Reluya motocross karong Enero 27-28
CEBU, Philippines — Nagpanikad na ang local motocrossers alang sa labing una nilang lumba karong tuiga, ang 2018 Mayor Neneth Reluya Motocross Cup didto sa Balud, San Fernando karong Enero 27-28.
Bayente ka mga kategoriya ang banatan sa duha ka adlaw nga karera, apil na niini ang expert open, 40 ug 50-above, intermediate open, novice open, beginners open ug 50cc, veterans 35 above, 40-above open enduro, 125 enduro, underbone open, 85cc ug 50cc.
Duna sa’y duha ka dibisyon alang sa mga babaye, ang ladies open ug 12-under.
Si Pepo Rubi sa Quickflight Racing nagkanayon nga kapin sa 50 ka riders, apil na ang pipila ka mga out-of-towners ang gipaabot nga mosalmot sa kulbahinam nilang kompetisyon.
Ang Mayor Reluya Cup magsilbe sab nga katapusang leg sa Hitachi Motocross Series 2017-2018 edition.
- Latest