Ang damgo ni Len

Dear Kuya Uriel,

Maayong buntag nimo, kuya Uriel. Mangutana ko nimo unsay hubad sa akong damgo nga naa kunoy uyab ang akong bana. Natawo ko sa December 4. Hinaot nga imo kong kahatagan og tubag. Maghulat ko sa imong tubag, kuya. Daghang salamat and more power to you. -- LEN

TUBAG: Malagmit nga dako kaayo ang imong gugma ngadto sa imong bana hinungdan nga nagdamgo ka og ingon niana. Ang tinuod honest kaayo nganha nimo ang imong bana. Hinuon, dili kalikayan nga tungod sa iyang kabuotan ug pagka responsable nga bana, daghan ang mga kaliwat ni Eba nga modayeg kaniya ug moingon nga suwerte ka nga siya maoy imong nabana. Malagmit nga adunay babaye nga hilom nangandoy nga mahimong ikaduha sa kinabuhi sa imong bana.

* * *

Dear Kuya Uriel,

I just want to know what's the CHI in my life. I was born on October 15, 1977. Thanks a lot and more power. -- 0920-6364453

TUBAG: Bitin ang imong horoscopic animal. Kusog ang buylo sa imong positive CHI ug kini nagpasalig alang kanimo og kinabuhi nga tugob sa kadagaya. Bukas alang kanimo ang daghang kahigayonan sa pag-asenso. Dako kaayo ang purohan nga makabaton og katumanan ang imong mga pangandoy sa kinabuhi. Kun makasugat ka og suliran apan dili kini makatay-og sa kalig-on sa imong baroganan ug sa imong mga panglantaw sa kinabuhi. Gamita ang imong extra sensory perception sa pagtugkad sa mga panghitabo sa imong palibot. Bulnerable ka sa bisan unsang matang sa epidemiya.

* * *

Dear Kuya Uriel,

I was born on July 10, 1983. Unsay maayo nga trabaho alang nako? Thank you very much. More power and God bless.-- 0916-6107224

TUBAG: Baboy ang imong horoscopic animal. Epektibo ka sa matang sa trabaho nga may kalabotan sa pagdumala sa usa ka administrasyon sa establisamento, panday, panambal, siyensiya, pagpanukiduki alang sa kaalam, musika, pagdumala sa teknikal nga mga aspeto ug daghan pang uban.

* * *

EDITOR’S NOTE

Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.