto, gihatagan gihapon og bili ni Kris ang mga maayong nabuhat sa basketbolista ngadto sa iyang kinabuhi.

"Yung ang liit pa ni Josh nung una kang pumasok sa buhay namin.I shouldn't be crying. Don't misinterpret this, please.Siguro ang haba lang ng pinagdaanan.You stepped up for Josh naman. Na hindi naging madali, pero naging mabuti ka sa someone na hindi mo naman kadugo and never mo siyang trinato na iba sa 'yo.And pati yung family mo, they were always good to my son,” nagkanayon ang TV host.

Sa bahin usab ni  Yap, nangayo usab siya og pasaylo ngadto kang Kris gumikan sa iyang mga pagkuwang niadto ngadto sa TV host.

 â€œSorry din sayo na..hindi man ako naging perfect na partner mo. Thank you sayo dahil natanggap mo pa rin ako ngayon okey na tayo.  So love love love”, nagkanayon si James.

 Kahinumduman nga gikasal sila si James ug Kris niadtong July 10, 2005 ug  nag-file ang TV host  og nullity of marriage niadtong August 9, 2010.Niadtong  February 2012, hingpit na nga gipaka walay bili sa husgado ang ilang kasal. (BANAT NEWS)