Showbiz giplanohan ni Ariella

CEBU, Philippines - Gitataw ni Miss Universe 3rd runner-up Ariella Arida  nga bukas siya nga mosulod puhon sa showbiz. Apan karong panahona, mo-focus una siya sa iyang mga responsibilidad sa BinibiningPilipinas Charities, Incorporated (BPCI).

Kim nagbangotan gihapon

Tsika pa ni Kim Chiu nga wala kaayo’y  Christmas décor sa ilang balay karong tuiga gumikan kay padayon siya nga nagbangotan sa kamatayon sa iyang inahan niadtong Hunyo karong tuiga. 

Special screening

Ipasalida sa  12  ka mga sinehan didto sa United Kingdom  ang pelikulang Metro Manila nga gibidahan nila ni Jake Macapagal, Althea Vega ug John Arcilla kung diin ang kita niini itabang sa mga biktima sa bagyo sa Kabisay-an.

Greta mosuporta ni Raymart

Gibutyag ni Gretchen Barretto nga andam siya motingog sa korte aron paluyohan ang bana ni Claudine nga si Raymart Santiago. Kahinumduman nga gipasakaan ni Claudine og kaso si Raymart gumikan sa paglapas niini sa R.A. 9262 o Violation Against Women and their Children Act.  Suma pa ni Greta nga andam siya motingog batok ni Claudine.

Willie mobalik sa telebisyon

Nagplano si Willie Revillame nga moumol gihapon og game show sa sayong  bahin sunod tuig.  Suma pa sa TV host nga panahon nga iyahang i-revive ang show niya sa TV 5 niadto nga Wowowillie nga natapos sa miaging buwan. Wala hinuon giklaro ni Willie kung unsa nga station ang iyang pillion basta ipaneguro niya nga network kini  nga dunay lapad nga signal aron daghan ang  makalantaw nga mga tawo.

Bag-ong hairstyle

Malantawan na karong semanaha ang mubo nga buhok ni Lovi Poe sa seryeng  Akin Pa Rin ang Bukas. Suma pa sa aktres nga nakalitan ang mga crew sa maong serye pagkakita sa iyang buhok. Matud pa ni Lovi nga gikinahanglan kini sa serye busa wala siya’y mahimo.

Jen nakanselar ang paglarga

Wala madayon ang gikatakdang paglarga ni Jennylyn Mercado didto sa Tacloban. Suma pa ni Jen nga nagpaabot pa siya sa tubag sa iyang gi-request nga ipasakay sa C130 ang giandam niya nga relief goods alang sa mga biktima sa bagyo. Nasayran nga wala gihapo’y kontak ang aktres sa iyang mga kabanay didto sa Leyte.

Alicia nagbitbit sa anak

Gidala diay ni  Alicia Keys ang tres anyos niya nga anak nga si Egypt atol sa iyang concert dinhi sa Pilipinas sa miaging gabii. Wala lang kini gipa-expose ni Alicia gumikan kay dili pa andam moatubang sa kamera ang iyang anak.

Rayna ug Hari

Kung si Robin Padilla pangutan-on, giila niya ang iyang anak nga si Kylie nga rayna sa GMA -7, samtang gitawag niya kini og hari sa ABS-CBN ang pag-umangkon niya nga si Daniel.

Mommy D nagpungasi ang kalagot

Gipadayag ni Dionesia Pacquiao nga dili kawatan ang iyang anak  nga si Manny busa dako ang iyang kalagot sa dihang gi-garnish sa Bureau of Internal Revenue (BIR) ang kuwarta sa Filipino boxing icon. “Bakit ganyan ang nangyari? Tumingin ako sa TV kahapon, umiiyak ako. Kawawa naman ang anak ko. Lumaban siya, nabawi na niya ang pagkatalo, siya pa ang nagbigay ng karangalan ng Pilipinas, bakit ginulo pa sa mga BIR?” suma pa ni Mommy D sa interview niini kagahapon sa Umagang Kay Ganda.

Pokwang wala motagam

Gibutyag sa komedyanteng aktres nga si Pokwang nga sa ikatulong higayon, ganahan siya nga makabaton puhon og inspirasyon. Masaligon ang aktres nga makakita gihapon siya og lalaki nga mopapitik sa iyang kasing-kasing.

Martin misaludo ni Jed

Gipadayag sa concert king nga si Martin Nievera nga dili basta-basta ang tingog ni Jed Madela busa misaludo siya niini. Suma pa ni Martin nga dunay kaugalingong technique si Jed sa pagkanta busa makauyon ang mga tawo kung makadungog sa iyang tingog.

Proud sa tattoo

Wala’y gibating pagmahay si Polo Ravales sa pagpa-tattoo niya sa iyang dughan ug bukton gumikan kay puros mga pagdayeg ang iyang nadawat. Suma pa sa aktor nga nihaom sa kolor sa iyang panit ang iyang tattoo busa dili kini hugaw lantawon.

Pag-anad Richard!

Nahagit si Richard Poon sa ka-busy sa schedule sa iyang asawa nga si Maricar Reyes apan giklaro sa aktres nga wala siya’y reklamo niini gumikan kay parte man kini sa trabaho sa showbiz. Suma pa ni Richard nga naanad na siya nga mag-usab usab ang adlaw sa ilang date isip magtiayon.

Asian TV Awards dili sipyaton ni Marian

Gipaneguro ni Marian Rivera nga iyaha gyud nga tambongan ang Asian TV Awards sunod semana didto sa Singapore kung diin nominado siya sa kategoriyang best actress alang sa serye niya nga Temptation of Wife. Suma pa sa aktres nga  mudaog man o mapilde, dakong garbo alang kaniya nga malakip sa listahan sa mga nominado sa maong award-giving-body.

Bisan pa man nga wala na siya magdahom nga mudaog,  target lang ni Marian nga makasuway og tambong sa maong red carpet event gumikan kay wala gyud siya kasuway niini sukad pagsulod niya sa showbiz. Gisuginlan usab si Marian sa iyang boyfriend nga si Dingdong Dantes nga mag-enjoy ug dili angayan sipyaton ang panag-abot sa international showbiz personalities.

Gibutyag sa aktres nga dili pa segurado kung makauban ba si Dingdong sa Singapore gumikan kay duna kini taping sa seryeng Genesis. Nagduda hinuon si Marian sa mahimong buhaton ni Dingdong ug posibleng surpresahon siya niini didto sa Singapore.

Nagkanayon ang aktres nga sinugdanan na kini sa iyang international career. Kahinumduman nga nahugyaw usab ang mga tawo sa pagbisita niya didto sa Vietnam sa miaging buwan. Samtang wala pa kalarga si Marian, busy siya karon sa nagkadaiyang relief operations alang sa mga biktima sa bagyong Yolanda. Niadtong Lunes mibisita sa Amihanang dapit sa Sugbo ang aktres uban sa Kapuso Foundation ug nitabang sa pag-apod-apod og relief goods. Nitikang usab siya kagahapon sa Ilo-Ilo uban sa Yes! Pinoy Foundation ni Dingdong.

G2B trending worldwide

Trending worldwide ang makakilig nga mga eksena nila ni Daniel Padilla ug Kathryn Bernardo  niadtong Martes sa gabii sa seryeng Got To Believe (G2B).

Sa maong episode, nipaduol og maayo si Joaquin (Daniel) ngadto kang Chichay (Kathryn) ug gihangyo nga mao kini ang himoon niya nga dance partner.

"Ikaw ang gusto kong makasayaw buong buhay," suma pa ni Joaquin samtang nagbitbit og rose.

Nisamot og kakilig ang katawhan sa dihang nag-holding hands ang duha ka mga bida ug mo-kiss unta si Daniel kang Kathryn ug nilenggua dayon ang aktres og "Grabe ka, ito na nga holding hands na. Gusto mo naman kiss agad.”

Kris wala sa poster

Wala ang dagway ni Kris Aquino sa  poster sa pelikulang My Little Bossings. Gihatagan ni Kris og gibug-aton ang iyang anak nga si Bimby nga bida sa maong pelikula. Naghinam-hinam na ang TV host sa mahimong resulta niini.

Fundraising album sa international singers

Wala magduha-duha sa pagtando ang pipila ka mga dagkong personalidad sa international music industry aron mogama og fundraising album alang sa typhoon victims dinhi sa Pilipinas.

Pipila ka singers ug mga kompanya sa musika ang nitunol sa ilang mga awit aron malakip sa album nga nag-ulohan og "Songs for the Philippines" nga langkoban og 39 tracks. Ang tanang kita sa  album adto ihatag sa  Philippine Red Cross nga itabang sa mga biktima sa kalamidad. Mao kini ang mga kanta nga malakip sa album nga "Songs For The Philippines":

1. The Beatles – "Across The Universe"

2. Bob Dylan – "Shelter From The Storm"

3. Michael Bublé – "Have I Told You Lately That I Love You"

4. U2 – "In A Little While"

5. Bruno Mars – "Count On Me"

6. Beyoncé – "I Was Here"

7. Eminem – "Stan" (Live from BBC Radio 1)

8. Cher – "Sirens"

9. Adele – "Make You Feel My Love"

10. Katy Perry – "Unconditionally" (Johnson Somerset Remix)

11. One Direction – "Best Song Ever"

12. Fun. – "Carry On"

13. Lady Gaga – "Born This Way" (The Country Road version)

14. Justin Timberlake – "Mirrors"

15. Justin Bieber – "I Would"

16. Alicia Keys – "New Day"

17. Imagine Dragons – "30 Lives"

18. Madonna – "Like A Prayer"

19. Pink – "Sober"

20. Kylie Minogue – "I Believe In You"

21. Enrique Iglesias – "Hero"

22. Red Hot Chili Peppers – "Factory Of Faith"

23. Linkin Park – "Roads Untraveled"

24. Kings Of Leon – "Use Somebody"

25. Muse – "Explorers"

26. Lorde – "The Love Club"

27. Josh Groban – "Brave"

28. Kelly Clarkson – "Stronger"

29. Paolo Nutini – "Simple Things"

30. Ellie Goulding – "I Know You Care"

31. James Blunt – "Carry You Home"

32. Pitbull feat. Christina Aguilera – "Feel This Moment"

33. Earth, Wind & Fire – "Sign On"

34. Apl.De.App – "Going Out" feat Damian Leroy

35. Sara Bareilles – "Brave"

36. Jessica Sanchez – "Lead Me Home"

37. Lily Allen – "Smile"

38. The Fray – "Love Don't Die"

39. The Beatles – "Let It Be"