Dili nindot ang kombinasyon

Dear Kuya Uriel,

Hi...! I’m Jane. I want to know my CHI. I was born on April 13, 1992. My boyfriend was born on December 29, 1991. Match ba mi? -- 0920-3873xxx

TUBAG: Natawo ka sa tuig sa unggoy samtang ang imong boyfriend natawo sa tuig sa kanding. Managsamang kusog ang momentum sa tagsatagsa ninyo ka CHI. Ugaling lang kay dili nindot ang inyong kombinasyon. Giklaro sa Chinese feng shui nga dili kamo perfect match sa usa’g-usa. Komplikado ang kinabuhi kun kamo ang magkadayon. Apan kining kolumnista dili mosugyot pagbugto sa inyong relasyon.

* * *

Dear Kuya Uriel,

Good day. I want to know my CHI. I was born on February 12, 1982. My boyfriend was born on December 13, 1975. Thank you very much and God bless. -- 0928-4220xxx

TUBAG: Natawo ka sa tuig sa iro samtang ang imong boyfriend natawo sa tuig sa koneho. Mas kusog ang buylo sa CHI sa imong boyfriend kay sa kaugalingon mong CHI. Nindot ang inyong kombinasyon isip managhigugmaay. Giklaro sa Chinese feng shui nga perfect match kamo sa usa’g-usa. Nindot kaayo kun kamo ang magkadayon.

* * *

Dear Kuya Uriel,

Good day. I was born on October 17, 1972. My husband was born on October 13, 1973. Unsay maayong negosyo para namo? Thanks. -- 0910-3867025

TUBAG: Natawo ka sa tuig sa ilaga samtang ang imong bana natawo sa tuig sa baka. Mas kusog ang buylo sa CHI sa imong bana kay sa kaugalingon mong CHI. Perfect match kamo sa usa’g-usa. Maoy haom kaninyo ang negosyo nga may kalabotan sa auction, brokerage, publikasyon, pagkaon, panambal, panguma ug relihiyon.

* * *

Dear Kuya Uriel,

Good day. I want to know my CHI. I was born on January 14, 1990. Thank you very much. More power and God bless you always. -- 0910-4609265

TUBAG: Natawo ka sa tuig sa kabayo. Nahimugso ka sa petsa nga ang elementong tubig maoy koresponsal. Kusog ang buylo sa imong CHI. Nagpasalig kini alang kanimo og madagayaon nga kinabuhi. Likay sa gugmang gidili. Labing maayo nga mogamit ka kanunay sa kolor nga yellow, orange ug beige aron pagkabig sa dugang suwerte.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.