Fajardo magpakondisyon

CEBU, Philippines — Si reigning PBA MVP JuneMar Fajardo mipadayag nga kinahanglang palig-onon iyang kondisyon ilabi nga nagkapisikal na ang duwa sa liga.

Ang San Miguel Beer star mitug-an nga naglisud na siya matag duwa tungod sa kapisikal sa  iyang mga defender ug mao ni ang hinungdan  magbaton siya og dugang kalig-on aron  makasugakod.

Nasayran nga ang PBA ubos sa bag-ong commissioner nga si Willie Marcial mipahimangno sa  mga reperi nga dili na estriktuhon ang tawag sa mga foul.

Tungod niini, si Fajardo nakaangkon karon og bun-og o garas, apan impresibo gihapon siya diin  mirehistro siya og 19 points ug 21 ka rebounds niadtong Domingo batok sa Magnolia Hotshots. (BANAT NEWS)