Ancajas gianad og bugnaw
Giapil karon sa training ni IBF super flyweight champ Jerwin Ancajas ang pag-anad sa iyang kaugalingon sa bugnaw nga lawak nga kusog og aircon.
Gituyo kini sa kampo ni Ancajas aron dili siya makalitan sa bugnaw nga klima didto sa Estados Unidos diin didto himuon ang sunod niyang title defense batok ni Mexican Israel Gonzales sunod buwan.
Lue taktakon sa Cavs?
Nagmakuli si Cleveland Cavaliers star LeBron James pagtubag sa pangutana kun dili ba taktakon sa trabaho ang ilang coach nga si Tyron Lue tungod sa sunod-sunod nilang kapildihan.
Ang Cavaliers nahimutang karon sa ikatulong dapit sa Eastern Conference uban ang 27-18 nga baraha.
Laing hari sa welterweight
Hinay-hinay nga nagpaila karon si undefeated knockout artist Errol Spence Jr. isip usa sa mga kahadlokang boksidor sa welterweight division, ang dibisyon ni Manny Pacquiao.
Si Spence mihimo og impresibong kadaogan kagahapon human niya gipaundang ang veteran nga si Lamont Peterson alang sa IBF championship.
- Latest
