Cavs nangita og tubag sa ilang pagkasukarap
CEBU, Philippines — Gipadayag ni Cleveland superstar LeBron James nga ang Cavaliers kinahanglan mangita og paagi aron pakgangon ang ilang pagkasukarap sa dili pa sila maghuna-huna nga makataak sa NBA Finals sa ikaupat nga sunod-sunod nga higayon.
“Playoffs? We can’t even start thinking about that, not the way we’re playing right now,” matud pa ni James human ang Cavs gipakauwawan sa Oklahoma City Thunder, 148-124 didto mismo sa ilang nataran niadtong Domingo.
Gihulagway ni point guard Isaiah Thomas nga makauulaw ang kaparotan nga ilang natilawan sa mga kamot sa Thunder. Mao kadto ang ikasiyam nilang pilde sa katapusan nilang 12 ka duwa nga nagbutang og dakong pangutana kun duna ba’y mahitabong kausaban sa koponan.
Sa dihang gisukna kun nabutang ba sa alanganin ang trabaho ni coach Tyronn Lue, si James nanghinaut nga dili kini mahitabo.
Bisan pa man og nahagsa ang ilang rekord ngadto sa 27-18, ang Cavaliers nahimutang gihapon sa ikatulong puwesto sa Eastern Conference.
- Latest