Banat ( Leaderboard Top ), pagematch: 1, sectionmatch: 1

Sarah-Coco movie

CEBU, Philippines - Kumpirmadong madayon ang pelikula nga paresan nila ni Sarah Geronimo ug Coco Martin ug sunod semana na ang shooting niini. Gikumpirmar kini sa mga kadagkoan sa Star Cinema ug Viva Films.

 

Nagkataas ang edad

Tsika pa ni Martin Nieverra nga dali ra gyud kaayo ang dagan sa panahon ug wala damha, motungtong na og 52 ang iyang edad karong Pebrero 5. Komedya pa sa singer nga dili siya mailhan nga tiguwang na kung basehan ang iyang hitsura. 

 

Ara ganahan na magminyo

Gisaad ni Ara Mina nga maabot gyud ang panahon nga magpakasal sila sa iyang boyfriend nga si Bulacan Mayor Patrick Meneses. Suma pa nga nagkataas na ang iyang edad busa segurado siya nga iyaha gyud nga sudlan ang maong butang.

 

Jodi mo-eskwela gyud

Gipadayag ni Jodi Sta. Maria nga bisan sa ka-busy niya sa iyang career, naa gihapon sa iyang plano nga mopadayon sa iyang pagtungha og medisina. Suma pa sa aktres nga ganahan pud siya makatabang og mga tawo nga dunay cancer , sama sa sitwasyon karon sa iyang inahan nga naghambin pud sa maong sakit.

 

MTV jocks

Pormal na nga gipaila-ila  sa Viva Communications ang mga  video jock (VJ) sa MTV Pinoy. Kini naglangkob nila ni Sam Pinto, Yassi Pressman, Josh Padilla (anak ni Gino Padilla), ug  Andrei Paras .

 

Yassi na-trauma sa gugma?

Nahadlok matud pa si Yassi Pressman nga mosulod pagbalik og relasyon sukad sila nagbuwag ni Sef Cadayona. Busa nitumaw ang mga pagduda nga si Sef maoy dunay dakong sala sa ilang breakup.

 

Forever ni Zendee

Gipistahan usab karon sa Youtube ang cover video ni Zendee Rose Tereenfe sa awit ni Mariah Carey nga Forever.  Mihimo usab siya og cover video sa awit ni Chaka Khan nga Through The Fire.

 

Dili pa diay sure!

Bisan pa man sa mga hugon-hugon nga mahibalik si Mariel Rodriguez sa sunod nga season sa Pinoy Big Brother, giklaro sa TV host nga wala gyud siya'y nadawat nga offer niini busa nihangyo siya sa kadaghanan nga mohilom na sa paghisgot sa maong butang. Magpaabot na lang si Mariel sa proyekto nga itanyag kaniya sa ABS-CBN. Nasayran nga nakigtigom na ang TV host ngadto sa mga kadagkoan sa maong network.

 

Wala'y makatumpag

Aminado si John Prats nga wala pa gyud mohunong ang iyang mga kritiko sa pagsige og pagpangatake sa relasyon nila ni Isabel Oli. Giklaro sa aktor nga bisan sa kadaghang pagsaway nga ilang nadawat, dili gihapon kini makatumpag sa relasyon nila ni Isabel.

 

Pagminalditani Nikki gihangop

Gikalipay pag-ayo ni Nikki Gil ang paghangop sa viewers ngadto sa iyang karakter isip maldita sa seryeng Maria Mercedes. Suma pa ni Nikki nga bisan sa pagsulbong sa iyang acting career, dili gyud niya biyaan ang pagkanta.

 

Louise nakat-on na molangoy

 Human sa kapin sa duha ka semana nga swimming lesson, gipasigarbo ni Louise delo Reyes nga kahibalo na siya mosalom busa andam na siya sa umaabot niya nga pantaserye, ang Kambal na Sirena. Usa sa nitabang kaniya ang uyab niya nga swimmer nga si Enzo Pineda.

 

Mihinay ang komunikasyon

Tsika pa ni Mark Herras nga medyo nagkahinay ang komunikasyon nila sa iyang ex-girlfriend nga si Ynna Asistio  gumikan sa ka-busy nila sa usa’g-usa. Una na nga gipadayag sa aktor nga nagpabilin gihapon ang ilang panaghigalaay bisan pa man giputol nila ang ilang relasyon.

 

Gasige og hilak

Gibutyag ni Rafael Rosell nga nabaid pag-ayo ang iyang abilidad sa pag-arte sa seryeng The Borrowed Wife gumikan kay daghan kaayo og eksena nga naghilak siya. Gipaneguro ni Rafael nga andam gyud ang iyang kaugalingon sa dili pa siya motikang sa set sa maong serye. 

 

Demalason

Igo lang mingisi si Rayver Cruz sa obserbasyon sa ubang mga tawo nga matud pa malason gyud permi ang iyang lovelife. Suma pa sa aktor nga wala na siya magdali nga mosulod sa maong butang.

 

Nagkahayag na

Napanglantawan na ni Jessy Mendiola nga makauyab gyud siya og taga-showbiz karong tuiga apan dili pa gyud niya matino kung unsa kining buwana. Giingong si Sam Milby ang maong lalaki nga doul sa iyang kasing-kasing.

 

 

Bride For Rent mikita na og 280M

Naghilak si Kim Chiu samtang nagpasalamat siya sa iyang fans gumikan sa init nga suporta niini sa iyang  latest romantic comedy movie nga  Bride for Rent.

Ang maong pelikula nila ni Xian Lim mikita na og  P280 million sa  box-office sukad kini gipasalida niadtong January 15.

Ug gipaabot nga mosaka pa ang kita niini gumikan kay gipasalida pa kini sa ubang mga sinehan.

Ang maong figure sa kita gianunsyo sa Star Cinema atol sa victory party sa maong pelikula niadtong Miyerkules sa gabii sa  9501 restaurant nga nahimutang sa ABS-CBN compound.

 

 

 

 

  • Follow Us: